داكشي لي دار قاد حالتو وخرج مديتهاش فيه هزيت تيلي ديالي كنقلب فيه على جديد الاخبار تفكرت داكشي لي طرا لبنات نضت بالزربة دخلت البيرو وسديت عليا شعلت البيسي وبديت كنقلب على الولد لي كيهددها دخلت من النمرة ديال تيلي ديالو لي كنت خديت من تيلي دسامية عرفت عليه شي معلومات خطيرة...سميتو خوليو***** عندو30 سنة وهو واحد من اعضاء المافيا الملقبة بدارك (Dark) هنا فهمت بلي هوما ماكفاهومش شحال آداو عائلتي دازو لبنات تاهوما باغين يشوهونا وصافي ولي زاد حيرني هو ماريانو ياك مات وولدو لي كان موراه معرت اش سميتو افف اه سميتو فيكتور هاداك قتلو عمي شكون غيكون مستالم رئاسة المافيا دبا شكون هاذا لي باغي يقتل جدي ويدمر عائلتي رجعت لبلاصتي وانا باقا كنفكر حتا داتني عيني...فقت على شي حد كيحركني لا بغيت نقصد كينخضني حليت عيني مفزوعة..
انا: الله يحرق طواسل مك نتي وياها
هي:ويلي على العروسة تهزي الله يمسخك
انا: ندوش فرقيني عليك ها العار
ندى: نوضي يا المعكازة تابعنا شلا وبلا والي
انا: بيبيشا شدي ختك هاالعار
مريا: نتي مزال باقا تقولي ليا بيبيشا نريش ختي
انا: تفو هايا نايضا(نضت بالنفخة تلفتت لقيت زوج بنات كاينين معانا)شكون نتوما
1: انا سارة المساعدة تاعك
2:انا الكوافورة سميتي اريانا
انا: مشرفين
سارة: مدام غتلقاينا لتحت لحتاجيتي شي حاجة نخليوك دبا وملي يوصل الوقت غنصيفط ليك البنات لي يعاونوك مع آريانا
انا:اوكي(خليتهم وهزيت تيلي دوزت ابيل)ندى عفاك قولي ليهم يطلعو ليا الفطور....الو
مراد: توحشتيني
انا: فينك
مراد: كنوجد راسي ياك انا لعريس
انا:ههه نتا لي جات معاك
مراد: وصلو عندك البنات
انا:وي شكرا
مراد: مبيناتناش المهم رتاحي مع راسك ومتخمي فوالو كلشي غيدوز مزيان بلا متوتري
انا: وكيفاش عرفتيني متوترة
مراد: كيقولو لكنتي كتبغي شي حد كتحس بيه فجميع حالاتو(قطع)
انا:اش كيقصد اوووف ناقصني انا(شديت فراسي وبركت)
ندى(حطات ايدها على كتفي): سونا اش واقع ماشي هادي نورسين لي كنعرف عاودي ليا اش طرا علاش رفضتي تزوجي بعمران
انا(بهمس): حتا نكونو بوحدنا(تلفتات ندى فختها لقاتها طالقا وذنيها)
ندى: اوكي الزين دخلي دوشي راه وجدت ليك الحمام مريا نزلي شوفي شنو خاصهم
ماريا: انا غنمشي عند خالتي فردوس نشوف واش ناقصاها شي حاجة
ندى: اوكي ومن تم وجدي راسك ونتلاقاو فالحفلة اصلا مبقاش الوقت بزاف
ماريا: مم اوكي(خرجات وسدات الباب وراها)
انا: وتصديييرا هي درتي ليها
ندى: نتي عارفاني فضوليا سو اتيني بالمعقول
انا: بلاتي ندخل ندوش
ندى: زيدي قدامي راه وجدت ليك الجاكوزي ههه نتخشاو فيه بزوج(داكشي لي كان تخشينا وسرسبت ليها كلشي ندى اعز صديقة عندي نقدر نعاود ليها داكشي لي منقدرش نقولو لنورالهدى ندى بنت زوينة طايتها واعرة عينيها مشفرين وفيهم زرق غامق ولكن كدير لي لونتي كحلين شعرها بحالي طويل تال الخصر غير انا مارو وهي كحل كيلمع هي من عشاق التجديد داكشي علاش كل مرة تلقاها مصبغاه بصبراي فلون خداما معايا فنفس الشركة حيت كنقراو نفس الدومين كنعرفها ملي كنا صغار حيت هوما جيرانا المهم عاودت ليها من نهار نزلت لمغرب تال هاد اللحظة لي معاها دبا)
انا: اش بان ليك
ندى: ممم ليث يمكن معجب بيك..ولكن كنظن مراد كيبغيك
انا: اففف اشمن حب تانتي واش انا ياله اسبوع دبا باش كنعرفو..
