درستها فعلمتني الحب للكاتبه ام رحيل ..ع م

درستها....فعلمتني الحب بارت 10💕

للكاتبه ام رحيل ...ع م
اجتمعت الشيوخ من كثير من العشاير الي چان جد كيان المحامي كامل وابوه المحامي سليم الهم عرف بيهم من خلال ما قدمولهم طول عمرهم في مهنة المحاماه...
وكثير من السادات ورجال الاعمال المهمين .....
في بيت ابو امير... ايحاولون ابجاهتهم او. وجهم ان يأثرون عليه حتى يقبل ايزوج ايمان من استاد كيان
بعد ما اتعذر منه ابو امير وگال الكيان او والدته  البنيه انخطبت هي واخته ال اولاد خالهن ونملچن بلمحكمه وكلشي انتهى.... وانشاله اتكون قسمته ابمكان ثاني.... بس كيان ما ايس وهاي ثالث جاهه
ايجيبه ال ابو امير  بلكي يقبل ينطيه ايمان..
-انتم يشيوخنه ووجوه الخير جيتكم على راسنه
مناك لهنا ونحطكم بعيونه وخدنه مداس، للساده
والشيوخ... بس البنيه هي واخته انملچن وهذا عقد الزواج هيه واخته على اولاد خالهن شتكولون انطلگهن... وهذا العقد اله ولاخته... عقد محكمه
خاف تگلون چذب يردونه طرده النه....والكلام يم الشيوخ... انتم فصلوا واني البس يوجوه الخير
واريد اسمع منك يشيخ علي ال علوان والي تگوله ايصير....
-والله يخوي احنه ما ندري ابهذه الشي واذا انملچت محكمه يعني قابله والسالفه منتهيه واحنه نتمناله الخير ونرفع الزحمه يبو امير
وطلعت الزلم من بيت ابو امير وكيان وجده وياهم
وكيان مدنگ راسه والدموع شويه وتنزل على خده
واليئس دخل نفسه وگلبه وايمان راحت من ايده
وقسمته صارت الغيره..🖤🖤
وايمان ذبلت من الحزن وايست وسلمت امره وسكتت لان كل ما تحچي وتگويها سناء وتوگف وياه
اتحصل اهانه وتلميح عليه... عاشكته... ترديه... عدچ علاقه وياه... لو ندري المدرسه مكان عشگ چا بطلناچ من زمان مثل اختچ سناء.... واستمر عذابه
ومحاولاته تاجيل زواجه الشهرين وامير واسلام وسمير ايقنعون ابوهم منا ينگلب عليهم من الجه الثانيه
-،انتم مو اخوته انتم كواويد  ترسيه اكو واحد يعرف اخته عاشگه واحد ويسكت..مو حكه يكسر، رگبته😈😈😈
-بويه ليش هي امسويه حرام الولد خوش ولد ومدرس، وموئدب وحالته الماديه زينه وهي اتريده
اي ذنب خو مو ذنب... ولو مو موئدبه چان ما اتمسك بيه الهاي الدرجه
-ای بویه والله حچي امير صحيح بويه والله حرام تجبره على كرار
-ولك اسلام چنك گمت تسمع المرتك بت حجي حاكم
ابوه خوش رجال ماگدر احچي شي... اسكت يا اسلام، احسنلك.
-وانت يسمير ماعدك احجايه اتگوله.
-اي بويه..
-گول شعدك خل انشوف احچايتك مثل اخوتك يو لا
-لا بويه مو مثل اخوتي
-اي بله گول فرحني خليني احس تعبي ثمر ابواحد عاد.. گول.
-بويه ماكوا ايمان... ماکو ايمان بويه
-ولك كول اشبيه ايمان...
-بويه. ايمان تتمنى اذا صبحت انت ميت راح ايكون اسعد يوم ابحياته...
-كوم لا ياكلب ابن الكلب.... ولك اتفاول عليه ولا واحد ايضل بلبيت کلمن ياخذ مرته ويطلع... وانت سميران سيب ما اريد اشوف وجهك...
-بويه اسيب، ابلايه مره وهمه ايسيبون ابمره
الله ولحد بلعرس كلمن حاضن عروس واني حاضن حجي جدوع وهسه كله اتسيب او وراه مره واني اسيب لوحدي... چا بويه مو بس ايمان اتطگ اصبعتين... اني هم ارگص چوبي... اذا گلت قق... قق... قق....
-ولي انت واخوتك عن وجهي لاخلفت ولا ربيت انتم اجراوه ربيته وسيبته بلشوارع...
-بويه..چا  بويه ناكل الوادم 
-احسن ما تا كلوني  وتنهشون لحمي.
