'Mahal ko,' ang iyong bungad
Sa sulat na hindi ko hinangad
Mabasa man lang o matanggap
Ikaw lang ang tanging hanap
'Patawad aking mahal ngunit,'
Bago ko itinuloy ay dagli itong pinunit
Alam ko na kasi ang kasunod nito
Lilisan ka na't guguho lamang itong puso
Hilam na mga luha'y tumutulo sa aking pisngi
Di tanggap ang desisyon niyang di mawari
Paano na itong ating sumpaan
Paano na itong buhay sa aking sinapupunan
Kailan nga ba ako sasaya
Sa pag ibig ba'y habang buhay na magiging tanga?
