هي:pass..passe..وا بنادم مالك عور
هو: بشوية علينا اسونا
سونا: سكت سكت ونتا حول فعينيك ورجليك
هو: نوووورااااشدي ختك قبل لندخل فيها بطيط
نورا: بيناتكم الخاوا لوصلتي لوذنك غير عضها
هو: تحاميتو اللفعات
سونا: حمزة دور قبل منفوت فخويا شي ضربة
حمزة: مقبولة منك الزين
سونا: خوي خلينا نكملو الماتش..عليلو كمل اعشيري
علي: حمزة الرجولة خوي خلينا نكملو اللعب
نورا: كملو الدراري انا وسونا جانا بريكول..(جرات ختها ودخلت لواحد دار شعبية فواحد الدرب)
سونا: اش كاين تما
نورا: المرض شتك نسيتي علاش جينا
سونا: لا ولكن باقي الحال نقصر مع الدراري شوية ومن بعد نخرجو لروبوان الكبيرة ونوقفو حدا الفروج لي حدا القهوة اوكي
نورا: اوكي والورد خوديه من عند مرياما
سونا: اوكي بب متخافيش(دخلات كل وحدة فيهم بدلات حوايجها وخرجات شافو فبعضياتهم وتشتو بالضحك)
نورا: اش هاد الحالة(كانت سونا لابسا صاية فالصفر مشعشع قصيرة وتحتها كولون غوز لاصق ولفوق تريكو ديال الصوف خضر و معاه زيف حمر لاوياه على راسها)
سونا: حوايج الخدمة(غمزاتها وخرجت اما نورا كانت لابسا سروال بيض وقميجة ديال التجين مبوكليا شعرها خرجت تبعت ختها دخلت لقهوة دوموندات وبقات حاضياها فحين سونا خدات الورد من عند مريم ومشات لفوروج وقفات فيه متحركاتش من بلاصتها تشافت واحد رونج كحلة قنات على الماطريكيل ومشات ليها كدق فالزاج)
سونا: خويا..خويا عفااك الله يرحم بها الوااالدين شري من عندي وريدة الله يسهل عليك(بقات كطلب فيه وهو ممركزش معاها عينيه عليها وعقلو فحاجة اخرى تسمع الكلاكسون عاد تحرك ديمارا وخلا غير العجاج وراه غير مشا سونا غمزات نورا وشدو الطريق لدارهم الدرب كلو تكرشخ بالضحك عليها وبطريقة لبسها حيت اول مرة يشوفوها بداك الشكل)
##فبلاصة ثانية وبالضبط فقصر سقراط
هو: دادا فين ليث
دادا: ولدي اسد على السلامة ايمتا جيتي
اسد: غير هاذ الصباح فين ليث
دادا: راه فبيتو (باس ليها راسها وطلع لعند خوه)
اسد: العشير واش هاذا وقت النعاس راه 12 هاذي
ليث: سير بدل ساعة باخرى راه ممساليش ليك
اسد: ونتا بات ت*** وصبح خامر نوض(متسوقش ليه)
ليث: ااااه الله ينعل ***** مالك على الصباح تفوو شوف حالتي دبا
اسد(هاز فايدو كاس الما): توكض معانا
ليث: نطق اش باغي وخرج
اسد: لقيتها
ليث: شكون هاذي
اسد: البنت لي غتفك لينا المشكل عرفتي راه فوطو كوبي منها
ليث(تهز من بلاصتو): بصح
اسد: غير وكان محاش تبغي
ليث: غير خلي ديك المسألة عليا
اسد: عرفتي فين شفتها(بقا ليث ساكت زعما كمل) فالفوروج كتبيع الورد وكانت لابسا شي لبس شديت راسي بزز باش منضحكش
ليث: خاصنا نقلبو على هاذ البنت وشوف لينا نتا شي وحدة تكلف بيها(غمزو)
اسد: مم خاصني شي وحدة متكونش كتعرفنا
ليث: صافي انا غنتكلف ونتا قلب على البنت..ها تعامل مزيان راه عارف ايدك سابقاك
اسد(دوز ايدو على شعرو وضحك): نوض نوض بدل حالتك راك غتمرض(خرج كيضحك على حالة خوه)
____نعرفكم بأبطالنا____
ليث سقراط : اقل مايقال عنه وسيم اححح التيتيز اللحية مطراسية والعضلات ههه المهم توتوز25سنة مغيار وحاجتو ميقرب ليها تاحد عصبي عنيف جدي بزاف خدام فالمخابرات المغربية ومدرق على خدمتو برئاسة شركات جدو هو وخوه اسد..
