درستها فعلمتني الحب للكاتبه ام رحيل ..ع م

درستها ......فعلمتني الحب بارت 17💕

للكاتبه ام رحيل ...ع م
-ولك اسلام طلعت خوش اسلام.... وضربت ضربه وحده صدت اثنين ... نيشانچي، يجديدي... اليشوفك ايگول  اعليك افقير....
-لا جدي مو افقير اني عد يمناك انت مو وصيتني يوم العرس گتلي اكسر خشم حنين اكظيمه... شوف
كسرته الك كسرتين... خفاره بلنهار وحجه ب الليل
بس جدي مو گتلي انطيك الصندوگ... هااا وينه مو نفذتلك التريده...
-ولك اسلامان رجل حنونان شو صارت العيون على صندوگي اربعه.... اعيونك وعيون مرتك احنين.... لالا
صارن ثمانيه...
-امين الثمانيه جدي اعيوني وعيون حنين اربعه..
-اسلامان وعيون ذني البزازين  الثنين الي اشتريتهن حاجه ابربع... شوف اشلون اعيونهن اتلصلص وهنه
بزازين ازغار... چا لا كبرن اشلون.... يمكن الصندوگ ايصير ابعبهن..
-جدي هذوله اوليد وبنيه...
-ادري .ولچ  انتي موش..سناء حسين يابويه
-اي جدي اني سناء وحسين رجلي.. واحنه هم راح انجيب بزونه..
- انچبي.... ولچ... حسين يا بويه ما يجيب بزونه بس ذوله ايجيبون بزازين
-هو هم بخت جدودي...بس ميخالف قابلين ماطول البزازين... راح ياخذن صندوگ جدودي جدوع والماگدرت امهم عليه راح همه ياخذوه
- ولچ حنونه الصندوگ محد ياخذه غيرچ يبت حاكم عاضه بسنوني الچ ولذوله البزون والبزونه... بس لازم انحطلهم اسم ..شنهو... علمود اعرف اذا سئلتني عزراينه وين الصندوگ... شگله اخذوه بزون
وبزونه... تضحك عليه عزراينه....
-زين جدي... الوليد راح اسميه كيان..
-لا حنين  ابويه ما يقبل ابهذا الاسم شوفي غيره ما انريد مشاكل وفرحتنه اتروح.
-ليش اسلام اسم حلو وعاجبني ايصيحولي ام كيان
بعدين لا تنسه هو  ساعدني وطلبلي الاسعاف، وراح وياي وسترته لسه عدي نزعه ولف بيه الجهال.. 
-حنين ابويه ما يقبل..... وهنا دخل ...ابو امير...وسمع حچي حنين واسلام... 
-لا لا... بويه اسلام الاسم حلو والي ايسويلنه معروف
ما انكره.. مو احنه الي ننكر المعروف.  وهو اسم مثل كل الاسماء... خليه اتسميه بليعجبه.. تستاهل ام كيان
سوتني جدود... مو الواحد لثنين...
-الله يخليك عمي ويطول ابعمرك.. والبنوته انت اتسميه... هاااا
-يبويه اني اساميي قديمه مو علموده وهذا الوكت كلشي علموده حتى الاسم...
خلي ام امير هيه اتسميه لو ام حنين هم بيبيته....
-هي هي. ..اكظيمه اتسميه چا هذا البطنه منهو اليسميه ...
تواصت هي وبته على جدوع المگرود بس لا هم اتجيبلنه بزازين اثنين.. .اي چا  هنه ولادات مثل الارانب... هي وبته
چا ايصير خوش يزحفن عليه هنه وبزازينهن... ويشمرن جدوع بلزباله.. ويروح فطيس.....
وينچ يعزراينه، جدوع صار ابحلگ البزازين...
-ههههههه ههههه لا عمي لا اتخاف صندوگك احطه ابگلبي... واضمه  واحميه الك. حتى لو احط الشرطه كله اتحرسه..
-ول... ول.. امويسه... صرت من الوراثه... رحت يجدوع ابشربة مي، وجماله اشريطي وحاطله تفگه او... ورور... خفت من البزازين ...لگيت ابو الحصين فاك حلگه....  
-يا... عمي  ..هذا ابو يحيى.... اتگول اعليه ابو الحصين... يا فشله عمي...
