بالورقة وبالقلم

الجزء 5

ام محمد:محمد مغلق تلفونه وانت عندك علاقات وية الفرقة مالته خابريلياهم بلكي اسمع صوته ويرتاح گلبي
حسام بحزن:اني جايج لهلسبب .محمد
رنا:شبيه محمد
حسام:بالمستشفى
رنا وامها :........
عبدالله جالس وهو يرى الوضع امامه
ام رنا :شبيه بالمستشفى (وبهستيريه)انت دتجذب علية اي ابني بعده بالموصل لهسة اي متاكدة اني (وببكاء شديد)سودة بوجهي يمة محمد ابني گلبي جان حاس بيك شي يمة محمد ابني (وبدات باللطم على وجهها)
اما رنا :عمو الله يخليك كوللنا عايش ؟شلونه؟ كوم اخذنا اله
حسام:عايش والله جاي اخذكم حتى تشوفوه كومو بدلو واحنا بالسيارة ننتظركم
خرج حسام وعبدالله الى السيارة اما رناذهبت لغرفتها لتغير ملابسها فارتدت بنطلون وقميص ووالدتها ارتدت العباءة وخرجو بسرعة
ركبو السيارة والام تون على ابنها محمد ورنا صامتة فقط
عبدالله يحدث نفسه:شكد غريبة هالبنية دمعة مانزلت من عينها من سمعت الخبر لهسة
اما رنا فكانت في عالم اخر كانت تتذكر لحظاتها مع شقيقها محمد اخاها الاكبر 😭 كانا يتشاجران كثيرا وهم صغار
كانت تنظر من نافذة السيارة الى الطريق وتحس وكانه طويل جدا
رنا في داخلها:اه يا حبيب اختك ليش هيج يصير وياك يا ربي ليش .حسبي الله ونعم الوكيل على داعش واعوانه ربي يشوفنا بيهم يوم
✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻
في الجامعة
كانت تجلس هي وصديقتها ليا على مقعدهم تتحدثان ريثما يصل زميلهما الذي يوزع اوراق الامتحان على الطلبة
وصل لمقعدهم ومد يده بالورقة لليا ثم لشيرين الذي تفاجى كثيرا بدرجتها
راقبت ملامح وجهه بأستغراب وهي تأخذها منه
قال لها بحيرة : شيرين ليش هالشكل درجتج !
قطبت حاجبيها بأستغراب ثم نظرت للورقة
اتسعت عينيها بصدمة وهي ترى علامتها
كانت صفر.....وكأنها لم تكتب شيئاً او لم تسهر طول الليل تقرأ لهذا الامتحان
لكن هذه الدرجة التي امامها الان ليست لها ليست لها
امتلأت عينيها بالدموع وهي ترفع رأسها وتبحث عن الدكتور
لم تجده في القاعة فوقفت واخذت حقيبتها وغادرت المكان لاحقة بها صديقتها ليت
شاهدت  استاذها من بعيد يمشي في الممر
ركضت خلفه بصعوبة بسبب حذآئها ذو الكعب العالي
نادت عليه بعلو صوتها حتى يسمعها : دكتور
التفت اليها وهو يراها تركض خلفه محاولة اللحاق به
وصلت اليه ووقفت تلتقط انفاسها
ثم قالت بحزن وهي تدافع عن نفسها : دكتور هاي ليش هيج حاطلي درجة هاي مو درجتي
رفع حاجبه : نعم....شلون (كيف) يعني مو درجتج فهميني
نظرت له بتشتت وهي تجمع كلماتها : اقصد دكتور اني جاوبت كولش زين
ثم اعادت نظرها للورقة  وقالت : دكتور اصلاً هذا مو خطي
ابتسم بأستهزاء وهو يقول : وهذا مو اسمج
شيرين:دكتور الاسم اي انسان يكدر يكتبه بس الخط بصعوبة يلة يتقلد .....