اسد سقراط: لا يقل وسامة عن اخيه كلشي فيه زوين عصبي بزاف وايدو سابقاه مغياااار ومتسرع خدام مع خوه وبهادشي كنقصد الشركة و المخابرات عندو 24 عام..
_____نرجعو للقصة___
دازت يوماين والبنات لا حس ولا خبر وخوتنا كل ساعة تلقاهم فداك الفوروج عياو مايقلبو عليهم حتال داك النهار..البنات باقين ناعسين مخشيين فبعضياتهم تسمعو صوت الدقان مجهد فالباب...
نورا: المرض على الصباح اش واقع(ناضت غسلات وجهها كانت لابسا بيجامة قصيرة هزات بينوار لبساتو وحلات الباب)
نورا: مالنا على دقان البوليس كتسالونا الما مع الضو ولا شنو
هو: نورا ادريس هادي
نورا: وي انا ونتا شكون
هو: ممكن ندخلو ونتفاهمو
نورا: وشكون نتا تانخليك دخل(دفعها ودخل)
هو: بغيت ندوي معاكم
نورا: وشكون حنا
هو: نتي وخيالك
نورا: حامض
هو: عيطي لسونا وبركي باغيكم فشي حاجة
نورا: احم سونا مكيناش
سونا(من وراها): اححح هاذ التيتيز كلو عندنا فالدار
نورا: تف تف منين خرجتي
هو: نتي سونا
سونا: لا خيالها(رجعات ليه القمعة)
هو: بركي نتي علاش جاي
سونا: غنخسر عليك زوج كلمات(كدير ليه بصبعانها)
هو: اما هوما
سونا: خرج قود(حلات ليه الباب ناض بلاهلايطريه ليه خرج معصب تحكم فراسو بزز ولكن سونا فمها كياكلها دارت لنورا) الكلبة شتك تخلي لي يسوا و لي مايسوا يدخل علينا بانت ليك عندنا دار ال**** هنا (محسات تعواج ليها حنكها)
نورا: جمع ايدك الزامل اش كتصحاب راسك
هو(كرز ليها على فمها): انا اسد سقراط تجي برهوشات ديال الخلا يحلو قوادسهم عليا
نورا: اسد ولا سبع كتبقا حيوان (دارت عند ختها لقاتها مغيبة) سونا حبيبا فيقي(دارت عندو عينيها حمرين) الا طرات لختي شي حاجة نقتلك(هزات ليها راسها وهي تلقا الدم) 😭😭 ناري الدم الله على ختي الله (حطات راس ختها للارض وشنقات عليه)
اش كتسنا هزها نديوها لشي سبيطار(هزها اسد وهو تالف واخا عصباتو مكانش عليه يضربها حطها فرونج ديالو وطلعات معاه نورا شافوهم ولاد الدرب ومشاو يوصلوها لصحاب الحسنة)
##بعد ساعة فالسبيطار
ليث: شنو واقع مالك
اسد: احم دبا انا مشيت عند..عند البنات وو..
