*بعد مرور 05 أيام*
جازو خمس ايام و نور رجعت تقريبا عايشة مع اياد و ياسمين و تقربت بزاف من اياد رجعو اصحاب اما ياسمين مزالت ميبسة راسها.. اليامات هادوك راطاو المعهد اصلا خلاص كملو وش يروحو يديرو...
ناضو الصباح كل واحد وجد وش بقاله حتى سمعو التدقديق راحت ياسمين تحل صابت نور
نور : هالللو فراند وين راه اياد
ياسمين : نور مشي وليتي شوية بزاف قريب لاياد
نور : ايه عبالك حنا اصدقاء
اياد : صباح الخير
نور : صباح النور... شوفو انا ني حابطة و نتو زوج دقايق نصيبكم قدامي
ياسمين : اوك روحي
ياسمين جات رايحة تجيب الحقيبة تاعها... بدات تمشي فيها بالسيف .... راح ليها اياد و نحاهالها من يدها
اياد : هههههه بهاد الجسم الضعيف تحوسي ترفدي هادي
و راح لودنها و همسلها
اياد : منسحقش تكوني بزاف شابة هكا في دبي ياخ
ياسمين : نشالله نشالله
ابتسم ابتسامة تقتل و خلاها مع قلبها لي كان حا يخرج من بلاصتو .... بعد ما تنفست مليح راحت تبعاتو و راحو للطونوبيل صابو نور تستنا فيهم دخلو فالطونوبيل وراحو للمطار
طريق كامل و نور تتصور و تغني و دايرة حالة و اياد غير يضحك و يحرش معاها اما ياسمين كانت بيناتهم كالم بزاف و كان قلبها يوجعها معبالهاش علاه بصح كانت حاسة روحها مش مليحة قاع .... حست بلي حا تصرا حاجة مش مليحة كانت خايفة طول طريق و هي تدعي تكمل على خير بصح دايمن تجيها فراسها كيفاه خرجت دي الرحلة... اصلا هي مش حابة تروح اصلا كون مشي نور و مام اياد مكانش حايب يروح هو عندو دراهم قادر يروح بيهم وين يحب و مراحش بصح وش يدير
نور مكانتش تخليلهم الفرصة باه يتسالو ولا
لمهم راحو للمطار... اياد راح يفري تع الكوارط و كلش اما نور كانت قاعدة و ياسمين كانت تلعب فتلفونها باه تخفف مالقلق تاعها... طلعت راسها باه تحوس على اياد بعينيهاحتى شافت عبد فالمطار كان لابس كلشي كحل و داير نواظر تع الشمس و ماسك و كاسكيطا ... كلش كحل بصح برك شافتو قلبها بدا يخبط كثر و زاد خوفها و بلا ما تحس على روحها راحت تبع فيه ... قاعدة تجري باه توصلو و هي قريبة ليه بدات تعيطلو
ياسمين : اااي نتا ....
هو دار بزربة و بدا يجري لتم شك ياسمين تاكد بلي تعرفو قاعدة تجري موراه ....حتى تشوفو وصل لبلاصة مفيهاش مخرج صافيك مكاش مهرب كانت تجري ليه و حتى خلاص تقدرو تقولو وصلت و تحس عبد جبدها
تدور و تصيب نور قدامها كان وجهااا صفر و مخلوعة
نور : يي...ييي...ياسمين... و...و..وش راكي دديري هنا
أنت تقرأ
❤ الكاذب الجميل ❤ [باللهجة الجزائرية 🇩🇿 ]
Misterio / Suspensoالقمرُ الذيّ تراهُ أراهُ أنّا والليلُ الذيّ حلَ بمدينتكَ هو ، الليلُ الذي حلَ ،بمدينتيّ نحنُ نوازيَ بعضنَا ولكننّا لا نلتقيّ ..... هل قطعنا كل هذا الطريق معاً كي ننتهي غرباء ...؟ 🎀 إياد 💕 ياسمين🎀 ملاحظة : القصلة سوف ت...
![❤ الكاذب الجميل ❤ [باللهجة الجزائرية 🇩🇿 ]](https://img.wattpad.com/cover/143532648-64-k511375.jpg)