-هي هي كظيمان اتدافعين ل امويسه... رچلچ.. هسه تخلفين منه موش. بزازين  هسه تخلفين منه حيايه وعرابيد.... اشريطي وماكل الوادم مثل المنشار  ايروح ياكل ايرد ياكل، ما ادري اضروسه ليش ما تشلعن..ولسه عامرات... ويلمعن. چا جدوع ياكل حلال وسنيناته  تشلعن مگرود يجدوع
-حجي والله اني مو شرطي.. اني مدير الشرطه..
-ياوليدي يحاكم الحگلي جدوع راح بلطاموره...
عبالنه حرامي زغير... طلع اكظيمه والاربعين حرامي. ...
.....هههههه.... هههههههه..... هههههه. وضحكوا على حجي جدوع وسوالفه...
-اگلكم حجي جدوع نسانه انسمي البنيه المگروده
بس كنوني اخذ اسمه وتركون...
-اسلام انت ابوه وسميه
-لالا، انت عمه الچبير وسميه بلكي توگع ابراس ابنك بعدين..... ههههههه..... ههههه
-اي شكو بيه اذا جابت سهيله ولد... راح اتصير مرت ابني
-اگلكم لا تتعازمون اني عمه الزغير واني اسميه
-هااااا بله سمير افندي وهيه شتستفاد منك لا مره عدك ولا راح تاخذ ابنك...
-هيه سالفه هسه تجي المره لگيته ونعرس وبعد تسع تشهر اتجيب ولد واخذه اله حتى لو اكبر منه ابسنه ميخالف... الچبيره عاقله ومنمره... مو مثل الزغيره
مايعه ومطگطگه...
-ولك... اسميران،
-،ها يمه. مو ترديني اعرس واخذ بت اختچ عبير
واني راح انفذ رغبتچ وعبير قبلت
-يع چا ولك هو ابكيفك غير نخطبه انشوف البنيه
-يمه ام اموري البنيه قابله واحنه چنه ضامين عليج السالفه من زمان اني رايده وهي رايدتني، بس انتي الله يسلمچ چنتي حاطه امير گدامنه مثل الدنگه... سكتنه لمن اتفلشت الدنكه... وخلصنه...
-احترم نفسك سمير شني مثل الدنگه مو الگاع محظوره چا صبغتك ابصبغ اسود.. 
-العفو. عيني .. عليمن تزعل خل اتجيب سهيله عتوي وانطيه... البزونة اسلام... ها اها.. اني طلعت بعيد عن خطبة البزازين والعتاوي،.... بس اگلكم  سموه ايمان
ماطول اخوه كيان... علمود الحظ يتغير...  مع السلامه اني رايح گبل ما انبسط..... وركض سمير وطلع من البيت ......
وضلو ساكتين... الى ان گطع السكوت ابو امير...
-اي ليش لعد انسميه ايمان على اسم عمته ايمان هي اول من شاله، هاي هيه ايمان...
-لا بويه اترجاك اذا اتعزني لا اتسميه ايمان اريد حياته اتصير احلى من حياتي،...
-يابويه ايمان ليش هاي المراره العدچ انشاله اتكملين وتصيرين احسن البنات... زين لعد انتي سميه اذا ماترديه على اسمچ...
- زين.... خلي انسميه..... امل.......
-حلو خوش اسم هاي هيه... امل.. وكيان... يله خلي انسبح الجهال... يله ام حنين، ساعديني كومي وياي
ماطول صفه رايهم على الاسم..  
وگامت ام امير وام حنين  وسبحن امل وكيان ابوسط الضحك والسوالف....
وايمان گاعده اتفكر اشلون راح اتصيح ال ابن اخوه
كيان... وشلون راح اتشيله وتلعبه وتبوسه ومن اتگله
حبيب عمتو كيان.. كلب عمتو كيان... شراح يگلون ابگلبهم من يسمعوه ... اوووووو.. بطلي وكلشي لا تگلين. ايمان
شيلي هاي الافكار من راسچ وعيشي حياتچ يوم ابيوم.. 
  ........        ........          
بعد ما مر شهر على اجيابة حنين... لحكته امه اكظيمه وجابت عتوي.... لالا قصدي، اوليد مثل الگمر.. فرحت بيه حنين اكثر من فرحته  ....ابكيان وامل... لان صار عده اخو اتصيحله خويه ....واصر موسه... على حنين هي اتسمي اخوه... واختارتله
اسم.... حبيب... حتى من ايسئلون امه عن اولاده اتگول... عندي.. حبيب... وحنين.... وهو صدگ راح ايكون     💕 حبيب 💕حنين ...
