#قلوب ثائره
#الجزء السابع
#بقلمي شمعة امل
جلال .....دخلت للبيت وسمعت وسام شكال لمريم وعرفت سبب الخلاف
كانت امل هم متفاجئه بهالكلام
مرت سنوات هوايه وكانت حياتنه حلوه
واني حتى نسيت هذا السر ......
مونسيت .....بس اتناسيت .....مااعاريتله اهميه
كلت يجي يوم واكوللهه بهذا السر
بس........ متوقعت هسه .....
........مريم بعدهه زغيره ....
ومااعرف شلون راح اتكون ردت فعلهه من تعرف فخليتهه للزمن
وحتى امل خفت اكوللهه بهذا السر
اخاف متتقبل مريم ومتقبل اتربيهه مثل ولدي
جلال ... تعالوا هسه لازم نحجي
مريم ......بابا شفت وسام شكال .....
....تقبل على كلامه .....
جلال ... اباوع لوسام ......مااعرف شلون اكدر اوصف حالته
.....هو صار شاب ....وكنت على طول احسه يهتم بمريم ومسؤول عنهه ..... ويراقبهه ويحاسبهه على تصرفاتهه أكثر مني .....
بس متوقعت انه هو الي راح يكشف هذا السر بيوم من الايام ....
مريم .....بابا ليش ساكت ...انت قابل على كلام وسام ....
جلال .....ورجعتني مريم من صفنتي ....
......بنتي مريم ......
.......الي كاله وسام صح .......
....انتي مواخته ......ولا انتي بنتي .....
ولا ام وسام اتصير امج .....وتعرفين امل هم موامج .....
مريم .....يعني شنو مفتهمت .....
جلال ......بنتي ......اني لكيتج اباب المكتب مالتي ......
.....وسولفتلهه على كل الي صار بالتفصيل
حتى من وديتهه للملجأ وشلون رجعتهه
......الصدمه كانت جبيره كلش عليهه بحيث انتبهت عليهه مانطقت ولا كلمه .....ولاحتى قاطعتني بسؤال .....
وبس الدموع تجري عشره عشره .....
أما وسام ....ف اصلا كان داير وجهه .....كانت ملامح وجهه جامده
حسيت العبره خنكته .....
وبسرعه طلع من البيت حتى ماقبل يجاوبني وين رايح ....
أما مريم .......
مريم .......لامستحيل هذا الحجي ......
يعني كل هاي السنين وانتوا تكذبون عليه ....
....يعني اني بنت شوارع .....
....زين هيج كرهوني اهلي .....وذبوني بالشارع .....
وصارت عصبيه كلش ...بحيث اتهسترت
ملخت نفسهه ولطمت على وجهه
وبدت اتكسر بالتحفيات الي بالصاله .....
حاولنه انهديهه اني وامل .....صارت قوتهه موقوة طفله ....وكأنه قوة امرأه كبيره
دخلناها لغرفتهه ...
لان محمد هم كام يبجي ....ميفتهم شنو الموضوع
......وهي لزمت كتبهه شككتهن كسرت المرايه الي بغرفتهه ....
صدك فقدت ....
بس امل كالتلي اطلع عوفهه اني اهديهه ....
...وفعلا ضلت وياها ....وهيه يمكن بعد ساعتين يله هدأت .....
طلعت امل من غرفة مريم ......
جلال ......هااا امل .....شو صارت صنطه
امل .....اسكت بالكوه خليتهه تهدأ .....
ومن البجي ضلت شابكتني إلى أن نامت
جلال .....لا حول ولا قوة الا بالله العلي العظيم .....الله يساعدهه
الي عرفته موسهل عليهه تتقبله ....
ولايكدر عقلهه يشيله بسهوله