ندى:سمعي تيقولو سول المجرب ولا تسال الطبيب
انا: هههه باينا ونتي لي شتيه تولي مغرمة بيه بغيت نشوفك شي مرة كتعذبي بالحب
ندى: لا والله راه كنحس بيك كتبغيه من الطريقة باش دويتي على مراد وليث وعمران كاين فرق كبير ونزيدك هادي نتي موافقتيش بسباب التحدي فيك شي حاجة هي لي مخلياك تبغي تزوجي بيه(هزات ليا راسي)واش ملي كيقرب ليك كتحسي بقلبك غيخرج من بلاصتو
انا:مم اه وكنتبورش مكنبقا نعرف مانقدم ولا نوخر ناري عرفتي ملي كيبدا يدوي معايا كنحس براسي غنسخف..اففف اش ندير
ندى: واتكعدي على سلامتك راك طايحا فالسيد خاصك غير تعرفي واش تاهو كيبغيك
انا:ههه وشنو ندير
ندى: فراسك انا نازلة لمغرب
انا: حلفي ناري ياله معانا
ندى: معرفتش(شافت الساعة) نوضي ويلي تعطلنا..
خرجت هيا وانا دوشت بالخف وخرجت دهنت لحمي بكريم ولبست دوبياس فلون اللحمولبست بينوار مقطن وهزيت الفطور كناكل بشوية عليا تادخلت سارة هازا فايدها ساشي كحلة كبيرة وبواطة قد السخط وآريانا وزوج بنات معاها جارين طابل فيها الروايد هازين عرام دالماكياج
سارة: مدام الكسوة ديالك وصلات
انا: بصح اشمن كسوة
سارة:كسوة العرس صيفطها ليك مسيو (قاطعاتها بفرحة)
انا: بصح حلي ليا نشوف(حلات سارة البواطة كان فستان قمة فالروعة بيض الثلج وفيه خيوطة فضيين صدرو كلو مرصع بالالماس والذيل ديالو طويل بدات اريانا كتقاد ليا مكياج زوين ركزات فيه على عينيا طلبت منها متكترش ليا بزاف درت عكر غرونة ماط ومشطة زوينة عليت شعري وبقا عنقي عريان واصلا طويل جيت زوينة هههه شكار راسو داز من هنا الكسوة جاتني لاصقا من الفوق وصدري بارز جاتني منحوتة على الجسم ديالي والتحت بحال الحورية غادا وكتنفخ ولكن ماشي بزاف والذيل ديالها طويل كان معاها صباط طالون عالي زوين مرصع بالحجيرات وتاج رقيق درتو فشعري)
سارة: جيتي غزالة
ندى: الله شحال كتباني زوينة
انا: الفضل لآريانا والبنات
اريانا: اصلا نتي زوينة وذوق العريس جا معاك
سارة: البنات خرجو راه خاصو يطلع يلبس حوايجو باش ينزلو مبقاش الوقت بزاف
انا: آريانا وجدي ندى تاهيا بليبز
آريانا: هي الاولة(خرجو البنات وبقيت انا بوحدي خرجت لطيراس وبقيت باركا سمعت الحس تلفت بان ليا مراد خدا الساشي ودخل لدريسنغ قررت غير يخرج نسولو ميمكنش نبدا حياتي على كذبة وانا ساهيا سمعتو كيعيط ليا خرجت بشوية عليا وحانيا راسي ههه ماشي حشمانة راه غير حاضية جلايلي)
مراد(ساهي فيها تاحركات ايدها قدامو عاد وعا): احم انا بغيت نصارحك بواحد الحاجة حيت منقدرش نزيد نكذب عليك
انا(مع الطرحة مغطية ليا وجهي شدتني الضحكة): مم واش متعلقا بشكون هو أوس وعلاش نتا خدام حارس شخصي
مراد: تقريبا المهم باش منطولش عليك انا عارف بلي نتي حفيدة مسيو كمال الحقيقية وكذبتي على ليث وأسد
انا: ها؟؟؟!
مراد: وحتا نهار مشيتي تبيعي الورد فالشانطي كنت تما
انا: وعلاش كنتي تما
مراد: ماشي غير تما كنت نهار نجحتي فالباك ونهار سافرتي لألمانيا وفاش طلعتي لداك الجبل وتودرتي ونهار كنتي غديري ديك الاكسيدون والمنظمة و ملي مشيتي لمغرب وفاش سكنتي فالفيلة فطنجة وملي تحولتي لداك الحي الشعبي كنت فكل مرحلة من حياتك نعرفك براسي انا هو نفسو أوس لي كظلي تسوليني عليه فغيمون لباس عليا أوس رودريغز برازيلي كيف قلتي نتي(شد ليا فايدي لي كيترعدو) عمرني غنبزز عليك تعيشي معايا فعلا كنبغيك وعمر شي حد غيبغيك كتر مني مغنقولش ليك غنعيشك فسعادة ولا غنديرك اميرة ولكن الحياة بحال البيانو باش تسمعي لحن زوينة خاصك دوزي من الازرار الكحلة والبيضا وكذلك حياتنا غندوزو من افراح ومن احزان الى درنا ايد فايد غنتغلبو عليهم شنو قلتي واش قابلة تكوني شريكة حياتي(بقيت ساكتة ودموعي شلال انا عاقلة على هاد اللحظات من حياتي ديما كان عندي فارس كيعتقني فينما نوقع فشي مشكل نهار تودرت فالجبل وفاش كنت غنموت وكون ماشي هو مكنتش غنكون هنا دبا واش تال هاد الدرجة كيبغيني عمرني حلمت نلقا شي حد كيبغيني ويخاف عليا كتر من والديا)
مراد: صافي فهمتك يمكن كنت خاطئ
