درستها فعلمتني الحب للكاتبه ام رحيل ..ع م

درستها....فعلمتني الحب.. بارت 5

للكاتبه ام رحيل ...ع م

-ها منو منجن عرفت اتحل الشعر وتاخذ التسعين
الي عرفت تكتبه ابورقه وتكتب اسمه على الورقه
وجمعن البنات الاوراق وانطنها ال استاد كيان بس حنين ظلت للاخير وانطت الورقه بعد ما رادت اتوخر اسم جدوع واتحط اسم كيان مكانه بس بعدين غيرت رايه لان اسم صديقته ايمان موجود بلشعر ويه كيان يخلقله مشكله ابحلك الغيرانات وقررت اتعيف اسم جدوع حتى لو ايضحكن البنات...
-ها استاد استاهل التسعين لو لا
-ها ...اشوف اشلون كملتي الشعر ويه اوراق البنات
وارد النتيجه الچن باچر..واخذ الاوراق وخلاها ابنص الكتاب مالته.
-استاد ...استاد...
-ها حنين مو گلنه بعدين
-لا استاد مو علمود الشعر
-ها شكو شعدچ من سالفه جديده اتكوليها.
-والله استاد ما عندي سالفه جديده بس عندي سالفه
قديمه .😊😊😊..مو انت گلت كل يوم رفل ادرس ربع ساعه ...
-ها اااا اي صحيح وينچ ست رفل عندچ واهس لو لا
-لا استاد كيان اليوم شويه بلاعيمي توجعني ما اكدر
-زين ميخالف ...اليوم انسامح ....مدرستنه رفل لان اشويه مريضه...😩😩😩
-حنين گومي كلينه شتردين اتصيرين
-تنگل الگالات والاشاعات.
-احترمي نفسچ نهله.. الكالات والاشاعات اسئلي امچ
حمزيه عليه...
-شنو هاي بنات احنه ابدرس لو بلشارع نتعادد ابيناتنه...ونهله انتي اشلون اسمحين النفسچ اتقاطعين الدرس ابهيچ كلام...
-اني اسفه استاد
-شنو اكو مشكله ابيناتچن... حنين ....نهله..
-لا ...لا.استاد ماكو شي اصلن نهله البارحه چانت غايبه ..
-اي صحيح چنت غايبه بس چان گلبنه عليچ وانتي اترکضين بلشارع وره جدچ وخلفله على الولد گمشوه الچ...😘😘😘😘
-هاااا اي والله استاد البارحه جدي هج بلشارع
ولو ما اسلام اخو ايمان كمشه چان جدي تاه وما لگيناه..ينطيه العافيه اولاد منطقتنا كلهم اخوتنه واولاد عمنه...😊😊😊😊😊 كلش حبابين
-اي حنين وجدچ ليش هج بلشارع شنو چبير بلعمر
-اي استاد ومريض من زمان وساعة الساعه يطلع وبعد ما يندل يرجع للبيت ونظل اندور عليه
-اي وهذا جدچ المخبل اشوگت ايموت
-موت ايموت اضلوعچ ام خشم اليابس شنو جدي نايم عدكم لو ياكل ابصينيتكم ...
-والله عيني احنه بيتنه ما يلفي امخابيل مثلكم
-وهنا انفعل استاد كيان من قلة احترامهن اله
والله عيني اني ما ادرس هيچ طالبات ميحترمن الدرس ولا المدرس ....وخله وطلع استاد كيان من الصف...
وگبت الهوسه ...وطفرت نهله على حنين وحطت اصابيع اديها ابراس حنين وحطت حنين اصابيعها ابراس نهله وصارت اكفاشهن ماله والي گامت نهله تمسح ابشعر حنين الكاع وحنين اتريد اتحط اصابيعه بعيون نهله الزرگ ...
-اريد اعمي هاي اعيونچ المتباهيه بيهن چي زرگ
الا اخليچ نهله العميه مو الكراخه.
-اسطبريلي اريد اشلع شعراتج ذني التتعايرين بيهن
چي اطوال والله لسويچ گرعه ... واتصيرين حنين الگرعه اچماله الجدوع المخبل.
يبووووووو. يبوووووووو. يبوووووووووو
ولچن اجتي المديره....وبعد ما فكن البنات حنين ونهله
فاتت المديره ...
-بنات شنو هاي الهوسه مو عيب عليجن بنات خامس اعدادي وعلى ابواب الجامعه سنة الخ وگدام المدرس
تتعاددن مثل بنات الشوارع الما مربايات...وين حنين
ونهله..
-نعم ست
-نعم ست
باچر ما تچن الا ويه ولي امرچن..وما اريد امهاتچن تجي اريد ولي امرچن..ابوچن لو اخوچن..
رن......رن......رن......
وطلعن البنات للبيوت ...وسهيله امكمشه نهله وايمان
كامشه حنين حتى لا يتگافشن بلشارع...
