❤ الكاذب الجميل ❤ [باللهجة الجزائرية 🇩🇿 ]

?مقدمة? •عودة للماضي•

في احدى شوارع الجزائر العظيمة كانو يعيشو اولاد عم ... محمد و بلال.... تزوجو لزوج بالنساء لي يحبوهم و كانو يتمناوهم ... و كانو يعيشو حياة سعيدة معا ... و هاد الحاجة نادرة بزاف هاد الايام كانو يحبو بعضهم و اي خرجة ولا تحواس يروحو كيف كيف كانت حياتهم مثالية..... جازو الاعوام الجميلة ... زوجة بلال حملت بطفل .... العائلة قاع فرحت و كانو يستناو فهداك الطفل على احر من الجمر لخطرش هو اول طفل فالعائلة الجميلة كانو يعاملو زوجة بلال كي الملكة...

بعد مرور تسعة اشهر جميلة مع شوية الم و عياط ... زاد اياد .... 7 ايام و 7 ليالي و هما يحتافلو و فرحانين .... كان كي الملائكة شباب و خرج يتشبه لبلال...

جازو عامين كانو قاع يعاملو اياد كي الملك .... لكن فنفس الوقت محمد كان متقلق على زوجته العزيزة ... حتى هي كانت مقلقة على روحها ... جاز بزاف و هي مزال محملتش... لوقتاش تبقا تصبر روحها ب اياد لي صح كانت تعتابرو كي وليدها بصح هو مراهش وليدها الحقاني ... كانو مكتائبين لكن بلال و مرتو مخلاوهمش و وقفو معاه

في احد ايام الشتاء الجزائري... بينما كانت الارض معمرة بالطين و الشتاء... و المظلات يتطايرو و يتكسرو من شدة البرد .... و الناس متمرمدة .... *خلاص راني حبست خخخخ* كانو محمد و مرتو قاعدين مع بلال و مرتو يقصرو يجوزو سهر كيلعادة بما انهم عايشين قدام بعضهم مرت محمد تصرعت ... كعادة كل جماعة جزائرية ناضو يعيطو و يندبو ... حتى تفكرو يعيطو للاسعاف ... راحو يجرو لسبيطار... بلال يصبر في محمد و محمد يندب على زهرو حتى تخرج الطبيبة الجميلة بابتسامة صفراء عريضة تمشي و تقفز كالبلهاء ... و هدا خلا الجماعة في حيرة .... برك وصلت و بفرحة قالتلهم

الطبيبة : مبروك ... مرتك رااهي حامل

فرحو قاع و محمد ما امنش عقلو رجع يعيط و ينقز فسبيطار و بلال و مرتو تان ... كان يوم ميتنساش

و جازو 9 شهور و مرت محمد تلقات نفس المعاملة و افضل لانو دك عندهم تجربة .... حتى جا النهار الموعود نهار ناضو على الخمسة تع الصباح على العياط....

راحو يجرو لسبيطار و بعد معاناة كبيرة و خوف و قلق ... جات ياسمين

وردة العائلة فرحة جماعتنا كانت متتوصفش و قعدو غير يقولو لاياد ... راي جات ختك راه ولا عندك ختك

فهديك الدقيقة كي زادت ياسمين بلال خزر في محمد

بلال : ياخويا محمد هادي مرت وليدي خلاص ههههه

محمد خزر فيه و دموع لفرحة فعينيه

محمد : هههههههههه خسارة عليك يا خو

و لتم قطعو وعد بلي ياسمين رح تكون لاياد و اياد لياسمين .... هديك الدقيقة خرجو لزوج يجرو شراولهم سنسلات متشابهين