درستها فعلمتني الحب للكاتبه ام رحيل ..ع م

درستها ......فعلمتني الحب بارت 19 💕

للكاتبه ام رحيل ...ع م
-بويه اسلام.... عمي حنين ....ام امير گالتلي علمود حجي جدوع ايعيش عدنه ...واني ما عدي مانع حجي جدوع انحطه على روسنه مو بس ابيتنه...
بس سالفة ننتقل للعماره... هاي ما ارضه بيه على الاقل ابهذا الوگت... خلي هاي السالفه الوكته... واذا انتو حابين تنتقلون وتعيشون وحيدكم اني ما عندي مانع...
-لا بويه احنه مو هذا قصدنه... قصدنه اني وحنين
ننتقل كلنه حتى ننجمع مو حتى نتفرق.. لان بيتنه صار زغير وسمير على ابواب زواج ايريد هم غرفه
واذا جبنه حجي جدوع هم ايريدله غرفه والجهال صلوات جاي ايزيدون... والبيت ما يتحملنه كلنه
-عمي اذا الشغله بيه احراج الك اني عدي حل يرضينه كلنه ويخليني اكدر اجيب جدي ايعيش وياي الباقي من عمره وهذا اقل شي اسويلهيا لان ما ايصير بت ابنه موجوده ويعيش ويه امي وعمي موسى  اني اگرب اله منهم.وحقه عليه مو عليهم
-زين بتي گولي اني اسمعچ...
-انت مو اتگول هذا بيت العامريه يگعد بيه سمير اذا عرس لان البيت ما ايكفي...
-اي صحيح... عمي... وانتي هم تردين بيت وحدچ مثل سمير ومرته... هيچ اتقصدين..
-لا عمي مو هذا قصدي... قصدي ابنك راح ايصير بعيد عنك وعن عمتي ام امير وعن اخوته... وتصير شوفته بلمناسبات.....
-والله شكلچ ابنيتي... كلامچ معقول
-وانت اول وتالي راح تخسر الاجار مالت البيت لان راح ايصير السمير...
- صحيح ابنيتي...
- زين عمي اني اعرض عليك تشتري مني العماره واديره ابأسمك... وانت اتبيعلي هذا البيت... وبيت العامريه ايضل الك اتاجره وتستفاد من اجاره
والعماره بيه اتلث طوابق واحد النه وانت وعمتي وجدي ويانه... والثاني الامير  والثالث السمير..  وهذا البيت هم ابموقع زين وسعره غالي. وهم هيچ
اولادك ما يطشرون واحفادك داير مدايرك ايضلون
ها عمي اشگلت.
-اي عمي کلامچ عين العقل بس البيت مو ابثمن العماره يعمي واني ما ارضه اخذ منچ زايد...
-يعمي البيت راح ايصير الي وراح اخذ الطابق الاول من العماره هم الي ولاسلام.. بعد اشلون تاخذ مني زايد... ارضه يعمي وخل جدي ايعيش وياي الايام الباقيتله ويشوف اولادي ايكبرون گدامه قبل ما يموت...
-الله لا يكولها على حجي جدوع...
-ها عمي هسه اشگلت.... اترجاك تقبل وخلينه نلتم ونجيب جدي ويانه اترجاك عمي سويه خدمه الجدي
وخليه ايعيش وياي....
-حنين عمي انتي شتگلين... حجي جدوع احطه على راسي شنو خدمه... زين يحنين اني قابل بس على شرط يتقيم البيت وتتقيم العماره وشگد الفرق ادفعه الچ على دفعات... هذا العندي....
-واني قابله عمي كللششششششششش.   ...
-اويلي عليچ حنين ماتبطلين اسوالفچ.... هههههه. هه
بيه الخير عمي لعد اني شريد اكثر من لمت اولادي واحفادي يمي... بس هيچ مدرستچن راح اتصير بعيده عليچن... اشلون.
-عمي ولا يهمك... لواسلام ايوصلنه لو امير اثنينهم عدهم سيارات... وهو باقي شهرين وتخلص المدرسه
-خوش يعمي لعد ما ننتقل الا اتخلصن مدرستچن..
-ابكيفك عمي... الي اتريده ايصير...
-اويلي عليچ حنونه چانت بس ايمان تگدر على ابويه
هسه صرتي انتي وايمان...
-اسلام اگمش الخشب لا تحسدنه... عيني احنه ما نحمل اعيون...
-اي والله يعمه يحنين... اگوم اطگطگ حرملات عن العين لا اتصيبنه...
-ادور طبگت ام امير وياه ....بعد شتردين ام كيان...
-تسلملي عيني ابو كيان..
وسمعو كل اهل البيت هاي الاخبار وصارت الفرحه عدهم مثل العيد... وسمير ايدگ ويرگص راح ايحصله طابق بلعماره الوحده وهم قريب من اهله واخوته... وامير وسهيله فرحتهم ما تتوصف بعد ما سمعوا الهم الطابق الثاني...