-روحي...روحي..جيبي جدوع المخبل
-جدي المخبل اخير من اخوچ ابو العرگ.
-يا حنين لا تحچين وياهه احنه بلشارع شيكلون عليچ شوفي الولد گام اتباوع علينه
- يله اني سكتت .....ايمان يله نمشي
-حنين اشبيه نهله اوياج اليوم اشو مو طبيعيه
عبالك گاتله ابوه
-لا وانتي الصادگه غيرانه على حبيبه..
-يا ولچ حنين ياهو حبيبه وانتي شلچ شغل بيه
-اسكتي مو طلعت اتحب اخوچ اسلام والبارحه
اخوج الله يستر عليه ساعدني وكمش جدي لمن هچ بلشارع ..والظاهر نهوله شافته وهو ايساعدني وگبت نار الغيره ...ورادت اتطفيه..اليوم
-اسلام ..الراهب ويه نهله الكراخه مستحيل شتكلين
-اني گلت نهله اتحب اخوچ اسلام ما گلت اسلام ايحبه ...اصلن ولا يدري بيه
-وانتي حنونه
-اني شنو ايمان ...اخوچ خوش ولد وساعدني
لمن جدي هچ.... اوهاي هيه ...مو اكثر
-زين حنين ابكيفچ ما تردين تگلين ابكيفچ
-والله ايمان اخوچ حباب ومؤدب وصاحب نخوه
وماعده اسوالف مو زينه ..وانتي اعرف بخلاق.اخوچ
-صحيح كلامج احنه انسميه اسلام الراهب
-زين باچر المن اتجيبين للمديره
-الله كريم باچر جمعه وسبت ماكو دوام ومنا للاحد تفرج ...يله عيني امونه ....مع السلامه
-مع السلامه حنونه..ديري بالج على جدودي ..
-ايدبره ربچ وياه...
...... ....... ........
-يمه كيان اشو من اجيت من المدرسه لسه حاط عينك ابهل اوراق هاي شطلعن يمه عيفهن جدك ايريدك عنده احچايه وياك..
-خير يمه خو ماكو شي
-ما ادري گال صيحيلي كيان عدي شغله وياه
-زين هسه جاي بس اخلص ذني واروح اشوف شيريد
-زين يمه ابسرعه لا تتاخر عليه.
-لالا مااتاخر..
واخذ كيان يقره اوراق البنات ويضحك وچانت اكثر الاوراق بلا اسماء وحده اتكله والله اتعودنه على شوفتك استاد ...والثانيه كاتبتله اليوم الماعدنه درس عربي اتعس يوم ...والثالثه اتكله من تهتم ابغيري اشعر بلغيره...وهنااااااا انتبه الورقه بيه الحچي ايخوف مكتوب اسم حنين والشعر بيه اسم ايمان وجدوع...وافتهم انو حنين عرفت مضمون الشعر ومكان ما اتخلي اسم كيان وي اسم ايمان حطت اسم جدها جدوع ...حتى لا تلفت نظر البنات الصديقته...
-زين حنين المشاكسه استحقيتي التسعين ابدون ما اتذبحين البنات ...وهاي التسعين ...حطيته الچ
زين ايمان وين ورقتچ اشو ماكو اسمچ على الاوراق
ايجوز ما حاطه اسمه ....بس اهواي اوراق ما عليهن اسم ...منو ورقته منهن ..هاااا هاي الورقه اشمكتوب بيه...
(ابن خالي اتقدم الخطبتي.وضعي صعب A)؟؟
هاي ورقة ايمان ...ابن خاله هذا مو رفضته ما اخلص
منه... منا لمن تخلص السنه حتى اتقدمله...
-يمه ..كيان وين صرت جدك ايريدك
-اي ااااا اي جاي نزلت ...ونزل كيان من غرفته بلطابق الثاني ابقصر المحامي سليم كامل ..ابو كيان الي اتوفه قبل خمس سنوات بسب جلطه بلدماغ
وضل كيان عايش ويه امه واخته كوثر الي تدرس كلية القانون سنه ثالثه .... وجده الي ايدير مكتب محاماة ويه ابنه سليم وبعد وفاة ابنه صارت مسؤولية المكتب كله عليه وهو رجال چبير بلعمر وچان عايف كل الحمل على ابو كيان ...
-هاااا جدي خير خو مابيك شي اتحس ابشي
-اي كيان اني تعبان واذا اظل على هل الحاله ما راح اطول اوياكم اهواي ...
-لا جدي سلامتك اتريد اخذك الطبيب..ايشوف اشبيك ..
-لا جدي اني تعبان من المسؤوليه ما اكدر على روحة المكتب بعد واريدك انت تستلمه
-بس جدي اني شمفهمني بلمكتب والقضايا اني مدرس جدي ...مو محامي وكله سنه وكوثر تنجح وتستلم المكتب ابمكانك..وهي شغلته هاي واعرف مني ..