ليث: وشنو نطق
اسد: احم ..احم
ليث: نطق اتبي مالك كتفتف
اسد: اوووف دبا تناقشت مع سونا وضربتها وو راها ناعسا لداخل
ليث: فاااك وهادشي غير وصيتك متحطش عليها ايدك..شنو قال الطبيب
اسد: خاصها الراحة الضربة جاتها فراسها حيت ملي صرفقتها طاحت وضربت ودبا راه كاينا معاها ختها ديك نورا
ليث: غندخل عندها نحاول نصلح الموقف..احم السلام عليكم
نورا: وعليكم السلام
سونا(لي فاقت وتقادت فبلاصتها): بغيت غير نعرف من أين تبعثون اش باغين عندنا
ليث: قبيحة مع راسك بغيناك غير فواحد الموضوع
نورا: وشنو هوا
اسد: دخلي سوق راسك
سونا(هزات عينيها فيهم وهي تحل فمها): اش جابكم نتوما هنا
اسد: الله يستر
نورا: علي حمزة اش كديرو هنا
حمزة: الحب ديالي مريض ومنجيش نشوفو(قرب من سونا ياله غيحط ايدو على وجهها شدات ليه صبعو الوصطاني رجعاتو ليه لور)ااي طلقي المصعورة
سونا: المصعورة هي مك لي ولداتك ومعرفات تربيك تمد ايديك عليا شايطا انا ولا شايطا
علي: سونا طلقيه غتهرسي ليه صبعو
سونا: على وجه عليلو طلقتك ياله حسب خطاويك
حمزة: هانيا الزين مقبولة منك دوري تاتعياي وهاد ميخيات لي مدورا بيك ياخدو مصلاحتهم ويسوسوك وترجعي عندي
نورا: حمزة بدل ساعة باخرى علي عفاك خرجو تال الليل ونديو
علي: اوكي تهلاي فختك وردو البال لراسكم
سونا: تهلا فراسك(غمزاتو خرج وسد الباب)
اسد: لساليتو ممكن ندويو
سونا: خرج برا باغا نعس
ليث: نقدرو ندويو بعدا
سونا خسرات عليهم حركة وحدة دورات ايدها لصونيط ديال الفرمليات وركات عليه ودخلت عندها وحدة فيهم
الممرضة: مسيو ليث المريضة خاصها ترتاح يمكن ليكم ترجعو عندها من بعد
ليث: مم واخا ماشي مشكل..ونتي اآنسة يمكن معندكش مانع الى تكلمنا شي شوية
نورا: اوكي(قادات ختها هزات تيلي ديالها وقربات لختها تيلي لاخر ونزلات معاهم)اوا شنو بغيتو
اسد: نزلو لكافي وندويو....المهم حنا بغينا ختك تخدم معانا
نورا: وفاش بالسلامة (شهقت وحطت ايدها على فمها) ياكما فالمافيا ولا كتاجرو ببنادم ناري والله هاديك تاتفرشكم عند البوليس ختي وانا عارفاها (سكتات شوية كتشوف فيهم مصدومين) اجي عنداكم تكونو باغينها فالدعارة هاديك ذرة الأنوثة متكسابها الكليان يجريو عليها ولا عنداكم تكونو باغينها تخدم فالديور..لا اسيدي ياكما تصحابونا كنسعاو راه حنا قرينا ونقدرو نشدو بوصط فأحسن شركة
ليث: مكتسكتيش زدتي فيه
اسد: راه قلت ليك فليفلة
نورا: عطيني المفيد
ليث: بغيناها تمثل دور واحد البنت
نورا: هههههههه لا بزاف واش من نيتك
اسد: خمسة المليون دولار مقابل شهر من حياتكم غدوزوه فقصرنا
نورا: اوكي موافقا
اسد:وااو بهاذ السهولة وختك
نورا: انا نقنعها اوكي
اسد: اوكي..ليث مالك مبرزط
ليث: معرفتش تيلي ديالي فين درتو
نورا: يمكن نسيتيه فالشومبر(رجعو طلعو كاملين عندها لقاوها ناعسا ليث سهى فيها)
نورا: وااا العمالة هز التيلي ديالك ودg
ليث(دار ابتسامة جانبية وخرج تبعو اسد ركبو وديماراو)
نورا: اوكي غنشوفو اش غديرو وفشنو بغيتونا (دوزات ابيل)
هو: زين صافا
نورا: الحمد الله
هو: شنو الجديد
نورا: احم..سونا ناعسا فالكلينيك
هو: كيفاش مالها شنو طرا ليها
نورا: بشوية عليك دبا بيخير راه واحد من دوك الحيوانات ضربها
هو: اووف خلعتيني راه علمتكم قبل بلي راهم قباح وخطر عليكم تخدمو معاهم
نورا:كلشي من سين راك عارفها اش كتسوا مبغاتش وحلفات تاتعرف اش تحت راسهم غانتسناها تاتفيق ونحاول نقنعها
هو: ردو البال لريوسكم وانا ديما وراكم
نورا: عارفا تهلا(قطعات ونزلات تغدا داز الوقت وفاقت سونا)
Vot+Com...pliiiz😍
