ليث: حرام بومة مو مرة شوكت الله يخلصني منها
ها امجد تعال انت سوق ابدالي
امجد: تدلل استاذ
ليث: وصلت للمطار بالموعد المضبوط ودعت امجد وخلصت اجراءات السفر وطارت بينا الطيارة
وصلت لندن حجزت بفندق وارتاحيت لليل سبحت وكشخت وطلعت اتونس واشرب
شكد حلوة الاجواء والهوى النقي وكلشي حلو اهناك مطولت اكثر من اسبوع بأخر يوم ألي بالسفرة طلعت اتمشيت حتى اخذ هدايا للعمال ولأمجد ومتردد اخذ هدية لمروج لو لا المهم اخذت الهدايا واخذتلها عقد الماس يجنن ونازك
رجعت حضرت غراضي وجنطتي ورحت ع المطار ورجعت لبغداد اول موصلت جنت حاب اروح للشقة ما اعرف ليش خطرتلي هالفكرة بس احساس حلو من يكون اكو شخص بحياتك حتى وان كان مجرد ظل بس حلو هذا الشعور المهم وصلت للشقة دكيت الباب
مروج: اسبوع كامل انكطعت اخبارة وما اتصل بية ولا مرة واني هم مرتاحة بهل اسبوع استجمعت قواي وفكرت بكلشي واتخذت قراري
ملتهية اسوي كيكة العصر ما احس ألة الباب اندكت ما اجة ع بالي ليث لان ما اعرف شوكت اصلآ راح يرجع خفت ليطلع نزار ويكتلني خلاص رحت يم الباب لابسة برمودة حصر شوية ربع ردن وشعري فاتحتة
وصلت للباب وترددت افتحة رجعت للمطبخ اكمل شغلي ما احس ألة انفتح الباب
ليث: ادك وماكو صوت خفت بس لا عافت البيت وانهزمت طلعت المفتاح وفتحت الباب دخلت جنطة السفر وجنطة الهدايا حطيتهن ورة الباب وطبيت افتر بالبيت دخلت للمطبخ وانصدم بالمنظر
وكفت مصدومة كبالي وفاتحة حلكها لابس برمودة لون تركواز والشعر مفتوح اول مرة اشوفها بهل منظر احلى بدون حجاب
السسس سس سلام عليكم
مروج: دخل علية للمطبخ واني بهل منظر إكلني أكل بعيونة ظليت واكفة بمكاني ما اعرف شسوي صدك اتفاجئت..
وعليكم السلام
من رخصتك البس دشداشتي واجي
ليث: صدك انزعجت من تصرفها لزمتها من ايدها..
وخنزرت عليها
وليش دتلبسين دشداشتج اني بعد شفتج وبعدين انتي حلالي ومن اليوم ورايح مراح تلبسين لا دشداشة ولا حجاب كدامي ماشي
مروج: بلعت ريكي ..
شنو شلون لا لا عفية عيب اني استحي وخر ايدك رجاءآ
ليث: مروج ألي كلتة يتنفذ لا اسوي شي ميعجبج خليني مسايرج وماشي ع مزاجج
مروج: صدك خفت وتوترت من حجة هيجي حجي ..
زين دوخر ايدك عني أذيتني
ليث: تمام تعالي وياية خلي نشيل الغراض
مروج: اوكي
امشي وراه ومستحية لو بيدي البس عباية من كل عقلي انزل برداني ومتنزل ههه بس ألي كدرت اسوي الف شعري
ليث: شبيج بابة بس تحوصين يلة شيلي
مروج: ها اي ماشي.
شلنا الغراض حطيناهن ع القنفة وظليت واكفة واباوع ع السكف