-جدي كوثر ابنيه وبعده ازغيره وحتى لو استلمت هي المكتب لازم وياه رجال..
-جدي تره العطله قربت بس هذا الشهر وراح نتفرغ اني وكوثر هي تعرف بلقضايا والمحاميين الوياه بلمكتب يساعدوها واني هم وياه ما اعيفه وحده منا لمن تتخرج وهم المكتب والقضايا خوش تدريب اله
لا ادير بال واذا ما تكدر اتروح ارتاح جدي لا اتروح واني وكوثر انتابع المحاميين والمكتب.
-زين كيان اكو شي ثاني اني وامك انريده منك
-خير جدي شتريد انت وامي ..
-اريدك اتعرس وانشوف جهالك قبل مااموت ويظل عرسك حصره ابگلبي.😩😩😩💕
-لا جدي اسمله عليك انشاله ايصير الي اتريده انت وامي ...عن قريب انشاله
-صدگ كيان لو اتريد اتسكتني
-لا والله جدي ..اني لگيت البنيه ال اريده وانشاله بلعطله نخطبه ..
-هم بلعطله ...اشطلعت العطله ياجدي ليش مو هسه
-جدي لان هي تدرس وما اريد السنه اتروح عليه
-هااااااا ..ولك كنوني...هي طالبه عندك بلصف مو بله
-اي جدي وتدري اريد السالفه سكته لان موقف حرج
بلمدرسه وما اريد احد يدري لمن يجي وكتها...
-هاااا يمه ..كنان ...اشو اني اخر من يعلم ابهل حچي
چا غير اعرفه اشوفه حلوه.. لا ....من يابيت اهله خوش ناس يو لا...شني هي السالفه هيته.يايمه
-يمه گولي يالله بعدنه ابيتنه گاعدين وهي ابيته
ولمن يچي وكته الترديه ايصير ..
. .. ...... .......

-اليوم صارة عركه بلصف ومكافش بين صديقتي حنين ونهله..
-يا ليش يمه انتن رايحات اتدرسن لو تتعاركن
-لا يمه مو نهله هي البدت اتعير حنين ابچده چي رچال چبير ويغافلهن ويطلع يمشي بلشارع ويتيه ويظلن ايدورن عليه هي وامه ...
-يا عيني خطيه ما عده اخو وابوه چا وين
-يمه اشبيج بيت ابو حاكم جيرانه البيتهم على الشارع ..ابوه مو ميت من زمان وماعده لا اخو ولا اخت بس امه وجده
-يع تحچين على ابو حاكم ..حچي جدوع...والله وزمان الي خله مثل صاحبتچ نهله اتگول عليه امخبل...هذا حجي جدوع وگف لابوچ وگفه محد وگفه لا اخوي ولا اخوه .. لمن وگف شغل المحل والسيارات شال افلوس وانطه لابوچ لمن وگف على حيله ...ولمن ابوچ ردهن اله ما رضه ياخذهن منه....وغيره...وغيره..وگفاته اهواي ويه اهل المنطقه ..وتجي هاي صاحبتچ الما امئدبه
اتكول عليه امخبل...
-لا يمه مو اني عرفت ليش سوت هيچ غيرانه من حنين چي اسلام مر صدفه ولگاها ترگض وره جدها
وساعده ورجعه للبيت وهي غارت منه اضن حاطه عينه على اسلام الراهب هههههه...ههههه
-يع واني اخذ لاسلام هيچ اشكول عوع بره. ولچ ايمان اسلام هم ايريد هاي صاحبتچ نهله المهيلگه
-لا يمه ولا يعرفه اصلا...لا وبعد سببت الحنين مشكله
وخلت المديره اتريد ولي امره يجي للمدرسه ياله
اتخليه اتداوم...ونهله بلشارع اتگله جيبي جدچ جدوع المخبل للمديره.
-يا سوده ابوجي هاي عياره البنيه هاي بتمن نهله كليلي
-يمه بيت ابو حسان
-يع ابن حمزيه ...هذا اليصيحوله الجهال حسان بگ
اسمه سكران ومطوطح يمشي لگدام ويرجع بگ لوره
-هههه....ههههه...يايمه شمدريچ ابهاي السوالف
-ولچ اني امچ هذا الشارع كله اعرفه زغير وچبير
هين ينهله يبت حمزيه وطوحان لا واخوها حسان السكران وتباوع على ابني وچماله على اسلام مو واحد غيره...الاحد اتريد المديره ولي امرها الحنين
-اي يمه شنهي راح اتخلين ابوي ايروحلها
-لا لا...راح اخلي خطيبه اسلام ايروح للمديره ويصير ولي امرها ...واطحني يبت حمزيه فلفل...اسود وحار
...... ....... ......