كانت قاعدة و تفكر حتى يقاطع تفكيرها تدقديق.... راحت تفتح و تصيب نور واقفة بابتسامة
ياسمين : بففففف وش تسحقي حمبوك
نور : شوفي نور لقديمة ماتت صافيك متهدريش معايا هكا
ياسمين : ادخلي نتفاهم مع جدك
نور : ههههه علي هادي جيت
و دخلت نور و قابلتها ياسمين لي كانت رح تترتق
ياسمين : شوفي ملخر قاع وش تسحقي نور : عبالك وش نسحق هههههه
ياسمين : نعاود هدرتي مفهمتيش؟؟
نور : نسحق اياد هههه
ياسمين : تسحقي اياد ههه ؟؟؟
نور : وي
لتم ياسمين راحت عندها و حكمتها مشعرها و قربتها ليها و همستلها في وذنها و نور تعبط
ياسمين : ههههههههه ابقاي تحلمي
نور : اااااه حبسي حبسييييي كلبة والله نقول لاياد
لتم ياسمين زادت كثر قريب نتفتهولها قاع
ياسمين : ههههه قولي لاياد ولا لي خلعك والله نمرمدك بيك بيه فهمتي ... و زيدي خلطي فيا يالخامجة حق الخير لي درتهولك و التبهدايل لي درتهم علاجالك
و برك كملت طلقت شعرها و طبعتها .... نور خزرت فيها بخزرة تع سم
نور : دك تشوفييييط دك تشرفي وش يصرا فيك ... وش درتلك شوية برك مزال لخير
و تشوفو ياسمين شدتها من يدها و غرزت ظفارتيها فيها و بدات تكركر حتى خرجتها ملبيت
و برك خرجتها رفدت الفاليز ديالها ولتم صح قررت تروح لخطرش محملتش تزيد دقيقة لتم.... مكانش غالط احساسها انو هاد الرحلة يجي منها غير الشر و العفايس المش ملاح .... خرجت و تمشي بزربة خافت تتلاقا باياد ولا هديك نور فطريقها و لقد كانت المهمة ناجحة.... وصلت للمطار و ركبت الطيارة بنجاح تام.... في هاد لوقت اياد مخرجش من الغرفة تاعه و نور راحت تفري شغالها ... حتى جاز هداك النهار عادي و ممل و حتى جا الليل ياسمين كانت وصلت لدزاير راحت ديراكت للدار فارغة و مظلمة كي العادة .... هدوك اليامات لي جوزهم لتم اياد كانو قصار بصح مكنتش تحس بالوحدة كانت تحس بالونس بصح وش تدير هادي هي الدنيا .... راحت ديراكت بدلت حوايجها و رقدت.....
*غدا صباحا في دبي*
ناضت نور هي الاولى كي العادة لبست و راحت عند اياد
اياد : صباح الخير
نور : صباح النور هههه وش راك
اياد : حمدالله
نور : بيان .... مي عبالي بلي مراكش مليح الوغ جيت باه نسيك شوية هههه
اياد : وشنو؟
نور : معباليش بيك بصح دك تروح تلبس و نخرجو ندورو شوية ملي جينا مخرجنا نورمال
اياد : اااه والله نور راني عيان
نور : اااه دبر راسك لازم نروحو
اياد : نور منقدرش والله عييت
نو : ايااادو بليز بليز بليز
و بعد تحلال و تمسكين اياد محبش يحرقها و راح لبس و راحو يدورو
بصح و هما فطريق نطقت نور
نور : اياد راني حابة نقلك حاجة
أنت تقرأ
❤ الكاذب الجميل ❤ [باللهجة الجزائرية 🇩🇿 ]
Mystery / Thrillerالقمرُ الذيّ تراهُ أراهُ أنّا والليلُ الذيّ حلَ بمدينتكَ هو ، الليلُ الذي حلَ ،بمدينتيّ نحنُ نوازيَ بعضنَا ولكننّا لا نلتقيّ ..... هل قطعنا كل هذا الطريق معاً كي ننتهي غرباء ...؟ 🎀 إياد 💕 ياسمين🎀 ملاحظة : القصلة سوف ت...
![❤ الكاذب الجميل ❤ [باللهجة الجزائرية 🇩🇿 ]](https://img.wattpad.com/cover/143532648-64-k511375.jpg)