-بويه..... قق
-ول يصخل يبن الصخل
وركض سمير خايف والضحك تارس وجهه چنه مهرج ابوگت مو مال تهريچ  بس سمير هذا طبعه.... وامير واسلام گامو امدنگين وابوهم ايصيح وراهم لو تسمعون كلامي لو ما الكم گعده وياي...
-بويه طالعين احنه ونسوانه.. وما انوافقك على ذبح اختنه ابهذا الزواج الما اتريده
-ها اسلام افندي اموچد بيت مرتك حنين تگعد بيه
-اهو... بويه معلوماتك قديمه حنين وامه عدهن ابيوت مو بيت واحد... حتى امير وسمير هم ننطيهم ابيوت....
-امشي لا بارك الله بيك وبيهم.. صدگ حجي جدوع من سماك اسلام الكافر...  
وضل ابو امير گاعد ابمكانه والشرار يتطاير من اعيونه واولاده راحو كلمن الغرفته منا لمن ايحظرون ارواحهم ويعيفون البيت... وام امير گاعده وتسمع من بعيد والدموع تتساگد على اخدوده... راح اولاده ونسوانهم ايعوفون البيت وبعده ما فرحت ابعرسهم
ولا ابجناينه  وما صارلهم غير شهر من امعرسين...
😩😩😩
-ايمان يمه انتي اتشوفين وتسمعين يمه اخوتچ راح ايطلعون ....راح انذبح ييمه مو ذبحه وحده بيچ انتي.... لا ييمه راح ايصير  اربعه... اقبلي ابنصيبچ  تره اذا طلعوا اخوتچ بيتي البنيته اسنين عمري كله راح يطشر ...وراسي راح ادنگه واني الرافعته بيكم
يمه انتي لسه ما بنيتي بعدچ وماطول الماي ييمه صار اعلى مني ومنچ دنگي ييمه وخليه ايمر حتى لو يكسرچ... ييمه اخذي من امچ وسمعي.. تره كسر واحد ايطيب بس اربع اكسور تكتل ييمه ياايمان يبنيتي  ....ولا تگولين امي ضحت بيه... على مود ولده. ...
-يمه... اني رايحه لخوتي  لا تخافين.
-يمه شتگليلهم خاف ما يقنعون يمه اخوتچ ايحبوچ وما يرضون اتعيشين حزينه...
-لا تخافين يمه انتي مو گلتي الماي اذا اجه عالي لازم انهبطله... واني راح انام انيوم مو بس اهبط
كله ولا ابوي... ينكسر  ولا يطلعون اخوتي وانتي همين وبيتنه يتفرق... اذا غريب ايسوي هيچ ابيتنه اشلع گلبه من صدره ادور اني افلشه... اصلن گلبي ما اريده من اليوم الحد ما الله يحكم ابحياتي... اني رايحه احاچيهم...
-ذولاك يمه طلعو وين يردون
-لا تخافين يمه اني رايحه الهم ...🤦 .. .🤦....
ها وين جمعتكم على خير
-ها امونه خويه انريد ننهزم ونعوفچ لن اخوتچ جبناء
ما گدرو  ايسولچ شي وانتي الساعدتينه ابحياتنه وضميتي اسرارنه...
-خويه امير انت شتگول.. شنو هذا الحچي  هذي قسمه وما اتريد اتصير قابل خويه انهدم حياتنه كله
الله اعلم بلجاي مو القران ايكول خويه اسلام......
(عسى ان تكرهوا شيئا وهو خيرا لكم) وشيفيد طلعتكم..ابويه اله حقوق عليكم وعليه  وهذا اول حق
ايطلبه مني ومنكم... خويه اني قابله ابكرار ويجوز يطلع احسن من كيان الاريده ويحافظ عليه اكثر
واذا  طلعتو او ما طلعتو اني اخذ كرار ....شيفيد،بعد،انهدم بيتنه ونعذب امنه ....ابتالي عمره هي وابويه تره لا تگلون هو ما حزنان چي تردون اطلعون بس هو يكابر ويتجمض على روحه ومنو يكف ابعرسي اذا طلعتو ويحطني بلنص ويزفني...
-،خويه ايمان عقلچ اكبر من گلبج... وحضنه امير واسلام وسمير ودموعهم نزلت على خدهم وما ضموه ولا منعوه. .. يله عاد بطلو بچي  اني قررت يوم الخميس عرسي واريد، اشوف شلون ايزفوني اخوتي...
-تدلل امونه الحنونه علينه وراح انسويلچ احلى عرس.
-گول وفعل خويه اسلام...
