#قلوب ثائره
#الجزء الثالث
#بقلمي شمعة امل
جلال ....رجعت للبيت دايخ ومسطور
افكر بهاي الطفله الي ملت علينه حياتنه
وخلت سناء ابد متذكر بتهه .....
صارت سناء كل همهه انه اتداري هاي الطفله
حتى وسام ....كام اول ميكعد من النوم يروح يم مريم ويبقه كاعد يمهه إلى أن تكعد حتى اول متشوفه تضحكله
...وشلون ضحكه هيه عدهه اتخبل ...والنوب عدهه غمازات ....
وارجع وافكر شلون اذا عرفت منو اهلهه
...صح اني ماشهرت بالسالفه ......
وماذكرت أنه اني لكيت طفله بالشارع
بس بنفس الوقت كنت خايف لايجون اهلهه ويكولون الطفله الي عندك هاي بتنه
والله يمكن اكتلهم خلاص على هاي سوايتهم
من عافوهه بالشارع
وكطعت صفنتي سناء......
سناء ....هله بجلال ...الله يساعدك .....
ماحسيت عليك من طبيت للبيت .....
جلال ....طبيت على كيفي كلت خاف دتنيمين مريم ....
سناء ....اي والله جنت داانيمهه بس انت شتعرف ابنك هو يخليهه اتنام
اصلا ميعوفهه ولا دقيقه .....وهي السرسريه اتموت عليه اول متشوفه تضحكله واتريده يلعبهه
جلال .....ههههههههه زين دروحي ارتاحي شويه واليوم لاتسوين عشه ....جبتلكم ويايه كباب مال سوك ....
سناء .....اييييييييه عفيه عاشت ايدك .....
خلصتني من سالفة العشه .....
واجتي شبكتني ...وراحت حظرت الصينيه وطلعت خبز وطرشي وشوية خظره
..واني رحت داابدل ملابسي ....
دخلت للغرفه وشفت وسام يلعب مريم
شكلهم يخبل
بودي اخليهم بين ضلوعي حتى احميهم من كل شر
وسام اول ماشافني جيت عليه بوسني
ومريم هم أول مشافتني ابتسمت
ياربي شلون طفله والله اتربعت بنص
كَلبي .....وبعد ميهلي اعوفهه
صدك حسيتهه وكأنه بنتي
......شلتهه وخليتهه بكاروكهه وجبتهه ويايه حتى نتعشه وابقه اباوع عليهه
اذا مااسوي هيج ....وسام اصلا ميكعد ويانه
إلا وهيه يمه
......بعد ماخلصنه العشه ....وشربت الجاي ابو الهيل
سناء .....عفيه جلال ....خلي باجر اروح لاهلي من زمان مشايفتهم
جلال ....ماشي راح اوديج.....
بس شراح تكليلهم بخصوص مريم ....
وهنا كانت الصاعقه .....
سناء .....فعلا كانت هاي الشغله ابد ماخطرت على بالي
باله احتمال ابويه يتفهم هاي الشغله بس امي شلون اقنعهه
....زين واخواتي شكوللهم..... اخوتي
سناء ...خلي انكلهم اتبنيناهه .....
جلال ....وإذا باجر عكبه ظهروا اهلهه
سناء .....ماكو مشكله اكلهم اهلهه اخذوهه طالبوا بيهه من الملجأ
جلال ...انتي متاكده ....
سناء ....بصراحه جلال .....اني مااريد آفارك هاي الطفله ....لان فعلا عوضتني عن بنتي
الي الله مارادلهه انه اتعيش بحظني
... وجريت نفس طويل بيه حسره ......
سناء ....جلال ...الله يخليك خلي نتبنه هاي الطفله
جلال .....من سمعت كلام سناء صدك فرحت
وحسيت هم وانزاح من على كَلبي
وقررت..... اتبنه هاي الطفله......
وخلي شيصير يصير
وسام ...كنت العب مريم ......وسمعت الحديث الي كان بين امي وابويه بس كلشي ماافتهمت من عدهم
بس افتهمت انه احنه راح انروح لبيت جدي
