مروج: وصلنا للشقة نزل ركع الباب وعافني نزلت ورحت وراه صعدنا للشقة فتح الباب واني واكفة وراه انصدمت من المنظر
ليث: هاي الشقة يرادلها ترتيب وتنظيف .
ها شبيج صافنة نحن هنا
مروج: اباوع الكاع الميز كلة بطالة شرب ومواعين كرزات قديمة ومقبلات وكلاصات بالاضافة للوصخ والتراب...
ها لا هيج بس انت تشرب
ليث: اي نعم اشرب .
رحت كعدت ع القنفة وباوعتلها.
عندج اعتراض
مروج: بس اني ما اكدر ابقى اهنا اذا انت تجي تشرب بيها وما اكدر اشيل هاي القذارة اني اصلي.
ليث: كمزت عليها لزمتها من شعرها..
لج لتكولين قذارة يعجبج يعجبج ميعجبج روحي لأهلج مو جاية شامرة نفسج علية وفوكاها تتمضيكين هذا الموجود افتهمتي.
مروج: صدك اتأذيت من كلامة كمز علية مثل الوحش لزم شعري وحجالة حجايتين سمم بدني بيهن اتذكرت اخو من اتعدة علية نفس النظرة ونفس العنف وحتى نفس الصوت والتصرفات.
ربي شنو ذنبي وهيج يصير بية عاقبني بس مو بهل طريقة..
ظليت صافنة بوجهة وعيوني تجري.
ليث: شفتها تبجي محجت ولا ابدت اي ردة فعل انتبهت ع نفسي وخرت ايدي..
اني طالع اجيبلج مسواك اذا تردين اخابر ع الخدم مالتي يجون ينضفولج الشقة اذا تتنكسين خوش.
مروج: خوش.
طلع عندة خدم وحشم يلة يكون احسن اذا همة يجون ينظفون هالقذارة ع الاقل بس هالمرة واني بعدين اتولى المهمة .
طبيت للمطبخ افتر فتحت الثلاجة طافية ومتروكة شغلتها ماكو بس أكل بايت وخربان.
كعدت اتذكرت امي موج نزار مرتة جهالة صديقتي رؤى كليتي احلامي طموحاتي حياتي ألي جنت مخططتلها كلة هذا اتلاشى .
ما اعرف شنو مصيري راح ابقى بين اربع حيطان وبمنية هالوحش لو راح ارجع لأهلي ولدراستي واكمل ألي تركتة راح يسامحني نزار لو راح يذبحني ويطم عاري.
كل هذا يهون بس فراك امي ابد ميهون.
ظليت ابجي واتذكر كل صغيرة وجبيرة بحياتنا الى ان فقدت كعدت بالكاع ظليت اصرخ اكو هم جواية اريد اطلع بالبجي والعياط وكأنه واحد ميتلي بس والله لو ميت عزيز كلبي هم جان اهون من هالمصيبة ألي ما اعرف شلون راح تنتهي.
ما احس ألة الباب انفتحت باوعت صارت عيني بعين ليث كمت مسحت دموعي بحجابي وكعدت ع القنفة
ليث: طلعت حتى اجيبلها اكل ادري بيها مماكلة شي صح هي مصيبة و وكعت ع راسي واتمنى اتخلص منها لان خطر ع حياتي وشغلي ميسمحلي ارتبط بس مع هذا هي بشر وهم وكعت ضحية لأخوية الطايش
دكيت ع الخدم ألي بالبيت مالتي حتى يجون للشقة ينظفوها لان هي متكدر تنظفها لان تصلي واخذتلها مسواك اشكال حلويات وعصاير وفواكة وخضروات وصمون وخبز مبقيت شي قبل ما افتح باب الشقة لكيتها تصرخ وتبجي هي هم حقها خسرت اغلى ماعدها والاكثر من هذا خسارتها لأهلها فتحت الباب دخلت مسحت دموعها ولملمت نفسها وكعدت ع القنفة
