رجعات هي ومراد لقصر طلعات لبيتها وبقات كتخمم فشنو طاري بين البنات والشخص لي كيهددهم هزات تيلي وصونات لمراد..
مراد: وي مادموزيل
نورسين:ياك دوينا عيطلي بسميتي
مراد:اوكي
نورسين: بغيتك تشوف ليا شي بلاصة ميكون عارفها تاحد من مالين القصر
مراد: معرفتش ولكن واش محتاجاها ضروري
نورسين:مكرهتش دبا
مراد: كاينا بلاصة تاحد ماعارفها منغير الله وانا الى قبلتي نديك ليها
نورسين:مكيهمش المهم تكون بعيدا على هنا
مراد: اوكي نزلي نديك ليها
نورسين: واش مناسبا راه غنبرك فيها شي يوماين
مراد: بركي فيها قدما بغيتي انا نتسناك لتحت
نورسين:متهزش لوطو من القصر غناخدو طاكسي
مراد: الى بغيتي انا عندي سكوتر ديالي نمشيو فيه
نورسين:هانيا وجد راسك ولقا لصحابك شي عذر ومتجبدش حسي..منهنا لساعة نتلاقاو فالدورة لي كتخرج لشارع الرئيسي اوكي
مراد:اوكي..
دخلات دوشات وهزات حوايج خفاف دارتهم فصكادو ديال التخيام وهزات بليزة صغيرة جبداتها من تحت السرير دخلات داكشي لحمام وسداتو تحسبا ليدخل شي حد..خرجات فتجاه جناح كمال..
نورسين: نقدر ندخل
نيهان: ههه بحال باباك تاكتوصلو لقاع البيت عاد كتسولو
نورسين: هههه بغيت غير نطمن على جدي كيبقا
نيهان: راه مع صاحبتك ولات شاركاني فراجلي بكترا مكتبقا مقابلاه ولا مولفها
نورسين: هههه مغيارة انا غنمشي نشوفو تصبحي على خير(خرجات من عندها نازلة فالدروج تدخلات فشي حد) اووف هادا نتا خلعتيني
اياد: مالك شفتي جن
نورسين: لا راه غير كنت ساهية
اسد: اش كديرو تما
نورسين: والو معرفتيش فين هي نورا
اسد: كاينا فالطراس مع جدي وعمتي نور
نورسين: اوكي(خلاتهم ومشات دخلت بالسليت وعنقات عمتها من لور) نوري توحستك(كتعوج)
نور: ههه توحشتيني
كمال: بنتي لباس عليك
نور و نورسين: لاباس
نورا: مالكم
نور: علاه شكون بنتو انا ولا هي
كمال: مبقا ليك غير تغاري من بنت خوك
نورسين: اححح يسلملي الغيور(باستها وكرزات عليها) المهم جيت غير نشوفكم ونطمن عليك اجدي..اه نورا اجي بغيتك فواحد الموضوع
كمال: خلي البنت راه لاعبين
نورسين: غير شطرنج خلي الطرح كيف هوا دقيقة وهيا معاك(جراتها تابعدات عليهم) نورا ختي بلييز بغيتك تعاونيني جاتني مهمة وخاصني نسافر انا كذبت على ليث وقلت ليه ماما عيانا اوكي نتي قولي ليه انا مشيت لبلجيكا عند واليدينا وقولي لعائلة بلي شي صاحبتي طرا ليها شي حاجة..
نورا: مالك على هاد الزربة واشمن مهمة هادي انا مفراسي والو وليث اش غديري معاه
نورسين(سهات): ليث ..مم معرفتش
نورا: فراسك كتبانو كوبل زوين تا عمتك نور كتقولها بزاف وحلفت قالت لك مغيهنا ليث تايتزوج بنورسين
نورسين: نو مستحيل ماشي ستايل تاعي اند ليث اصلاح ليه وحده هادية ماشي بحالي
نورا: سونا انا وياك خواتات ومكاينش لي يعرفك قدي راه باينا فعينيه ملي كتكونو بزوج عرفتي ملي مكنتيش كتبغي تنزلي تاكلي كيبقا مشطون عليك وكيطلب من الخدم يطلعو ليك ماكلتك والى ساق الخبار خرجتي بلا متعلميه كيتعصب و
نورسين: لا راه غير حيت حنا من مسؤلياتو
نورا: سكتي سكتي لا هاذوك النظرات كنعرفهم مزيان هادوك كيعبرو على الغيرة
نورسين: وباش عرفتيها
نورا: نفس نظرات بابا لماما فردوس ونفس نظرات عمران ليك ملي كنا فبلجيكا
نورسين: اووف فيمن فكرتيني..عرفتي دويت معاه لبارح وقاليا ماما غتصطا وتشوفني حداها
نورا: ودبا فين عندك المهمة
