#قلوب ثائره
#الجزء الثامن
#بقلمي شمعة امل
وسام .....من حجيت ويه والدي على الي صار ... شويه ارتاحيت
...بقت ردة فعل مريم شلون
وقررت ارجع لحياتي الطبيعيه مثل ماكانت بالسابق
بعد مارجعت من الدوام .....مريت على أسواق قريبه .....ورحت اشتريت شوية حلويات وكرزات ....وشكم نوع عصير
وشكو شوكولاته كاكاو لمريم ....هيه اتموت على الكاكاو .....ردت ابدي وياها صفحه جديده حتى تنسى الي صار ....
خطيه اني متاكد حتى دراستهه هاي الايام هاملتهه .....
اخذت العلاكه ورحت للبيت .....
دخلت وكانت ريحة الدولمه الي مسويتهه زوجة ابويه فد شييييييييي واني كنت حيل متفائل
.....السلام عليكم. .....
امل .....ياهله ....وعليكم السلام. ....
وسام ....ريحة الدولمه شكت خشمي ....
امل ......ههههههههه اي دروح بدل وهسه عشر دقايق وأصب
وسام .....ماشي .....
.....اكلج خاله .....وين مريم ......
امل ....هناك بغرفتهه دتبدل قبلك بدقايق اجتي من الدوام ....ليش ....
وسام ....جبتلهه نساتل وكاكاوات ...كلت خطيه ...اريد اصالحهه ....
امل .....هنيالهه لعد بس لمريم ....لعد اني حصتي وين ...
وسام ....هههههه تتدللين خاله اجيبلج الاسواق كلهه يمج
امل .....ههههههه متقصر...نفس طريقة ابوك من يحجي
....لا عيني اتشاقه ....دروح وديلهياه هسه كملت تبديل حتى اصبلكم غده
....ابوك هم هسه على جيه ....
وسام .....ماشي .....
......ورحت لغرفة مريم .....واتلكاني محمد بالصاله .....
.....هلو حمودي .....
.....محمد .....ايييي اجه وسام .....
واجاني ركض شلته وشبكته .....
....هلو حبيبي شلونك .....
....زين ....هاي شنو بالعلاكه ...جبتلي فد شي ....
وسام ....هااااا ....شوف حمودي ....هو اني جبت فد شياااات هوايه .....
الك و لمريم ....شتكول ....ننطيهياه
وانت هم اخذ الي يعجبك من العلاكه ...زين
....محمد ....ماشي بس هيه راح انطيهه حاجه وحده والباقي الي .....ميخالف
وسام .....هههههههه ولك ابو بطن .....هههههه
....ماشي ...بس خلي ننطيهياه بالاول
...تعال خلي انروح اندك الباب خلي انشوفهه خلصت تبديل
...محمد ....اني اروح قبلك .....
وراح ركض ......وجان يدك الباب مثل الكبار
وهو كصير ودبدوبي ... يخبل ...
....مريم ...سمعت صوت دكه خفيفه وحلوه مال أصابع زغيره
اتوقعته محمد .....
......هاااا حمودي ....تعال افتح الباب
....وفتح الباب واجاني مكيف .....
....مريم ....وسام جابلج فدشيييي
مريم ....اتفاجأت بوسام بره اتذكرت من كان ميقبل على لبسي
همزين كانت هالمره ملابسي زينه ....
على السريع حطيت حجاب براسي ....
....واسمع وسام بره
....وسام ....احم ....احم ......يصير ادخل ....
مريم .....هاااا .....اييي تعال ...
وسام .....احم ....عود مرحبه ....
مريم .....أهلا .....
وسام ......اكدر احجي وياج ....
مريم .....اي ليش لا .....
وسام .....شوفي مااريد تزعلين مني مريم ....
احنه اتربينه سوه ....صح احنه اغراب عن بعضنه
بس كنا على طول واحد يحن على الثاني
وكنتي على طول كل متحتاجيني تلكيني يمج
....شوفي يمكن اني استعجلت من كتلج بهذا السر
..بس صدكيني كان مو بيدي ....
مااعرف شلون طلعت الحجايه من عندي ....
بس حسيت انه ....مااعرف شكلج
المهم اني مااريدج تبقين زعلانه مني ....
اريد نرجع مثل قبل ....مريم اريدج تنسين كل الي صار ....وأريد نرجع نفتح صفحه جديده ...
شكلتي .....
هنا دخل جلال للبيت .....
جلال ..السلام عليكم. ...
امل .....كل الهله ....وعليكم السلام. ...
جلال ...ريحة الدولمه مالتج واصله للشارع ...
امل ...ههههههه أي وسام هم كال هيج
جلال ....شوكت اجه ...وينه ...
امل ....راح لمريم كال اريد احجي وياها
جلال ... شلون ....خاف هذا يحجي شي النوب يخليهه ترجع تتهستر واتصيح مثل هذاك اليوم
يمعوده ليش خليتيه يروحلهه
امل ....هاي شبيك جلال. .....انت متثق بابنك
جلال .....ماسمعت اشكالت امل بعدهه ودااروح لغرفة مريم ....
وجان اشوف وسام ومريم ومحمد طالعين من الغرفه وهمه يضحكون
وسام .....هله شوف منو اجه. همزين .....اجيت كتلنه الجوع ....
جلال ....الله يديم ضحكتكم ....والله شكلكم يفرح
الكَلب
وسام ...اي لعد ليش ميفرح ...واليوم راح انخليك
تفرح كلش من تعزمنه بالمطعم ...
هههههههههه .....صار ....اتدللوا
وكعدوا كلهم اتغدوا وضحكوا وسولفوا ....
ومرت الأيام ..... وصار وقت الامتحانات ....
امتحنت مريم ....وكان وسام رغم أنه يقره بس يساعدهه ويكعد يفهمهه
بعدهه صار وقت امتحانات وسام ....وكان البيت كله متوتر ....لان وسام كان سادس
وكانت مريم تحاول اتوفرله أجواء حلوه
كانت كل اشويه تصعد اتوديله عصير لو فاكهه لو جاي
إلى أن خلص وسام الامتحانات
وصار وقت إعلان نتائجهم
والحمد لله طلعوا اثنينهم ناجحين الله ماضيع تعبهم
بعدين قدمنه لوسام على الكليه
وصار وسام ...طالب جامعي
هنا راح تبدي الاحداث الحقيقيه
يتبع......
هذا الجزء قصير شويه اعرف بس لان اختصرت هوايه من أحداثه
أن شاء الله الجزء القادم احلى وبيه أحداث مشوقه
