تفرع الباب ودخل منو واحد الغول طول وعرض وفيه ضربة فوجهو شادا النص كامل باينا فيه صاعر..
ليث: شكون نتا
هو: نتوما لي ضربتو ولاد حومتي
نورا: العار اخويا لما بدل ساعا باخرى راك عارفها لا نزلات اش غدير
اسد: شتك هاجم على دار فيها البنات عاين باين السيبة ولا
نورا: الميما لما سكتو ونتا اخويا سير فحالك
هو: نورا زمي فمك ولا نشرط لختي داك الوجه لي فرحانة بيه(ياله الدراري غيقلبوها مضاربة)
سونا:زيزوااار
زيزوار: اا..عبق
سونا: اش كدير تما
زيزوار: عبق لاباس عليك هانيا نتي بعدا
سونا: مزيان صافا قصر قول اش عندك
زيزوار: تواضعي معانا ونزلي اش كديري تما
سونا: كندوش
زيزوار: نطلع ندوز ليك على ظهرك
سونا: مرحبا لبغيتي طلع زيزوار و تنزل زبيدة ماشي مشكل😉
زيزوار(بلع ريقو حيت عارفها ديرها): احم المهم جيت نفضي حسابي مع هاذ ميخيات
اسد: حتارم راسك اسي
زيزوار: مالك اتبي فرعتي ليا ك**
سونا: زيزوااار قود عليا والخبار ليوم تلقاها فراس الشيطان
زيزوار(غير سمع الشيطان قرب يطلقها فحوايجو): السموحات والله منعاود راه غير حمزة
سونا: مالو حمزة هاداك تاهوا نضرب ليه حساب ههه سميتو مبرية منو التاء فالاخر اصاحبي ياله حسب خطاويك وهادو ضيافي يقرب ليهم شي حد(دوزت صبعها على عنقها) راك عارف(غير كملت هضرتها زيزوار غبر متلابان)
سونا: هانا نزلت اش باغين مني
اسد: كنظن خبراتك ختك
سونا(قاطعاتو): ولكن انا..
ليث(قاطعها): سمعي انا غنجيك من الاخر ديك البنت هي بنت عمي وحنا كنا كنقلبو عليها فغيمون لقيناها ولكن دارت اكسيدون فبلجيكا وهي دبا كوما واليديها معارفينش اش طاري ليها حيت على اساس هي كتقرا داخلي متقدرش تواصل معاهم وحنا بغيناك نتي ديري راسك هيا قدام عائلتي وجدي حيت هو مريض وعلى فراش الموت وهاذي أمنيتو ومنقدرش نحرمو منها
سونا(كارزا على ايدها): شنو يضمن ليا مغتأدينيش
ليث: وعد الحر دين عليه
اسد: كيف قلت ليكم غنعطيكم الفلوس لي بغيتو مقابل مديرو تاشي خطأ
نورا: ان موافقة
سونا: عندي شروط
اسد: شناهوما
سونا: انا غنحاول مندير حتا شي خطأ ولكن منبغيكمش دخلو ليا فحياتي الشخصية وتبداو تحكمو فيها اوكي
اسد: اوكي
ليث: منضمنش
سونا: هاديك اولا وتانيا غتجمع ايدك ولا غنهرسها لخويا
اسد: شنووو
سونا: راك باقي مكتعرفنيش مزيان راه نتا وياه نطويكم على زوج
ليث: هه وكيفاش غديري ليها
نورا: نوضو نوريكم واحد الحاجة باش تعرفو ريوسكم معامن(دخلاتهم لواحد البيت كلو ماصطرات ديال الخشب عامر جوائز وميداليات كؤوس وشواهد تقديرية) ههه فهمتو دبا راه ديرها وتفوتها لهيه
اسد: معندنا ميتسالك نقصتي علينا مهمة تدريبك
سونا: علاش غتحتاجو دربوني
ليث: حنا عندنا اعدائنا ونخاف يأذيوك على اساس نتي هي نور سين بنت عمي(نورا بدات كضحك)
اسد: مالك نتي
سونا: مديش عليها راه غير حيت تاأنا سميتي نور سين
الدراري: بصح
سونا: وي والله..المهم ايمتا غنبداو
ليث: نعتابر هاذي موافقة
سونا: بالطبع
ليث: خاصك مدة باش تكوني واجدا
اسد: زعما شحال ديال الوقت باش ترجعي راسك نور سين سقراط
ليث: نور بنت زوينة وضريفة كتعامل بلباقة كتحتارم كلشي حاجتها ماشي ديالها حشومية وكتصنت للهضرة مثقفة وكدوي بعدة لغات المهم هي متميزة هادا ملف فيه تصاورها واي حاجة كتعلق بيها وهادا ملف فيه معلومات على عائلتنا..
سونا: اوكي مفاهمين غنقرا هادشي ونجاوبك ليوم فالليل
ليث: نتمنى فهاد المدة..