وبعد ما انتهت مدة اجازة حنين بعد ما ساعده استاد كيان وتوسط للمديره حتى اتمدله الاجازه منا لمن تتحسن  حنين وتقوه ويقوه اشويه اولاده امل وكيان ...وچانت ايمان اتساعده بلبيت وتفهمه الدروس....
داومت حنين للمدرسه بعد ما ودت امل وكيان لم امه واخوه حبيب واولاد موسى طايرين بيهم من الفرح وحجي جدوع حاطهم بلكاروك وشادله خيط ويهز ويلولي...
على تالي العمر خلفت بزون.....
مو واحد تره.. بزون وبزون..
يردون الضميمه وصندوگي يكسرون...
حاكم يابويه ابنيتك حنون ....
تستاهل يبويه ماي العيون...
اهي.. اهي.. اهي... 😭😭😭
-يا عمي  شبيك ليش تبچي الجهال عذبوك يعمي سوده عليه عمي خلي مهودي ايهزهم... لاتبچي..
-وخري... مهودي شنهو... هذوله لحم حاكم وجدوع
اني ابچي متحسف اوليدي حاكم ما شافهم وفرح بيهم.. مثلي... مو لان تعبوني... روحي لحبيب موسى
وعيفيني اني واولادي... ابچيهم ويبچوني وراح اگفل الهم منا لمن تجي احنينه وتاخذهم... والم الهم گفل الثاني يوم... اههههههها. كد.🎅🎅.. روحي وعيفيني البزازيني...
عزراينه وعافتني وربي.... ابزازين،.... رحمني
-عمي عيف البزازين.. على صفحه.. ذوله امل وكيان.. -اي والله صدگ يكظيمه... چا عتويكم اسمه حبيب
وبزازيني. بزازين.. چا اسمعي وطحني حار وبارد يكظيمه...
اموله عيونك جدوع.. وكنوني عكازاته
وياريت ايعمر جدوع.. وما ينحرم حياته
-ياعيني عليك يعمي.. لشوكت اتريد اتعمر ميت سنه
-اي ياكظيمه والاربعين حرامي.. چاني ماخذ من عمرچ. اني.. ما اموت الا الصندوگ ايصير الحنونه واولاده
-گتلتني بلصندوگ اريد فد يوم اكسره للقفل واشوف اشبيه... هذا الصندوگ..
-چا غير اكسر راسچ ابهاي العوچيه  ولا تگولين اخذتي اشريطي واخاف يذبني بلطاموريه..  تره ...
وراي ازلمه حتى لو بعده بزونه ازغيره...
-لا يعمي  لا انذبك بلطاموريه ولا هاي  انت حجي جدوع من يكدرلك بعده ابطن امه اليحاچيك
-چا شوكت يطلع
-منوه عمي
-البطن امه ولچ مو تكولين يطلع ويحاچيني... شوكت يطلع حتى، اتحظرله.. واشد احزامي زين.
-يا ...هاي شلون بلشه . .حچي حنين اجتي راح تاخذ بزازينه....
-ها جدودي... عذبوك امل وكيان...
-لا يجدي امچ اكظيمه العذبتني
-ليش جدودي شسوتلك... امي
-اشششش جدي تعاي اگلچ اتگربي يمي لا تسمع اكظيمه والاربعين حرامي..
-ها جدودي اتگربت.. شكو... خير...
-يحنين يجدي امچ كشرت عن انيابه...
-يا ....صدگ جدي اشلون...
-اتريد تكسر الصندوگ يجدي وتاخذه ورجله الاربعين حرامي ايذبني بلطاموريه...
-يا... بلطاموريه  ...وهاي شنو الطاموريه جدودي..
-ولچ هذا سجن جوه الگاع الي يطبله ما يطلع  منه حتى لو يصير اعظام...
-جدودي شو انت اعظام وطلعت.. ليش...
-اسكتي... ام البزازين وگومي جيبي الصندوگ گبل
ما اكظيمه اطلع ويه انيابه اضروس العقل همين ونروح يجدودي ابحلگ الحراميه... وين اسلامان
ارجيلچ...
-جدودي جاي وراي بلسياره حتى ناخذ الجهال...
-زين هاچ هذا المفتاح... اتفكين الديلاب تلكين بيه صندوگ جيبيه وتعاي ابسرعه وبسكوت...
-جدودي .....كللشششششش... كللشششش...