#قلوب ثائره
#بقلمي شمعة امل
#الجزء الثاني
جلال ... نسيت اعرفكم على عائلتي
....اسمي جلال ....اشتغل بمحل لبيع وشراء العقارات.
خريج اداره واقتصاد... ساكن في بغداد شارع فلسطين
متزوج .....زوجتي اسمهه سناء ....
..رجعتي للمحل اكيد بيهه صالح
لو مااني كنت ناسي الفلوس بالخزنه
مارجعت للمحل ولكيت هالمسكينه
شنو من اهل هذوله الي يخلفون ويذبون ضناهم بالشارع
بنتي صارلهه أكثر من شهرين من اتوفت
شفتهه فترة قليله لان أغلب وقتي بالمحل ومن ارجع للبيت الكاها نايمه ...
بس لحد الآن كَلبي ممرود عليهه
كان عدهه فتحه بالقلب شكد حاولوا وياها الأطباء ....بس...... الله ماراد هاي الطفله اتعيش
واليوم من رجعت للمحل وشفت هاي الطفله ذابيهه بالشارع ...
من شلتهه بين ايديه اتذكرت بنتي الله يرحمهه حرام اعوفهه بالشارع فقررت اخذهه ويايه للبيت
سناء ... جلال فاجأني بهاي الطفله شكيت بيه متزوج عليه وهاي بنته
بس هو حلفلي انه مو بنته
وادري بيه ميسويهه اني واثقه منه
من جابلي هاي الطفله رجعتلي كل الذكريات
شلون جنت اسهر ويه بنتي الي الله مرادهه تكبر كدام عيني واشوفهه عروس
اخذهه مني من وكت...... اللهم لا اعتراض
الله رزقني بيهه بعد ماطرحت مرتين يله اجتني البنيه وبعدين الله اخذ أمانته
.........بس اني كل يوم انام ودموعي تنزل عليهه
لحد الآن مانسيتهه ....
انقهرت على البنيه شنو من اهل هذوله الي عافوهه بالشارع حتى تموت ويخلصون منهه
........سويتلهه مميه شربتهه ونامت وبدلتلهه ملابسهه خطيه لكيتهه مزركه وترجف من البرد مبينه هستوهه جايبتهه امهه
همزين ملابس بنتي الله يرحمهه ماذبيتهن
كَلبي مانطاني
..........كل يوم اطلعهن و اشمهن واملي عيني منهن وارجعهن بسكوت من جلال
هو ميقبل بس اني كتله الهدوم نطيتهن
كذبت عليه
.....من داابدل للطفله .....لكيت ويه القماط
حاطين مداليه هيه وزنجيلهه من الفضه مكتوب عليهه اسم مريم وياها ام 7 عيون زغيره
حتى شريط القماط كان مكتوب عليه اسم مريم
شوفتهه لجلال بالليل من داابدل للطفله وشلتهن وظميتهن إلى أن نعرف أهل هاي الطفله منو
الصبح كعدنه متاخرين وتفكيرنه كلش تعبان بسبب هاي الطفله واتذكرنه بتنه إلى راحت
جنهه طير
دااحظر بالريوك
واسمع ....
ماما بابا ...الحكوا ....
...... وطفرنه اثنيناتنه ......
شنو شكو .....
بابا تعال شوف شلكيت .....
وينج ماما تعالي .....
وسام ...... اسمي وسام .....كان عمري في ذلك الوقت 5 سنوات
........كعدت ورحت للغرفه مالت اهلي شفتهم مامتواجدين بالغرفه ... ..بس......
......... كان اكو شي ديتحرك بنص فراش اهلي .....
بالاول خفت اتقرب ....وبعدين سمعت صوت
شويه. شويه .... اتقربت ......وجان اشوف طفل على فراش اهلي ...
وبديت اصيح .....