نورا: نكونو اصدقاء(الدراري ضحكو على عفويتها)
سونا: بلاتي واش عائلتك عارفينك لقيتيني..احم زعما لقيتي نور سين
ليث: لا باقي غير هوما لي طلبوني نقلب عليها ملي توجدي راسك ديك الساعة غنعلمهم..المهم دبا حاولي تقمصي شخصيتها ودبا نخليوكم
نورا: بركو تغداو معانا
اسد: عندنا شي خدمة خاصنا نكملوها
سونا: بون شونص (ودعوهم وخرجو الدراري)
نورا: زعما كلامهم يكون بصح نتي بنت عمهم
سونا: من ديما كنحس ببابا مخبي عليا شي حاجة وملي كنسولو على عائلتو(سمعو صوت تيلي)ههه منين جاك هاد الصونيت
نورا: هههههه لا ماشي ديالي..شوفي غيكون ديال شي واحد فيهم نجاوب انا ولا نتي شكون غيكون اياد
سونا: ديري سبيكر..
اياد: ليث عتق راه جدي طاح تاني سمعني راه ديناه لكلينيك****** جي دبا راه بغا يشوفك الو..الو ليث
(قطعت عليه نورا وتلفتات فسونا ليكانت علاين طيح)
نورا: سونا تكالماي
سونا: جدي خاصني نمشي دبا
نورا: واش تصطيتي راه ليث واسد غيكونو تما
سونا: مكيهمنيش ياله تحركي ولا عرفتي شنو انا غنمشي بوحدي
نورا: اوكي لي بان ليك(طلعات سونا لبيتها قادات وراقيها الباسبور ديالها والكارط كلشي دوشات بدلات حوايجها ونزلات هزات تيلي ديالليث ومشات لكلينيك سولات على الجناح لي كاين فيه جدها بركات فقنت بعيدعليهم بدات كتقرا فدوك الملفات واخا هيا عارفا كل واحد فيهم شكون وشنو دورو وهي متحتاجش تتقمص شخصية نور سين الى كانت هي نور سين..
____نعرفكم على بطلات حكايتنا_____
نور سين بناني: هادا الاسم لي عاشت بيه مدة 18 سنة بنت كيف قال ليث متخلقة ومثقفة وجميع الصفات الحسنة فيها ولكن عندها ديفو واحد قبيحة هادشي مجاش من فراغ وانما بسباب التربية لي تلقات والخدمة لي خدمات بطلتنا عميلة سرية فواحد المنظمة بالنسبة لواليديها هوما عارفينها فاش خدامة ودبا كيصحابوها خارجة فمهمة هي ذكية بزاف وقدرات تقنع ليث واسد بلي هي بنت من عائلة بعيده عليهم..هي عارفهم عائلتها و لكن عارفا بلي كاينا تما مشكله كبيره و قديمه...ما بغاتش تدخل بهويتها الحقيقيه تا تعرف اش تحت راسهم و حيت هي تتبغي المغامره قررات تمثل عليهم بلي هي بنت اخرى و غي. غتنتاحل هويتها..
نور الهدى بناني: والمعروفة بنورا 19 سنة خداما مع نور سين وكتقرا الطب عندها العام الثاني..مبدعة فالتخصص ديالها ضحوكية ونشيطية معزيزش عليها المتكبرين متواضعا بزاف..هي اخت بطلتنا بالتبني عتقها اب نور سين من واحد الحادث كان فالجبل ومن تم وهي بنتو مكيفرقش بينها وبين نور سين..
__نرجعو لعند نور سين لي باقا كتسناهم يخرجو من عند جدها حتا لمحاتهم كيدويو مع الطبيب ومن بعد نزلو كاملين يمكن غادين يتغداو بتاسمت باستهزاء كيفاش خلاوه بوحدو..مشات لغرفة دخلت بان ليها راجل كبير يمكن تكون عندو ديك 65 ولا70 دايرين ليه التيوات والخيوطة والالات دايرين بيه جرات كرسي وبركات حدا راسو باست ليه ايدو وبقات شداها وكتفكر فشنو السبب لي خلا واليديها يبعدو على عائلتهم او بالاحرى يبدلو نسبهم شنو لي يقدر يكون وقع فالماضي وخلاها تعيش محرومة من حنان الجد بقات افكار ديها وافكار تجيبها وهي كتأسف على حالة جدها محساتش تانزلو دموعها فطبيعتها قلبها هشيش فبحال هاد المواقف وبسهولة كتبكي حطات راسها على ايدو...تاتحطات ايد على كتفها هزات راسها وعينيها منفوخين..
هو: شكون نتي
سونا: اا..(دخلو كاملين)
مرا كبيرة: شكون نتي ابنتي
راجل: منين دخلتي
هو: اش كديري هنا(دخل اسد وليث)
ليث: نور سين شنو كديري هنا
اسد: ايمتا جيتي
سونا: احم دبا فاش نتا كنتي معايا فالمطار نسيتي عندي تيلي ديالك وإياد صونا ليك وعرفت بلي جدي هنا داكشي علاش جيت(كتمسح دموعها بايد وحدة والايد التانية باقا شادا بيها ايد جدها)
هو/اياد: علاش نتي لي جاوبتي فتيلي قبيلا
سونا: وي انا
اياد: وشكون نتي
سونا: نور سين سقراط بنت عمك
المرا: شنو كي..كيفاش
ليث: احم جدا هادي هيا بنت عمي يوسف
المرا: الله على حفيدتي
سونا(الدموع مبغاوش يحبسو): ههه مدام..هه احم جدا(بغات تعنقها ولكن شي حد حبسها تلفتات وشهقت)..جج..جدي فقتي(تحنات عندو وبدات كتقلب فيه بلهفة
ليث: جدي على سلامتك
اياد: انا غنعيط لطبيب
