#قلوب ثائره
#بقلمي شمعة امل
#الجزء الأول
تبدأ القصه ويه بداية حرب التسعين ومن بدت الأوضاع تسوء في العراق
جلال .....ابو داوود الاوضاع ابد متبشر بخير والناس خايفه من كلشي ..
..كانت شرارات الثوره الشعبانيه باديه ...
ابو داوود ......فعلا اني هسه حتى محلاتي سديتهن وخليت البضاعه كلهه ابيتي لان مااعرف شراح يصير بالايام الجايه
جلال ......والله زين اتسوي والله يمكن اني هم اسد المحل وابقه بالبيت إلى أن تهدأ الأمور
ابو داوود ....لعد امشي خلي انروح للبيت ميصير كل واحد يعوف أهل بيته بهيج ظروف
جلال ....اي هم صح ......لعد يله ....خلي اسد المحل
ابو داوود ......واني هم اترخص .....في أمان الله
جلال .....الله وياك..... محروس
وراح ابو داوود وطفيت الاضويه وسديت باب المحل .....واشوف الشارع شبه مهجور
صعدت بالسياره شغلتهه ......
ومشيت بيهه بحدود 100متر أو أكثر شويه .....
وبعدين.......
اتذكرت ......يمكن اني ناسي اكو فلوس بالقاصه .....شلون دايخ
رجعت بالسياره من جديد للمحل ......
نزلت منهه داافتح القفل واشوف بالكاع طفل متروك .....
ياستار هذا الطفل منين اجه ......كان جدا هادئ ....
بسم الله الرحمن الرحيم. .....
اباوع بالشارع ماكو احد ......شلت الطفل وبدأ يتحرك ... طلع ماميت .....
قربته على ضوء السياره وشفته خطيه مبين هستوه مولود ومكمط كماط خفيف
هاي منو تاركه هنا خطيه الجو كان بارد ....
شفته حس وبدأ يبكي
نزعت سترتي ودفيته بيهه
وخليته بالسياره ورجعت للمحل فتحت القفل
ورحت للخزنه همزين رجعت الخزنه كان بيهه مبلغ جبير .....
اخذت الفلوس وشنو أوراق وشغلات مهمه كلهن اخذتهن ويايه ورجعت قفلت المحل ورحت للسياره ......
اني شغلي ابيع واشتري بالبيوت ....والحمد لله الحاله الماديه ممتازه....
كان الطفل يبجي ....... صدك جذب شنو من اهل هذوله الي يخلفون ويتركون جهالهم بالشارع ....
مااتحمل اسمع صوت طفل يبجي انقهر عليه
شغلت السياره وبديت أسوق بسرعه
وصلت يم ابو أسواق براس الفرع مالتنه اخذت من عنده شغلات للبيت .....واتذكرت الطفل كلت اكيد جوعان .....
فكلت خلي اجيبله حليب مال اطفال وهمزين لكيت عنده ممه زغيره واشتريت شكم حاجه للبيت .....
رجعت للسياره وكان الطفل بعده يبجي بس صوته بدأ ينصه خطيه مدري من البرد مدري من الجوع ....
دقايق وصلت للبيت فتحت باب السياره واخذت الطفل ..
دخلت للبيت .....
جلال .....سناء تعاي وينج .....
سناء .....هااا جلال الحمد لله على السلامه ضل بالي عليك همزين اجيت ....
هاي شنو بيدك ....
جلال .....هاج اخذي من ايدي بين ماادخل السياره واجيب باقي الغراض
سناء ....اوكف فهمني ....هاي شنو .....
.......هذا طفل ....
جلال ...هسه اجي .....
ورحت للسياره فتحت الباب الخارجي ودخلتهه
سناء .....هاي شنو ... اشو هذا عافني وراح .....
شنو هذا الطفل ....اخاف جلال متزوج عليه ....شو خلي اشوف شو هذا ولد بنيه ...
جلال ....هاج سناء .....جبت حليب مال اطفال هاج انطيه خطيه مبين جوعان ...
سناء .....هاي شنو ....اكلك شنو انت متزوج عليه وجايبلي خلفتك وجاي ....
جلال ....اني متزوج عليج.... منو كلج ....
