ياسمين : اااه خلاص صبرتي نهار كامل كملي...
كيما كانت نحات الفيستا تاعها رماتها جات فوق التلفزيون و نحات صباطها تان رماتو كي المهبولة اياد حكمو الضحك كانت تبان تع الصح مزطولة بصح لتم صرا لي مكانش يتوقعو .... ياسمين ناضت مبلاصتها و بدات تنحي فالتريكو تاعها هو قعد مشوكي و الطفلة راي تنحي حمدالله كانت عيانة سينون راي فثانية قلعت كلشي خخخخخخ هو لتم بلا ما يفيق مشوك دار صوت
اياد : يااااااه ... احم احم
و جاتو السعلة .... هكاك و دور ياسمين و تشوفو واقف عاطيها بظهرو و تعطيها بعيطة الجزائر قاع سمعتها
ياسمين : ااااااااااااااااااااااااااااااااااااااه سرااااااااااق سرااااااااق ينعل*********عاودت بزربة لبست تريكو و كان قدامها كرسي صغير حكماتو و رماتو عليه ... جاه سواسوا في ظهرو اياد شاف النجوم بين عينيه مقدرش ميمبا يدور خاف يصيبها مزالها بلا تريكو
اياد : ااااااااااااااه
و ياسمين لعبت روحها رجلة و متخافش شدت فاز *مزهرية* و سوطات مالفوتاي و جات رايحة عندو معولة تقتلو.... برك وصلت حكماتو من كتفو و دوراتو لعندها و جات حا تكسرلو الفاز في راسو ... بصح برك طاحو عينيها في عينيه طلقت الفاز مالخلعة رجع فتات جاتها الفشلة حست بلي رماو عليها ماء بارد حست بلي رجليها تكسرو و مرحش يقدرو يرفدوها كثر قاعدة تستنا وقتاش تنوض مالحلم هدا .... لخطرش مامنتش وش راه قدامها .... اما اياد ... ايييه وش نقول وش نخلي ... غرق في عينيها الخضورا لي تعمرو بالدموع ...
اخيرا بعد 7 سنين من الانتظار.... 7سنين مالمعناة و الشوق و الحنين و الحب و الكره و كلشي
اخر مرة تلاقاو عينيهم كانت كي تضاربو قبل ما يروح .... دك رام كبار و تبدل كلشي غير حبهم النقي .... قعدو مدة و هما هكاك *كيما لهنودة و تتفتح التاقة و يطير شعر الطفلة ممبعد فجاة تطيح و السيد يرفدها و خلص الفيلم خخخخخ خلاص نرجعو لحكايتنا*
خلاص ياسمين مقدرتش تشد دموعها كثر راحت تجري هربت لبيتها و غلقت لباب و طاحت فالارض و طرطقت بلبكا معرفتش ادا هادو دموع فرحة ولا حزن ولا شوق .... النفس داق فيها رجعت تبكي بصوت عالي ... اما اياد كان واقف قدام الباب و يسمع فيها تبكي هكاك قلبو تقطع عليها ... حتى هو دموعو بداو ينزلو بلا ما يفيق... بصح هي كانت كثر منو بلبزاف و كان عبالو بهاد الشي... على هادي قرر يتشجع
اياد : ييا... ياسمين ... خلااص بلييز حبسي... علاه راكي تديري هكا بليز ياخ كنتي تقولي انا قوية و علاه راكي تبكي هكا خلاص عبالك بلي منقدرش لدموعك
اياد كان يهدر برك اي حاجة حس بيها قالها...كلامو كان مالقلب.. و ياسمين كل ما تسمع صوتو كل ما تزيد فصوت بكاءها .... بصح برك سمعت اخر جملة قالها *عبالك بلي منقدرش لدموعك* تقلقت بزاف و زاد المها كثر و كثر ... ناضت بهاديك الحالة فتحت لباب و خرجت عليه... تقوشي كانت تشوف كلش كحل قدامها... تقوشي خدروها ... راحت ليه بدات تهدر معاه بلعياط و تضرب فيه لصدرو بيديها الصغار لي مأتروش قاع عليه بحكم هو خشين ... تهدر و تبكي
أنت تقرأ
❤ الكاذب الجميل ❤ [باللهجة الجزائرية 🇩🇿 ]
Misterio / Suspensoالقمرُ الذيّ تراهُ أراهُ أنّا والليلُ الذيّ حلَ بمدينتكَ هو ، الليلُ الذي حلَ ،بمدينتيّ نحنُ نوازيَ بعضنَا ولكننّا لا نلتقيّ ..... هل قطعنا كل هذا الطريق معاً كي ننتهي غرباء ...؟ 🎀 إياد 💕 ياسمين🎀 ملاحظة : القصلة سوف ت...
![❤ الكاذب الجميل ❤ [باللهجة الجزائرية 🇩🇿 ]](https://img.wattpad.com/cover/143532648-64-k511375.jpg)