-واخوچ راح يدبچلچ دبچ ما دبچته رجلين.. من گبل
-انت اتعلمني بيك وبلدبچ مالتك سموري خويه
يله خويه اريدگم انتو ترحون الابويه وتگلوله عرس ايمان الخميس على كرار.. 
-هاي هيه خويه انتي متأكده..
-خويه ربك قابل خلق زلمه واحد ابهاي الدنيا ..الدنيا
كله زلم... والما اتشوفه العين تنساه الگلوب.. يله خويه اتوگلو وادفعو فتنة ابليس اليريد ايفلش، بيتنه الحلو..
-هاي هيه خويه احنه رايحين انگل ال ابويه.... وراحو اتلاثتهم للغرفه الگاعد بيه ابو امير وحاط راسه ابين اديه... هااا بويه خو ما بيك شي، گول اتهيس ابشي،
-لا بويه امير ما بيه شي.. ها جايين تگلولي رايحين
-لا بويه وين انروح واني بعدني ما ورايه تمشي مريه حلوه اتواسيني، وتساعدني وتخرخشلي، اجيوبه لم اجيوبي، ايگومن... ايصفرن.
  اطلع الوحدي سيابي..  شلون تقبله على سمير
اوليدك الزغير..
-بسك رطينه وگولو العدكم
-بويه ما عدنه شي... ايمان اتگول اني قابله ابكرار هو ازلمه حاله حال غيره وما طول ابويه ايشوفه انسب ...اني اموافقه والخميس العرس واجينه انگلك احنه هم قابلين..
-صدگ بويه اسلام... وگام وحظنهم وهو ينحب ....
ما هبطتو راسي وما كسرتو كلمتي. اهي .اهي😭😭
-بويه بسك اخاف عليك اتگول.. قق... وانت لسه ما معرسني، بسك تره ال قق تجي ابسرعه.
-اويلي، عليك سمير اتضل گاولي
-واني شگايل امير حچيي صحيح ..لو ...لا ...بويه
-اي بويه لعد اني اشبقالي ... عمري خلص... واشوفه
ابعمركم... وبيكم داير مدايري، اني وامكم....
.....
-اي يمه ايمان ابنيتي الحنينه العاقله الله انشاله ايصخيلچ الگلوب ويفتحلچ، گل الدروب..
-يمه ما يهمني بعد لا اگلوب ولا ادروب هيه عيشه وتنگضي، اشلون ما اتصير.... راح اتشوفوني اضحك والبس بدلة العرس واتمكيج واخوتي وسناء ايگولون فرحانه،.. بس گلبي، مذبوح وما يعرف كل فرحه وبس انتي راح اتعرفين ابهذا لشي محد غيرچ
-ليش يمه ترديني اعيش ابعذاب كل ايام عمري الباقيتلي بلگي دعوتي الچ كل يوم الله يترس گلبچ  فرح اشلون راح اعرف ابفرحتچ
-اذا صار مثل ما تتمنين راح اتشوفين الفرحه الصدگ
بعيوني مو ابوجهي بس وتعرفيه... واذا ما صارت.... مابيدي شي يمه وانتي تعذريني...
-يايمه ياايمان سوده عليه ماگدرت اسويلچ شي، اهه
اهه... اهه😭😭😭😭...
-يمه بسچ خلي البواچي اتروح من بيتنه ونرد مثل الاول... والخميس عرس بناتچ اثنينهن..
-بس وحده منهن ما فرحانه وادري بيه... شلون افرح الفرح وحده  من بناتي  وادري الثانيه حزنانه 
-يا يمه ام امير صايره طماعه وحده من بناتچ فرحانه اشتردين بعد...
-لا لا.. ايمان اني ما فرحانه حتى لو ما اتصدگين  ابحچي واني راح اگل لحسين على كلشي واخليه ايگل الكرار ويبطل ...
-ديري بالچ سناء تگلين شي تره ابوي واخوتي يطشرون... وابويه وامي يموتون من القهر وهذا الحچي گدام امي وهاي هم حنين وسهيله سمعن هسه وياج.... الحچي.. وما اريد، الحچي يوصل لخوتي امير واسلام.  تره ما احاچيچن، طول عمري،
-لالا ايمان احنه من چنه صديقاتچ  وما طلعنه اي سر ابيناتنه هسه صرنه نسوان اخوتچ واخياتچ اشلون
انطلع سرچ ونفلش بيتنه... وانتي ما تردين هذا الشي... لا... احنه ما انگول شي الا انتي تگلينه...
- ماكو گول بعد هاي هيه خلص الحچي... حظرن روحچن العرس الخميس..👰👰
...            .........            ........