بس وحده من هل بيت چانت الامور عده مو مهمه...
وهي ايمان... لان لا من اليفرحون ابيت ولا من اليهمهم... الظلت ابهذا البيت لو راحت البيت ثاني كله عده سوه... ماطول راح اتروح المدرسته وتكمل دراسته... الي صارت اهم شي تتمناه ابحياته...
.....     .......
-عيني حنين يگلون صرتي مليونيره.. وجدچ جدوع
يگلون ضام گنز ونايم عليه...
-والله عيني نهله الكنز الضامه من تعبه  واحنه مو جديده علينه النعمه من فتحت عيني وجدي يلعب بلفلوس لعب..
-اي حظوض ينطي لحم للماعنده اسنون..
-اذا اتقصدين عليه... اني عدي اسنون... بس اذا اتقصدين على جدي لا اتخافين حاط تخم اسنون اصطناعيه اصليه... ههههههههه
-هههههههههه...ولچ حنين اچماله حجي جدوع يوميه ايحد اسنونه.... ومستعد كلشي ايصير ابحلگه ياکله.
ههههههههه... هههععهه... ولچ حنين بطني گامت توجعني....
-يمعوده سهيله ديري بالچ تره استاد كيان خلصت الستر مالته. لا اتجيبين بلصف مثل حنين...
-عيني رفل منو حطچ.... اوتچي...، الستر استاد كيان...
-حنين اني حطيته.... وهنا دخل استاد كيان... لان ما اريد يوميه ...وحده امدخلتني فلم رعب ورجله مرتاح بلبيت..
-لا استاد كيان لا اتخاف سهيله بعد اله شهر ياله ايشرف البيبي...
-اي على اساس انتي اتحددتي بلوقت مو الامير والاميره شرفو قبل شهرين...
ههههههههه.... ههههههه... وثارت موجة ضحك بين البنات...
-اسكتن بنات... استاد كيان... لا... سميتهم.. امل وكيان...
-ها حنين تردين  درجه زايده وسميتي ابنچ كيان
شنو هاي رشوه...
-لا والله استاد كيان انت تستاهل انسمي كل ولدنه على اسمك...
-لا يمعودات بعدين ارجولتچن يجون ينتقمون مني..
-استاد صار درس اجتماعيات مو درس لغه عربيه
-على كيفچ رفل لاتعصبين علينه هم انت هسه يجيج الدور  واتصيرين مثلهن...
-اي صحيح بس لمن اكمل دراستي مو هسه...
-اي رفل يعني هسه اذا احد اتقدملچ اترفضين
-هااااا يعتمد على الشخص ومركزه... استاد
-زين خل انگول.... امممممم.... مدرس مثلا اتقبلين
-طبعا استاد... گالته رفل ابسرعه وصوت عالي خله البنات ايضحكن...
هههههه... هههههههه...  ههههههههه
-ها رفل شو قبلتي اتشاركين بلحديث هسه..
-اي والله صدگ استاد... بس لا اتگول عليه متقلبه وما عده راي...
-لا رفل هاي نهاية الماده وتقريبا راح انخلص وحبيت ايكون ابيناتنه كلام وضحكه حلوه قبل ما نتفارگ
وانشاله اتذكرونه ابخير وما تنسونه....
-لا استاد انشاله ما نتفارگ...
-ليش رفل لازم راح اترجعين سنه ثانيه على گلبي،
-ههههههه... ههههههه وگبت عيطة الصف بلضحك
ورفل احمرت.... وضحكت وي الصف
....     ،....     .....
ودخلن البنات الامتحانات العامه للسادس اعدادي،
وچانت اكثرهن متعذبه هي سهيله لان الطفل نايم على گلبه وكل يوم ايمر اتجر نفس لليوم الثاني وتنخه.... ما اتجيب...
وتروح عليه الامتحانات...
وهذا اليوم هو اليوم الاخير.... وطلعن البنات من قاعة الامتحانات...
-هااا ايمان اشوكت ناخذ النتايج...
-يگولون بعد اخمسطعش يوم
-اليوم عمي گال راح انشيل البيتنه الجديد
-قصدچ العمارتنه الجديده ...سهيله...
-اي صدگ حنين الله اني شكد فرحانه
-الله ايكمل فرحتنه انشاله ...ابنجاحنه
-وبزواجچ امونه...
-اني ما افكر بلزواج الكليه اول شي...
-والزواج وياه ما يضر
-اسكتي حنين خليني مرتاحه وراسي فايخ...
-ابكيفچ... لان اسمعت ام كيان وره النتايج راح تجي تخطب ال ابنه وهي حاطه عينه على اثنين انتي ورفل اذا ما قبلتي.... اتروح تخطب رفل..
