عودات نورا ليها كلشي دازت الليلة و نورسين عقلها خدام
صبح الصباح
ليث: فنظرك غتوافق
اسد: يمكن خايف لميتقنوش الدور..ختي عفاك البنات لي كانو هنا فين هوما
الممرضة: خرجو شي ساعة هاذي
اسد: شكرا
ليث: شنو فين هوما
اسد: مشاو خاصنا نمشيو عندهم
ليث: امبوسيبل نمشي لتما عفيني انا
اسد: مبقاش الوقت كل نهار كيدوز محسوب علينا..
##عند البنات
سونا: بب جيبي معاك شكلاط
نورا: وشنو تاني غتانمي الفرصة
سونا: وااايييه راه قليل فين نشوفو فلوسك
نورا: يااك الالة
سونا: سيري احبيبة وجيبي ليا ميلكا و شيبس
نورا: فين زايداها بداك الغلض(للإشارة سونا عندها فورما مقودة الصدر والمؤخرة والتضاريس كلهم مقادين تخليهم ي**مو عليها غيربالمشية..اما نورا فورمتها ديال عارضات الازياء طويلة وكل حاجة فبلاصتها)
سونا: رزق با هادا مخلصا شي حاجة من جيبك
نورا(ميقت فيها وخرجت...شوية وسمعات الدقان بجهد)
سونا: اااه واااابنادم مالنا اش كاين(حلات الباب لقات دري صغير)
الولد: سونا عتقي
سونا: مالك اويلي ياكما نورا طرات ليها شي حاجة
الولد: لا راه حمزة مضارب
سونا: وانا الرباط
الولد: ولا راه مضارب مع داك الولد لي جا عندك لبارح
سونا: اويلي ناري فين
الولد: فراس الدرب وعتقي راه ولاد الدرب كاملين غيتحاماو عليهم
سونا: شكون هوما
الولد: داك الولد وصاحبو
سونا: مم شكون (وهي ضرب ليها طرن فراسها) ويلي اسد وليث(خرجات كتجري مفرانات تال وسط المضاربة كانت باغا تفك ساعا لقات حمزة ورباعتو واكلين هرماكة من عند ليث واسد)
سونا: عليلو اش واقع
علي: ههه اش غنقول هاد خوتنا كانو داخلين مع الدرب توقف عليهم حسن تزايدو فالهضرة جا حمزة ودار فيها صعصع ههه والله كنتفكر كتشدني الضحكة ياله بغا يضرب داك الطويل(ليث) وهو يلوي ليه ايدو وبدا عليه بالكروشيات
سونا: واسد مالو تاهوا
علي: شكون هاذا
سونا: داك السميمر
علي: راه حمزة بقا كيسبهم وكيغوت وتيقولهم ديالتي هاديك
سونا: شكون هاذي
علي: نتي وصافي بداو مطايفين وهانتي كتشوفي
سونا: جاني الملال نوض فكهم دبا ولا بلاتي
علي: فكي علينا الجقلة(جبدات سونا تيلي وخدمات صفارة البوليس ولا بنادم كلو كيقلب فين يهرب مبقا حد من غيرها هي وعلي والدراري بزوج)
سونا: الصاط تهلا انا نتفاسر مع خوتنا وندوزو نلعبو شي ماتش
ليث: مناوياش تزيدي خلاص
سونا: محشوماش
اسد: ياكما بقا فيك صحيبك سيري عندو
سونا: شكون حمزة ههه شلا انا بقيتو فيا نتوما مالكم على حالتكم دخلو دخلو نداوي ليكم هاد الحالة.. دخلاتهم وجابت علبة الاسعافات مسحات ليهم الدم وقادات ليهم الحالة تدخلت الرعدة
نورا: سوووونااااا....سون..اا نتوما هنا ميصحابليش
اسد: شكرا
سونا: نخليكم انا عندي مايدار(طلعات وخلاتهم مع نورا)
نورا: تشربو اتاي ولا قهوة
ليث: بلا متعذبي راسك
اسد: شي اتاي الله يحفضك
نورا: واخا اسيدي
ليث: انسة بلا متعذبي راسك
نورا: عيطلي غير نورا(مشات لكوزينة وكتهضر بجهد) الدار داركم تصرفو عادي(عمرات براد اتاي وحطات طبسيل فيه الحلوة وشي توشيات حطات الطبلة فالصالون وبراكات مع الدراري)
ليث: عيطي لختك باغي ندوي معاها
نورا: سوووناااا تعالي
سونا(من بيتها فالطاج لفوقاني): ممسالياش خداما شوية وننزل
نورا: هانتا شتي راه خاصها تعوض داكشي لي مخدماتش لبارح
اسد: معرفتش علاش ختك كتخرج تبيع الورد ونتوما كتبان عليكم ميسورين
نورا(شدات واحد الضحكة مبغات تحبس)😂😂😂 لا واش كنتو حاضينا علاش ختي مثلا غتبيع الورد راه غير تحدي هداك وهي دارتو اما حنا ممحتاجينش لفلوس داكشي علاش سونا مبغاتش تخدم معاكم حتا تعرف شكون البنت وشنو كتجيكم وعلاش غتنتاحل شخصيتها
اسد: البنت..
_________________________________________البنات توقعاتكم..
وقولوليا واش نكمل ولا نحبس
Vot+com😄😄😄
