#قلوب ثائره
#الجزء الرابع
#بقلمي شمعة امل
سناء .....متحملت ابقه لميت غراضي واخذت وسام ورحت لاهلي
كلام امي صحيح ...هو لو يحبني ميفضل هاي الطفله عليه وجان من اول مااكله يوديهه للملجأ
شكو هيج مجلب بيهه وهيه لا من دمه ولا من لحمه ...
ام ضياء .....يمه موكتلج من البدايه انتي مااقتنعتي بكلامي ....
.....انتي هم على شنو جنتي كاتله نفسج على البنيه وهيه مو بنتج
سناء ....يوم شسوي لعد ....غير جنت اكول خطيه ...
ام ضياء ...افتهمنه خطيه ...داريهه يوم ....يومي .....شهر ...شهرين ...مو تبقين العمر كله اتدارين طفله مو بنتج
سناء ....يوم كافي اتلومين بيه ...
..بعد اني ربيتهه فتره وهسه كتله لجلال لو أني وجهالك لو هاي البنيه
وسام .....ماما ليش هيج سويتي .....اريد اروح لبابا ليش عفتي مريم موخطيه
يحجي ويبجي .....
ام ضياء ......بيبي لاتبجي هسه شويه ويجي جدك يطلعك وياه
وسام ....ما ما معليه اريد ارجع لبابا ومريم
...انتي متحبينه ولااتحبين اختي مريم ..
ام ضياء ....انجب ولك .....وبعد لاتجيب طاري مريم
هاي مواختك ...ابوك لكاهه بالشارع وجابهه
وسام ....انصدمت من الي سمعته ...والتفتت لامي ....
ماما صدك الي تحجيه بيبي ....ماما ليش متحجين ....
ماما جاوبيني ......بيبي انتي جذابه اني بعد مااحبج
ام ضياء ....انجب لك طاحظ تربيتك
سناء .....بس بعد مااتحمل ....وسام هاي مواختك ابوك صدك لكاها بالشارع واحنه ربيناهه
احنه معلينه بيهه بعد ....
.وسام ......بصياح .....انتوا جذابين بعد مااحبكم ....اروح اعيش ويه ابويه ومريم ...
سناء ....ولك لاتجيب طاري مريم ولزمته وكتلته ....
جان يطب ابو ضياء ركض للبيت
ابو ضياء ....رجعت للبيت من المحل .....واسمع صوت صياح بالبيت ....طبيت ركض اريد اعرف شكو ...
واشوف سناء لازمه وسام وتكتل بيه .....رحت ركض جريته من ايديهه
ابو ضياء ......ولج سناء ... شبيج اتخبلتي ....
ليش هيج تكتليه للطفل ....
وجره من ايديهه لحظنه ......انكسرت ايدج ......هو شسوالج .....ولج هذا طفل ....
ام ضياء .....أحسن خلي اتأدبه ...مامتربي زين .....
وسام .....جدو .....بيبي وامي يكولون مريم مواختي وبابا لكاها بالشارع ....تقبل هيج يحجون ...
ابو ضياء ......هاي شنو هالجي النوب .......
......سناء وين رجلج شكو شصاير .....ليش هيج تكلين لابنج
وانتي ام ضياء .....شلون تحجين هيج كدام الولد
....وهاي شنو الجنط منو مسافر ....
سناء ....بابا محد مسافر اني اجيت زعلانه
ابو ضياء. ....ليش شكو ياستار ......شنو صار ...
ام ضياء ....شنو الي صار غير بنتك اتدور راحتهه ابيتهه ورجلهه يريدهه خدامه لبنيه منعرف اصلهه وفصلهه شنو منين مامنين
ابو ضياء .......بس...... شنو هالحجي انتي شدتخربطين
ام ضياء .......ليش اني كلت شي غلط ......
ابو ضياء ..... انتي اصلا كلج غلط واني متأكد انتي رأس البله
ام ضياء .......واني شعليه فوك مدااوعيهه لبنتك
ابو ضياء .....اتوعيهه لو تخربين حياتهه ....
