ليث: اني ما احب احد يعاندني امشي واحترمي نفسج
مروج: واذا محترمت نفسي شيصير
ليث: اني اعلمج شيصير.
نزعت حزامي وكعتلها دك موتتها تموت وهي تصرخ وتبجي...
مروج: يانذل يامنحط يامتوحش
تمد ايدك علية والله لا اخابرلك الشرطة واوديك بداهية
ليث: اهنا اني انصدمت شنو تقصد من كلامها بس لا كشفتني..
اسمعي لج الموبايل اخذة منج والباب اقفلها عليج وسم وزقنبوت ما اجيبلج وظلي اهنا لحد متموتين فوك البلاوي ألي ع راسي النوبة انتي جملتيها والله لا امشيج مثل الساعة.
مروج: كاعدة بالكاع حجابي بصفحة وقراصتي بصفحة شعري مكفش بس استاهل عفت بيت اهلي واجيت يم هيج بشر ماعندة لا ذمة ولا ضمير..
ظليت اصرخ وهو واكف كبالي يتناهد تعب من كثر الدك الدكة بية.
وينج يمة هم اكو بشر يحن علية بكدج ليش ياربي والله ماعندي اذية ع احد كل همي ادرس وانجح واوصل وابين للعالم المرة مو بس للخدمة
والله ما سويت شي يغضب اهلي وربي ملتزمة بصلاتي وصومي حتى مو مثل البنات جنت اذا اضوج اقرة قرآن بينما ألي يضوج يطلع يتونس ويعيش حياتة
مجنت محسبة راح تكلب حياتي واصير سلعة رخيصة بيد من لا يرحم ..
رحمتك ربي ترة ضاكت الدنيا علية
رحمتك ربي ترة بعد ماظل صبر بية
تريد تموتني هياتني كدامك موتني اني ماريد اعيش بعد ماعندي سبب اعيش من أجلة
اهلي وامي عفتهم ودراستي واحلامي ضاعت
شرفي الاغلى من اي شي خسرتة
برأيك المن عايشة بعد وليش اعيش بدنيا غبرة
ليث: صدك اتأثرت بكلامها حقها هي ضحية وخسرت كلشي.
بكلبي كلت. اووووف هيجتي علية اوجاعي
اني هم مالي سبب اعيش بعد لا اهل لا اخت لا اخ لا كرايب..
كومي غسلي وجهج ولفي حجابج اني اساسآ اجيت اخذ اللاب توب مجاي ع غير شي .
بعد اسبوع اني مسافر ومصرفج ومسواكج راح يكون جاهز .
.اخذت اللاب توب وطلعت
مروج: طلع وسد الباب. غميتة. الله ليوفقك ان شاء الله الموت الاخذ اخوك كون ياخذك ويخلصني منك ..
عساك روحة بلا رجعة ياقذر
كمت عدلت شعري وشلت حجابي من الكاع وغسلت وجهي وطبيت للغرفة جثة هامدة حتى ما اعرف شوكت نمت
ليث: صارت ساعة ب 12 باليل رحت للشط شربت ويمكن نمت بمكاني
نزار: صار الصبح كعدت من ال 6 خابرت المدير طلبت منة اجازة بالبداية مقبل بس بعدين بالكوة اقتنع..
طلعت ادور ع مروج بالسيارة وحاط صورتها يمي كل ما اسأل عليها اشوفهم صورتها للعالم..
محد شايفها بس لا انتحرت.
اتصل بية مقدام.
الو
مقدام: الو صباح الخير نزار
نزار: صباح النور حبيبي
مقدام: نزلت الجرايد شفتها
