❤ الكاذب الجميل ❤ [باللهجة الجزائرية 🇩🇿 ]

💕تعريف الشخصيات الرئيسية 💕

♥ ياسمين ♥

بطلة قصتنا اسمها ياسمين عمرها 25 سنة هي طفلة خانتها الدنيا من كل النواحي و قدرها مكانش مليح ....تخدم نادلة فملهى ليلي و هاد الشي ضد رغبتها لانو راهي تخدم باه ترد دينها... طفلة وحدانية عايشة وحدها معندها حتى اصدقاء عندها غير زوج عيباد تقدرو تقولو قريبة منهم *تتتعرفو عليهم فالبارتات الجاية* شخصيتها غامضة بزاف ...و باردة كي ثلج .. الامور لي صرات معاها خلاتها ترجع وحش على شكل انسان... قوية لدرجة متتخيلوهاش... اييه مجربة كلشي مشمليح فحياتها كيفاش حبيتوها تقعد نورمال
___________________________
♥ إياد ♥

بطلة قصتنا اسمو اياد ... عمرو26 سنة... قرا فلخارج في احسن المعاهد و اكثرها جدية ... على هادي راه رجع من اشهر المدراء تع الشركات في أمريكا بالرغم من عمرو الصغير... عندو سلسلة شركات ادارة الاعمال ... الكل يحلم يدير معاه صفقة ... دارو تهبل الصغير و لكبير يحل فمو كي يشوفها... عايش وحدو و كلشي مستكلف بيه هو

هو شخص جدي بزاف كل بنات أمريكا دايرين بيه خزرة منو ليهم قادر تقتلهم لكن هو معلابالوش بيهم اصلا و عمرو ما دارلهم قيمة

stooooooooooooooooop

هادا تعريف للشخصيات كيما راكم تعرفو

هه وش رايكم شابين ولا نن ؟؟

عبالي رام يدورو في راسكم بزاف اسئلة

كيفاش اياد مسمعش بياسمين و جداتو مع انو مرفه

و ياسمين كيفاش راهي

و اياد ادا رح يرجع

و ادا رجع وش راح يصرا

خاصة الاول ههههه متخافوش منسيت والو فلبارتات لجايين تعرفو كلش و ادا عندكم استفسارات قلولي فالخاص ولا فالكومنت

الى اللقاء في البارت الجاي