نورسين:معلومات سرية(غمزاتها وطلعات لبيتها هزات صكادو والباليزة ونزلت كتسلت خرجات من الباب اللوراني ديال القصر تحنات لسبادري وركات على واحد البوطون ودارت سكي بدات كتزلق بيهم توصلات لعند مراد لقاتو واقف كيتسناها بقات ساهيا فيه ثواني عاد رجعات الصبادري كي كانت وطلعات معاه)
مراد: شدي مزيان(كرزات عليه وهوكسيرا بجهد كان لابس كويرا كحلة وليgات جلد وداير كاسك كحل سكوتر ديالو لامبرغيني كحل كبير كتحسي براسك طايرا شدو الطريق السيار والليل الدنيا خاويا داز الوقت محسوش بيه وقفو فواحد الصطاسيون)
مراد: نورسين نزلي لبغيتي تمشي لحمام
نورسين: ههه واش انا ولا نتا
مراد: هههه فهمتيني اوكي نزلي انا خاصني ندخل (دخل وخلاها واقفا توقفو عليها زوج دراري)
1:تؤ تؤ الزين واقف بوحدو
2:صاحبي خلي علك البنت فالتيقار
1: لا مايمكنش نشوف هاد الزين كامل ونبقا واقف
2:ختي سمحيلينا راه غير فوت فالشراب
1:سكت نتا وتعالي نتي(شدها من ايدها) متحنيش عليا..تبرعيني ونتهلا فيك(لحد الان نورسين كتشوف فيه ببرود)
نورسين: ساليتي ودور قبل لنخلي خويا يحسبهم
1(مع سكران): شنوهوما
نورسين: سنانك (نترات ايدها وتكات على السكوتر داك الولد التاني عيا مايجر صاحبو فالاخر مشا يمكن بغا يعيط على شي حد وبقا الاول كيتبسل عليها ملي مبغاتش بدا كيخصر الهضرة ياله هز ايدو غيضربها تطاح الارض وفوق منو مراد كيضرب فيه وهي كتفرج تبانو ليها شي خمسة ديال الدراري معاهم داك الولد لي مشا بانليهم صاحبهم كياكل العصا جاو هجمو عليهم وواحد فيهم هز عصا بغا يضرب مراد ملور توقفت عليه نورسين)
نورسين: لا حشوما تضرب فالظهر لكنتي راجل ضربو من القدام(وحيدات من قدامو ولكن هو تم قاصدها هي زير ليها ايدها مزيان عفطات عليه وركلاتو لمركز دارت لي حداه عطاتو كروشي لوجه تصدم فيها زواتو تحنا على نصو وهي تنزل عليه لظهر تم جاي صاحبو ياله كروشاتو شدها شي حد من ذرعانها زير عليها ظهرها مع صدرو حاولات تفك راسها ملي مقدراتش ضربات الفردات ديال الصبادري مع الارض وهونا يوليو سكي وولات هي جاراه ولات حاكماه قلبوتو من ظهرها وطلعات فوقو كتعطيه الكروشيات تابردات جرها شي حد من شعرها ونزل عليها بصلية معتبرا ومع الصقيل تسمعات بجهد تلفت مراد شاف ذاك المنظر وهو يجهل ناضمن فوق هاذاك لي شاد وتلاح على لاخر بقا عليه تاسخف بين ايده
عاد ناض عندها
مراد:واش نتي صافا(هزات فيه راسها شد وجها بايدو لقا فمها مجروح وهو ينوض ليه تاني بقا عليه بالركيل والسبان تناضت عندو
نورسين: Morad calm dawn
مراد(حس بايدها كترعد فوق كتفو دار عندها وباينا عليه باقي معصب دوز ايدو على شنايفها مسح الدم شدها من ايدها وركبو بقاو شحال عاد وصلو مع الليل مدققاتش فين هيا غير دخلو تلاحت فالكنابي)
مراد:ياكما فيك الجوع
نورسين: لا غير عيانة يوماين منعستش
مراد:تسناي نوجد ليك البيت(طلع فالدروج كيقلب البيبان تاتعصب كلهم مسدودين من غير بيتو بوحدو لي محلول نزل لقاها هازا واحد الورقة كتقرا فيها)
نورسين(كتشوف فيه وكتقرا شنو مكتوب): اوس حبيبا انا مشيت الى جيتي وملقيتينش عرفني رجعت لدارنا باي شيغي(ومختومة بقبلة بعكر حمر)
مراد: شكديري
نورسين: شكون اوس
مراد(كرز على ايدو):مكنبغيش لي يدخل ليا فحياتي الشخصية اي حاجة لقيتيها هنا تبقا فبلاصتها
نورسين:اوكي خاطرك..دبا غير قول ليا فين نعس
مراد:طلعي لبيت غتلقايه على ليمن فاخر الممر
نورسين:ونتا
مراد: نسيت السوارت تاع البيوت تانجيبهم غدا داكشي علاش غنعس هنا..
نورسين(هزات حوايجها): تصبح على خير
مراد: وانتي من اهلو
