دفنو نور و اياد محطم قاع رجع للدار بعدما كملو صاب ام نور و خوها الصغير قاعدين فدارها و يماها مزالت فهاديك الحالة راح شرالهم عفايس ياكلوهم و شرا لخوها الصغير لي مكان فاهم شي الحوة و عفايس فدراري صغار باش يلهيه و بعد ما طمئن عليهم راح لسبيطار يمشي بخطوات محطمة و برك وصل لغرفتها لقاها راقدة كي الملاك وجها منور ...دخل قعد قدامها شدلها يديها و قعد غير يتأمل فيها ايييه كيفاش قدر يعيط على وحدة بريئة كيما هي تقول شي ملاك على وجه الارض ...
كان حايب يخبيها في حضنو و يطلعو لأمريكا ميزيدوش قاع يرجعو للهم تع هنا .... قعد غير يخمم و يسرح فيها حتى يشوفها بدات تفتح فهينيها قلبو بدا يخبط قرب منها و شد يدها بلخلعة
اياد : ياسمين!!!
هي فتحت عينيها بسيف و قاعدة تخزر فكل بلاصة ممبعد عرفت بلي راي فسبيطار و بسيف باه هدرت
ياسمين : وش صرا ...
اياد : بلعقل بلعقل مكاين والو برك تعبتي شوية
ياسمبن قاعدة تخزر فيه ممبعد تفكرت كلشي عينيها تعمرو بدموع و دورت وجها باه ميشوفهاش تبكي ممبعد هو فهم بلي تفكرت راح ليها عنقها بلعقل و قاللها بكل حزن
اياد : ليوم تدفنت .... و ماماها و خوها رام في دارها
هي لتم بادلاتو العناق بلا ماتفيق و زادت فصوت البمية كانت مقهورة قاع
ياسمين : كانت اخر امنية ليها نسامحوها😭
اياد : خلاص ياسمين انا مسامحها و عبالي بلي نتي تان ... بصح الحياة محاش تحبس هنا كوني قوية... نور دارتلك بزاف عفايس مش ملاح و مع هذا بكيتي عليها و انقهرتي عليها هههه هادي هي ياسمين لي نعرفها💜
ممبعد بعد عليها صابها تخزر فيه كي لي بيبي صغار
ياسمين : راني حابة نروح للدار اياد
اياد : ههه دقيقة برك نروح نشوف مع الطبيب
راح اياد طلب مالطبيب يجي و بالتاكيد راح و فحص ياسمين و عطالها دواء باه تبرا كثر و صرح انها تقدر تخرج ... بعدما كملو الاجراءات خرجها اياد و راحو للدار ديراكت طريق كامل و هي تخزر فالسماء مالنافدة مهدرت شي و اياد سكت محبش يزعجها خلاها
برك وصلو شدها تكات عليه و طلعو .... كانت حابة تروح عند ام نور لانها تعرفها راحت زارتها مقبل .. برك دخلت صابتها بديك الحالة محبتش تبكي وتزيد عليها راحت عنقتها و واساتها و قاتلها انو هي بنتها دكا و رح تهتم بيها كيما كانت تدير نور تماما و دخل اياد زاد وعدها انو رح يعاونها باي حاجة يقدر يديرها
قعدو معاها طول نهار و اياد رح شرا ماكة من برا ... كلاو و حتى رقدت ام نور و خوها باه راحو لدارهم
برك دخلو نور راحت لبيتها و اول عفسة قابلتها هي تصاميمها و تصاميم نور لي كانو مخلطين لانو نور كانت مش منظمة و كل ما تجي تنسى عندها .... ياسمين راحت ليهم و قعدت تشوف فيهم و تبكي حتى جا اياد عنقها و داها لصالون و قعد مقابلها
اياد : خلاص ياسمين حبسي كوني قوية
هي مسحت دموعها و حبست بكا
أنت تقرأ
❤ الكاذب الجميل ❤ [باللهجة الجزائرية 🇩🇿 ]
غموض / إثارةالقمرُ الذيّ تراهُ أراهُ أنّا والليلُ الذيّ حلَ بمدينتكَ هو ، الليلُ الذي حلَ ،بمدينتيّ نحنُ نوازيَ بعضنَا ولكننّا لا نلتقيّ ..... هل قطعنا كل هذا الطريق معاً كي ننتهي غرباء ...؟ 🎀 إياد 💕 ياسمين🎀 ملاحظة : القصلة سوف ت...
![❤ الكاذب الجميل ❤ [باللهجة الجزائرية 🇩🇿 ]](https://img.wattpad.com/cover/143532648-64-k511375.jpg)