مروج: ما اكدرلة شسوي بعد هذا قدري والمكتوب بس ياحسافة اتسرعت وخليتة يعقد علية .. سويتلة أكل شلون مجان اتزقنب وانبطح بنص الهول.
مو تزقنبت متروح شعندك باقي اهنا ها
ليث: ترة دوختيني راح اكوم احط سجينة ابطنج معليج انتي روحي انخمدي
مروج: استغفرك ياربي ..
اترجاك روح منا اني اعصابي تلفانة الله يخليك لتضايقني اكثر كتلج اني اصلي وانت مخمور ميصير هيج
ليث: لج راح اكوم اموتج خلاص كتلج معليج بية
مروج: كلامي كلة بدون جدوى .
هزيت ايدي ورحت دخلت الباب وقفلتها علية ونمت بس شلون نومة حيل خفت كلساع افز اتأكد هو مموجود الى ان طر الصبح يالة عيني اخذت نوم بعد متحملت
ليث: كعدت ب 7 الصبح مكسر تكسر نايم بالكاع لا مخدة لا فراش راسي يريد ينفجر .
فركت راسي اتذكرت اني البارحة ثكلت بالشرب واجيت لهنا بالغلط شكد عيب
كمت طبيت سبحت لبست نفس ملابسي وخليت وطلعت بدون متحس..
مروج: فزيت ساعة ب 11 الصبح رحت حطيت اذني ع الباب خاف موجود او اكو حركة طكطكة بس الحمد لله ماكو يعني رايح الله ليوفقة شنو من بشر.
فتحت الباب وطلعت .
ايع ريحة الشرب باقية بالبيت فتحت البنكات والشبابيك بديت انظف مسحت الغراض والكاع بالديتول بعدين رشيت معطر شوية راحت الريحة طبيت سبحت طلعت مشطت ولفيت حجابي ع راسي هذا النذل احتمال بأي لحظة يجفت علية للشقة .
بديت اسويلي ريوك طبعآ صار هو ريوك هو غدة خلصت غسلت مواعيني توضيت فرشت سجادتي وصليت ظليت ادعي وابجي مشتاقة لأهلي مشتاقة لحضن امي ألي لو تنكلب يمي الدنيا واني بحضنها احس بالامان.
خلصت كمت طبيت للغرفة وقفلت الباب ونمت
ليث: رحت للورشة خابرت امجد عدنا سفقة كلش جبيرة جاية عبر البحر ولازم نخططلها ونتحضرلها حتى نستلمها بهدوء وبدون عراقيل..
الو امجد رايدك بالورشة تعال هسة
امجد: اهلآ استاذ ليث جايك حالآ
ليث: ظرف ربع ساعة دخل علية امجد.
امجد: السلام عليكم
ليث: عليكم السلام اتفضل اكعد.
ياشباب اثنين بارد جيبولنا.
ندخل بالموضوع
امجد: ادخل
ليث: هالمرة البضاعة تختلف والكمية جبيرة وعبر البحر شلون راح نستلمها وشلون نسوقها
امجد: لتخاف خليها علية مثل كل مرة ها بس هالمرة اريد حصتين مو حصة وحدة
ليث: يجرالك بس ها اذا انكمشت البضاعة اخسر ملايين الدولارات
امجد: لتخاف خلي ثقتك بية جبيرة مو كل مرة اطلعها من حلك السبع
ليث: عد عيناك انت متقصر.
المهم بعد اسبوع لازم اسافر لأوربا
امجد: ليش
ليث: اريد اغير جو شوية تعبان ومنا سالفة اخوية و وفاتة اخذت مني نص حيلي والشرب هلكني اشرب حتى انسى بس الكة نفسي بنص الذكريات