منو مقشمرج بهيج حجي ....
سناء .....محد مقشمرني بس مبين من الطفل الي جبته
جلال ...شوف بالج وين راح ......
يمعوده والله موابني ......
دروحي سوي حليب للطفل وتعاي اسولفلج
سناء ....شتسولف .....السالفه مبينه .....
انت اكيد كنت اتخوني لو متزوج عليه ...اني احسنلي اخذ غراضي واروح لاهلي ....وعود تعال اتفاهم ويه ابويه
جلال ..... يمعوده والله موابني بس دسويله حليب وتعالي افهمج .....
خلي ارتاح بالاول لان كلش تعبان.....
وبالكوه قنعتهه انه تبقه وهذا الطفل مو ابني ومااعرفه حتى مااعرف ولد لو ابنيه
سناء ....اي عيني حقك ....امري إلى الله خلي اسويله حليب واجي
وراحت سناء اتسويله حليب للطفل ....
اجتي وشربته حليب وكان كلش جوعان وبردان .....
جلال ....شفت وجه الطفل بالضوء ....فدوه لالله شلون حلو صدك رف كَلبي عليه ....
حتى سناء ....من خلته بحظنهه ..وشافته شلون ارتاح وشرب الحليب ونام ....
سولفتلهه وين لكيته وليش رجعت للمحل
سناء .. وهسه اتريد اصدك كلامك ...
جلال ....روحي جيبي قرأن احلفلج عليه
وفعلا جابت قرأن وحلفتني يله ارتاحت
سناء ...وتالي هسه اشلون ..
جلال يعني شنو شلون ....اكلج لعد خومو اعوف الطفل بالشارع بهذا البرد وهو مبين هستوه مولود ....والله حرام
سناء ...الله لايوفقهه لامه شلون اتعوف ضناها بالشارع واكو ناس كاتله نفسهه حتى اتشوف أضفر طفل والله ميرزقهم
اذا انتوا متردون جهالكم ليش اتخلفوهم وتذبوهم بالشارع على الأقل انطوهم للناس المحرومه خلي ايربوهم
جلال .....منعرف ظرفهم شنو ....
اكلج هو ولد بنيه ....
وجان تطفه الكهرباء. .....
سناء .....هاي خوش . هسه اشلون اوصل للمطبخ حتى اجيب شموع
جلال ....اوكفي اني رايح انتي ضلي شايله الطفل خطيه هستوه نام
جلال .....ورحت للمطبخ شعلت شكم شمعه ووزعتهن بالبيت
شويه ورحنه نمنه
سناء ...اكلك شلون راح تعرف منو أهل الطفل
جلال ....هاي العلم يم الله خلي باجر من اروح للمحل اشوف بلكي يجي أحد من أهله
سناء .. إن شاء الله. .. خطيه كسر كَلبي
وكامت تبجي .....
جلال ......ليش تبجين ....
سناء ......اتذكرت بتنه الي ماتت قبل شهرين مالحكت اشبع منهه
جلال ....الله يرحمهه .....هاي راحت طير سناء. ....لاتبجين عليهه ......خطيه لو باقيه عايشه الله أعلم شكد كان اتعذبت وهيه كان عدهه فتحه بالقلب
سناء ....تحجي عليه ...
.......ودموعك هاي شنو .....
اتسوي نفسك مامقهور عليهه ......
جلال .. شلون مانقهر سناء .. صدك تحجين انتي لعد هيه مو بنتي ....بس منكدر نعترض على أمر الله هو ماراد هاي الطفله تبقه تتعب بحياتهه اللهم لااعتراض على حكمك
دنامي هسه والصبح الله كريم بلكي نعرف منو أهل الطفل
تصبحين على خير ....
وانت من اهل الخير. .....
ونص الليل وسمعنه طلقات وقصف وكلش خفنه وبس كاعدين وندعي الله يعدي الليله على خير .
..مدري شلون نمنه ......وكعدنه الصبح متأخرين
..........صباح الخير
يتبع .......
ملاحظه ...الكتابه مراح اتكون بشكل يومي
حسب اوقات الفراغ
ارجو متابعة الحساب فضلا وليس امرا