قاطعها برفع يده امام وجهها : هذا اسمج وهاي ورقتج....لا اتضيعين وقتي بشي تافه
ادار وجهه عنها وغادر من امامها وهو يبتسم
بقيت واقفة بصدمة وهي تهز رأسها بالنفي : لا هاي مو درجتي اني متأكدة........ومراح اسكت والله
ليا:شيرين حبيبتي شبيج واذا صفر عادي غير مرة تعوضيها
شيرين :ليا كضيت الليل كله قراية وما نمت ابد وامي واختي يكولولي كافي واكوللهم لا اريد انجح وبالاخير اخذ صفر ليييش
✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻
في المستشفى
وصل عبدالله وعمه حسام وكذلك رنا وامها
ركضت ام محمد الى داخل المستشفى وهي تون على ابنها  والناس تنظر لها بحزن
كانت رنا وحسام وعبدالله يحاولون اللحاق بها
وصلو للعناية المركزة. كان ابو رنا جالس ع الكرسي بتعب
اقتربت منه زوجته وقالت :كله من وراك ابني جوة كلتلك هذا وحيدي مندزه عندت وكلت لا خلي يروح حاله حال اخوته  وهسة راح حاله حال اخوته ارتاحيت لو لا
وقف ابو محمد بتعب وقال:ام محمد استهدي بالرحمن ولا تفاولين ع الولد
ام محمد بحرقة:ابني وينه اريد اشوفه  اريد اشمه اريد اضمه اريده يكولي يمة اني رجعت  لا تبجين
رنا كانت تنظر بصمت نعم هو اخيها الوحيد لكنها تعلمت على عدم اظهار مشاعرها ابدا وتستطيع الذهاب الى غرفتها فيما بعد والبكاء الى الصعود الى سطح المشفى والصراخ
تقدمت رنا الى والدها الجالس ع الكرسي وجلست بجانب قدمه :بابا
نظر والدها اليها بحزن
رنا:لا تبجي والله محمد هيرجعنا اني متفائلة وان شاء الله هنفرح بيه ونزوجه بس لا تبجي انت موزين عليك البجي لا يصير بيك شي لا سامح الله وين نروح بيك
الاب :لا تخافين بنيتي اني ميصيرلي شي بس والله لو ربج ياخذ روحي وينطيها لاخوج ما اكول لا
رنا:الله يديمك فوك راسنا بابا ويكوم حمودي بالسلامة
وقفت رنا وذهبت الى غرفة الطبيب
✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻
في احدى المدارس الابتدائية
تنهدت براحة بعد تعب الذي بذلته فقد انهت جميع حصصها لليوم وخصوصا وهي تشعر بتعب الحمل
همت بدخول غرفتها المشتركة مع باقي المعلمات
لكن استوقفها نداء معاونة المديرة : ست سكينة
التفتت بضجر من تلك المرأة وحديثها القادم : نعم ست منى
تقدمت منها ثم همست بصوت منخفض : تعالي لغرفتي اريد اقولج شي
تبعتها لغرفتها المنشودة ثم دخلت معها
جلست خلف مكتبها ثم تحدثت : تعرفين البارحة جيراني رجال يمكن عمره بنهاية الخمسن يريد يتزوج وكلفني ادورله وحدا اني قلت ماكو احسن منكم حتى نزوجه اختج شنو قلتي ابلغه حتى....
قاطعتها بغضب وهي تقف : ست منى عيب هذا الكلام شنو شايفة انو همنا الوحيد نزوج اختنا حتى كول فترة تجيبيلها زوج اني ما اقبل تتعاملين ويانا هالشكل وهاي اخر مرة تحجين وياي بموضوع مثل هذا
خرجت بغضب عاصف لتدخل غرفتها
اخذت اغراضها وثم خرجت من المدرسة
مشت للبيت كعادتها لان المدرسة تقع بالقرب من بيتهم
✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻
في المستشفى
الطبيب:والله ما اعرف شكولج محمد جانا وفاقد هواية دم وجانت عينه في حالة خطرة لان المادة التفجيرية داخلة لعيونه وع الاكثر وما اريد اهبط معنوياتج يصير اعمى
رنا محاولة التمسك :يعني اكو امل انه ما يصير اعمى
الدكتور :كلشي بايد الله
وقفت رنا :اشكرك دكتور
خرجت من غرفة الطبيب واعصابها منهارة صعدت للسطح وصرخت بصوت عالي وبدات دموعها تنزل
كان يراقبها من وقت جلوسها الى ذهابها للطبيب وخروجها من غرفة الطبيب وصعودها للسطح كان يحس اكو شي ببالها بس ماكان يظن ان هالبنية ممكن تبجي وخصوصا وهي ساكتة طول الطريق وهادئة لحقها اول ما صعدت الدرج
انقهر عليها وخصوصا من شاف دموعها تنزل وتبجي بحركة والم .حقها لان الي بالعناية المركزة يصير اخوها الوحيد وحزام ظهرها واذا صار بيه شي تنجن اكيد
