للكاتبه ام رحيل ...ع م
- شلونك استاد كيان
-اهلا رفل اتفضلي خو ماكو شي..
-لا استاد يعني ميصير طالبه اتزور استاده ابيته حتى اتقدمله الشكر وهديه بسيطه لان انت تعبت ويانه اهواي واني وبنات الصف اشترينه هاي الهديه الك
استاد كيان وارجو اتعجبك واطيبك من المرض لان سمعنه بيك مريض...
-لا ما بيه شي مجرد افلاونزه بسيطه... بس، رفل احنه ابعطله وين لگيتي البنات واشتريتو الهديه.
-شلقصه استاد اشو هنه البنات کلهن وحده جيران وحده.. قابل بعيدات... وقدمت رفل علبه امغلفه وملفوفه ابورق هدايه ومربوط ابشريط احمر..
-شكرا رفل ما كو داعي امتعبات روحچن
-ها اشلونچ يمه رفل...
-زينه خاله ام كيان انتي صحتچ اشلونه
-ابخير هله بيچ ابنيتي شتشربين
-لا ماكو داعي اني بس اجيت اشوف استاد كيان او اجيبله، هدية بنات الصف..
-يا يمه هذا واجبه مو الا اتقدمله هديه
-لا استاد كيان يستاهل..لو. كلشي انقدمله ما انوفيه تعبه ويانه... وصبره علينه.. يله اني رايحه.... مع السلامه.
-مع السلامه رفل
-مع السلامه استاد... مو تنسه افتح الهديه بيه شي ايهدء نفسك ويشوفك محد، يستاهل الزعل....
مع السلامه.
-مع السلامه ....شنو تقصد رفل ابحچيه... واخذ استاد كيان الهديه، وبده يفتح بيه.... هذا موبايل. ..
فتح استاد كيان الموبايل واذا هو فارغ بس هذا شنو
تسجيل.... هاي... رفل ما اتبطل اسوالفه هاي شنو امسجلتي اعتراف ابحبه شنو... ولو مالي خلگ بس خل اشوف شتريد وشگايله.... وفتح التسجيل
وصارت اعيون استاد كيان ابراسه وهو ايشوف ايمان ابدلة العرس ترگص ويه اخوته وكرار کامش ايده ويرگص.... وسد التسجيل ابسرعه ونزلت ادموع استاد كيان وصار يشهگ ويبچي مثل الطفل. ....
-ها يمه كيان خير اشبيك.... يمه اسمله عليك شنو شگلتلك... هاي البنيه رفل... وانطاها كيان المبايل
-شنو شبيه هذا المبايل... هو هذه الجابتلكياه هديه
شبيه ايبچيك ويخليك ابهل حاله... وفتحت المبايل ام كيان وشافت تسجيل العرس كله للاخير....
وهي من سمح اله اتسجل خصوصيات الناس وتجيبه الك مو عيب عليه ابنيه لا تعرف حرمه ولا ادب
-يمه تره اني ما شفت الا اول ما فتحته بس البدايه
وبعدين سديته...
-ادري بيك يمه تعرف ربك زين وتعرف الاصول... ييمه هاي قسمته لايمان وقسمتك وانت حاولت وما
طاح ابئيدك شي ما سويته.... بس يمه شو هاي رفل متعجبني مو مثل ايمان...
-يمه شو بطلي گلبچ مثل گلب ابنچ ينخدع بلمظاهر
يمه ما شفتي شلون ترگص ويه اخوته فرحانه وهذا حسين الچانت ترفضه هسه ادور قبلت بيه ونست كيان....
-يمه كيان كلمن ضروفه وهي تبقه ابنيه والبنيه عدنه مو مثل الولد... ما تكدر ترفض وتعاند، اهله...
-اوففففف يمه بعد ما اريد اسمع اي شي عنه... سالفه وانتهت....
- وهذا الموبايل وين اوديه يمه كيان
-خليه عندچ،
-يمه جاي احطه ابهذا المجر واضمه وشوكت ما شفت روحك هديت طلعه وامسح التسجيل...
-لا اريد اشوف ولا امسح شي... اكسريه احرگيه ابكيفچ...
-هاي ضميته بلمجر.
-ابكيفچ....
... ...... .......
-سناء ....سوستي وين صرتي
-اهنا... شنو سوستي... قابل اني سوسه مال خشب،
-لا انتي سوسه مال گلبي
-دير بالك التاكل الخشب ....تره تاكل الگلوب ..
-اكليه... قابل انتي مصاصة دماء...
-بله كل هل البراءه والجمال وتاليه سوسه ومصاصة
دماء
أنت تقرأ
درستها فعلمتني الحب للكاتبه ام رحيل ..ع م
Literatura Femininaطالبه... يداعب قلبها شعور غريب لم تعرفه... ومدرس شاب انتقل ليدرس، في احدى ثانويات البنات... ترفع اصبعها فيتراقص قلبه مع ذلك الاصبع.... هل حبها مستحيل.... هل هو صعب المنال.... تابعوا احداثها لتعرف انك لم تعرف من عذاب الحب شي. للكاتبه ام رحيل...
