ليث: مروج ماريدج تعوفيني ابقي وياية من بعد غيث محد ألي بهل دنيا
مروج: ما اضمنلك هالشي بيد الله
ليث: انتي تكرهيني..
مروج: اي
ليث: شنو السبب
مروج: كلشي بيك ميعجبني مجنت اتصور راح اوكع هالوكعة اخوك وانت حطمتوا حياتي فوك كل هذا تجيني سكران وتأذيني وتضربني ماكو اي سبب يخليني احبك
او اودك
ليث: واذا اتغير راح تتغير نظرتج ألي
مروج: إلي انكسر ميتصلح ليث
وانتو كسرتوني
بس نبقى نكول الزمن يداوي الجروح
ليث: اني مراح اطلب منج تحبيني بس اسمحيلي ابات وياج بنفس البيت او اخذج لبيتي الجبير تعيشين اهناك معززة مكرمة بصراحة اني عندي اعداء عمل و وجودج وحدج يخوفني عليج اخاف يستفزوني بيج او يأذوج ابنية شابة وحدها بالبيت صعبة تعيش
مروج: من شوكت هالكلام جنت عايشة وحدي طول هالمدة مصارلي شي ولا انت اهتميت للموضوع شنو التغير هسة
ليث: من زمان جنت خايف عليج واغلب الاحيان اكعد جوة بالكهوة الى جوة الشقة الى ان يطلع الفجر واروح للبيت بس من جان عندي شغل اضطر اروح واعوفج وحدج ومن تنرفزيني واكتلج احس نفسي كارهج وهم اتركج بس باقي الايام اني صايرلج حرس
مروج: احس بدة التغيير عندة مجنت اشوفة بهل انسانية والعطف جنت احسة انسان متوحش صح متعدة علية ولا تقربلي بس بنظري جان انسان سيء للغاية..
باوعت بعيونة الخضر...
شنو السبب ألي يخليك تحرسني
ليث: لان صرتي عرضي وما اسمح لأي مخلوق يتسببلج بأذية
مروج: زوجتك السابقة هم جنت تتصرف وياها مثل متصرفت وياية
ليث: اوووف لتذكريني اترجاج اني اساسآ غلطة تزوجت شغلي ميسمحلي ارتبط
مروج: وشغلك سمحلك ترتبط بية
ليث: انتي مجنتي ظرف اختياري جنتي اجباري
اتقبلتج رغمآ عني خفت اذا ما اتقبلج تهددين حياتي وعملي
لان وصلتي الية واندليتي مكاني وحفظتي شكلي خفت لتسويها كعدة عشاير او تشتكين علية واروح بالبيباي
بس طلعتي اصيلة
مروج: نزلت راسي ..
والمطلوب
ليث: لو تجين تعيشين بالبيت الجبير لو اعيش وياج
مروج: واذا موافقت
ليث: اني خيرتج بين اختيارين وممنوع تطلعين خارج اطار هالخيارين
مروج: واذا عشت وياية شنو راح يتغير
ليث: مراح يتغير شي انتي بغرفتج واني اخذ الغرفة الثانية بس حتى اطمئن عليج
مروج: هذا كل ألي تريدة لو عندك مخطط
ليث: قسمآ بذات الله ماعندي اي مخطط وخلي يكون بعلمج اذا ردت اسوي شي اسوي غصبآ عنج لان انتي حلالي ومغلطان بشي بس اني رافض هالفكرة ومتجي ع بالي