-وخل تخطب رفل الله ايهنيهم.... اذا عاجبته.. اصلن
اني اشوفه مهتم بيه. ايجوز رايده..
-ولچ يفاهيه هذا رجلچ من البدايه الله قاسمه الچ
لا اتصيرين جبانه وتطيه الرفل تره هي جاي اتحوك احباله داير مدايره من العام.وتتلگلگ اله وال امه
-حنين حبابه اسكتي ما اريد الصار  بيه ينعاد من جديد  خل اخذ الشهاده واشوف وين اصير وبعدين المقسوم هله بيه...
-هااا يعني هله بيه انگللهم...
-ولچ سهيله انتي همين... انعلن الشيطان وفكن عني راحه... اني ما اقصد الي ابالچن...
-اي ايمان يعني ترديه لو بعد ما ترديه صفي رايچ ومالچ شغل والباقي خليه على اصويحبتچ ومرت اخوچ ام كيان..
-والله گول وفعل ام كيان... الورده
-اشكرچ حبيبتي سهيله.. يوم اتگومين ابسلامه وتجيبين رجل بتي ابسرعه...
-اخ... اخخخخخخ.. يايمه الحگيلي.. اخخخخخخخ
-ولچ سهيله مو بلشارع.. خلي يجينه اسلام عاد يمعوده....
-يبوووووووو الحگيلي ايمان... ولج حنين راح اجيب
يبوووووو.   عليك امير الحگلي.... وين راح استاد كيان....
-خوش والله ادور الرجال يركض ورانه بلمدارس الامتحانيه.... هذا... اي..اجه. اسلام.. اهنا  يمعود تعال  اهنا واگفين..
-طوط.... طوط..... بيب.... بيب....
-مو وگته لا طوط ولا بيب سهيله راح اتجيب
-ولچن شنو انتن فضحتنه وحده اتجيب بلمدرسه والثانيه اضرب من الأولى ابنص الشارع اتريد،اتجيب.... اركبن ابسرعه خويه ايمان ركبيه وره وركبي ابسرعه راح اتصيرين ...الحبوبه مالتهن وتروح دراستچ بلهوه
-هاي شبيك ابو كيان عيني هو ابكيفنه غير ولدكم
يختارون الوکت مو مناسب. اشبيدنه احنه..
-لا حنونه خانم مابيدچن شي بس اليبو مالتچن امگبره.....
-يبوووووووو.. الحگولللللللللييييييي....
-بلا يبو ...تره والله اگلبچن ..ونطفر اني واختي من السياره....
-ابو كيان اعيوني.  شيخلصك من جدي جدوع ياكلك بسنونه الاصطناعيه...
-لا ياكلني ولا اكله وصلنه... يله انزلن
-،يا اسلام  ما تكدر... روح جيب عربانه... ابسرعه
-يبويه بعد ما اندل دربي حتى اختي عدنه وگامت اتصيح وياهن....
ودخلو سهيله گبل للولاده.... واسلام گام يخابر ما خله واحد ما خابره وكله اجتي تتراکض للمستشفى
امير وام امير وامه ال سهيله واخوه...  وصارت هوسه اباب صالة الولاده اتگول زفة عرس.  
-ها عيني شنو هاي الهوسه شكو شعدكم هي مره جاي اتجيب...
-اي دكتوره ما جابت بتنه اسمه سهيله صارله ساعه.. 
-ها انتم ويه سهيله...
-اي دكتوره...
-اي جابت بنوته حلوه علخير....
-اي. اااااي.. كللششششش...
-يا ولك سمير يمه عيب اتهلهل بلمستشفى...
-يمه من الفرحه امير جاب بزونه مو عتوي. ههههههه
-ولي... طاح حضك وشبيه البنيه احسن من الولد ومشاكله ...همزين ابنيه لو اوليد چا خفت يطلع على عمه سمير الكاولي...
-شوفي يمه ما اتعجبه خلفتچ...
-اسكتو فضحتونه يله روحو ايضل بس واحد ويانه
يله... 
وراح سمير واخذ حنين وايمان وياه للبيت وضل امير واسلام خلصو الاوراق وطلعو سهيله وام امير شايله البنوته... وركبو السياره للبيت وامير يرگص وجه من الفرح...
-ها يمه امير فرحان بلبنيه خو ما زعلت من كلام سمير هذا امخبل ما يفتهم...
-ادري بيه يمه ما يفتهم ...هو منو امحصله ابهل اليوم... احصلي نسيب واهلسه احسن ما احصل ولد ايهلسوني انسابتي ابسببه لمن ايريد ايعرس... ههههه
-يعني... اني هسه. راح انهلس بعدين لمن اخطب بتك ال ابني... استاد امير...
-لا يمعود احنه اخوه لا اتخاااااااف... 👿👿👿👿
-هاي شبيك امير شو صرت جنك شيطان وعيونك صارن ايخوفن..... ههههههههه... ههههههه
.....           ........        .......