رنا بحرگة والم :ليش يا ربي ليش ما خليتني اني بداله  يا ربي شعندنا غيره والله نموت من دونه هذا محمد اخونا الوحيد يا ربي جنا منتظرين يصير عريس ونشوفه ببدلة العرس ونزفه لعروسته .يارب ارحم بحال امي وابوية وگومه بالسلامة
مسحت دموعها وارتدت قناعها الوحيد قناع القوة ووقفت متجهة لسلم النزول
كانت تحس ان اكو احد ديراقبها لكن ما كانت تظن انه عبدالله
رنا بعصبية:شعندك هنا
عبدالله يلتفت يمين وشمال وبعدها يأشر ع نفسه بمعنى (اني)؟
رنا:لا العفو الي وراك
عبدالله ابتسم :اها اتفاهمي انتي والوراية مع السلامة
تركها ونزل السلم
اما رنا فكانت تنظر له بصدمة :مخبل والله (مجنون)
✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻
بعد مرور ثلاثة ايام
في المستشفى
في غرفة العناية المركزة
رنا :حمودي يلة كوم على حيلك وفرحنا بشوفتك من جديد وبسوالفك الحلوة يلة حبيبي كوم نريد نفرح بيك ونشوفك عريس
كانت رنا ماسكة ايد محمد
احست بضغط اصابعه على يدها .نظرت الى يدها ورات حركة اصابعه ثم رفعت وجهها الى وجهه وراته ينظر مبتسما لها
وقفت رنا بفرح وركضت الى خارج العناية :دكتووور محمد كعد ،ماما بابا محمد ضحكلي كعد والله .عمو والله حمودي الغالي رجع
فرح الجميع بهذا الخبر وطبعا لم يكن الجد والجدة وسكينة وشيرين يعلمون باي شي
مرت الايام وحالة محمد تحسنت وقد نقل الى غرفة خاصة .كانت احدى عينيه متضررة وفقد البصر بها اما الاخرى فكانت سليمة بنسبة 80‎%‎
✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻
بعد شهر
الشيخ محمود قاطعه :خلااص كَلت رنا متطلع للغريب يعني متطلع للغريب...رنا راح ياخذها عبدالله ابن عمها حسن.
(حسن سكت  بينما عبدالله احمرّ وجهه من الغضب والتفت الى ابيه الذي أشار له بالسكوت لأن جده محمود في لحظة عصبية )
احمد رد بسرعة: بس يابة احتمال رنا متوافق بسهولة لأن تعرفها مـ....
الشيخ محمود بعصبية: هو بس هذا الناقص بنتك ترفض ابن عمها؟
احمد الذي كان يعرف بأن عبدالله لا يفكر برنا ولا يهتمّ بها: يابة الله يخليك ..كلشي الا الغصب بالزواج. هاي مو يوم ويومين هاي عشرة عمر
الشيخ محمود: ليش بنتك وين تلاقي احسن من ابن عمها..لو تريدها تروح للغريب والناس تلومنا.كافي علية شبعت ملامة من الناس وهي متربية بالخارج .
احمد التفت الى عبدالله الذي كان يستمع للحوار بين عمه وجده وكأنه يتوسله ان يرفض.
الشيخ محمود: اسمع اذا شفتني سكتت من اول مرة..فهالمرة روح كَوللها اذا ترفض خلّي تنسى شي اسمه دراستها واذا صبرت هالسنين فللصبر حدود.واسمعني زين كول لبنتك زواج من غريب لااا,وبعدين خليها تعرف عالعطلة الصيفية  نرتب خطوبتها هي وابن عمها.بس لا تفتح وياها الموضوع هسة اتفقنا؟يا الله.
.وانفض المجلس ورجع الكل لبيته..
✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻✍🏻
في الطريق الى بغداد
كان عبدالله صامت لا يتكلم ففي باله الكثير من الكلام .كيف يريدونه ان يتزوج فتاة غير ليليا
✍🏻✍🏻✍🏻✍🏻✍🏻✍🏻✍🏻✍🏻
بعد وصولهم الى المنزل
عبدالله وهوعصبي: لييش بابا ؟ليش تخلي جدي يتحكم بحياتنا ؟اشون يزوّجني وحدة عمري ما فكرت بيها ولا اريدها؟ولا اعرفهم انا رجال شكبري يريد يتحكم بيه
الأب:والله يا ابني اني اتفاجئت مثلك,وما عرفت شأجاوب.
عبدالله التفت الى امه: يمة شبيج؟ متكَولين شي؟ موهو هذا جدي اللي طول عمرج تكوليلي إسمع كلامه وإرضيه؟هو هذا جدي نفسه اللي راح يدمر حياتي ومستقبلي.
الأم: صلي عالنبي إبني (عليه الصلاة والسلام),شبيك هيج تحجي؟بعد ما صار شي رسمي,وبعدين يمكن جدك هيج كَال حتى لا تتزوج رنا من واحد اجنبي.
عبدالله بعصبية اكثر: واني شعلية بيها ..خلصووني منهاا مااا اريدها يا ناس ..هسة البنات محد يكَدر يجبرهم على الزواج تجون تجبرون الوَلَد.
الأب بعصبية: عبدالله بس إهدى إبني وخلينا نفكر زين
الام:ابني حبيبي لا تخاف هذا الشي مراح يصير واني هساعدك
#نهاية الجزء الخامس