#لصمتي_حكايه
القصه حقيقيه..
بقلم.. الشيماء
الجزء الخامس..
الناشربارق العراقي
مرت الايام مرة عليه عشتها كل يوم بسنه
اختي نورس ماتركتني على طول ويايه حاولت تطلعني من مشكلتي وازمتي الى ان اجا يوم زواجها ... تغيرت وبديت أتقبل وضعي الجديد وبديت اتحظر للعرس ..
طلعت نورس احلى عروس بزفافها لكن كلش انهظمت لان بقيت وحدي بس كلت وي نفسي المهم هي مرتاحة وأن شاء الله ما تشوف الي شفته ..
بعد زواج نورس ضليت وحدي ودائما كاعدة بالغرفه ..
اجاني والدي لغرفتي ..
بابا سارة ليش كاعده وحدج ..
شاسوي وين اروح ..
اطلعي بنتي غيري من وضعج .. اخذي هالمبلغ روحي للسوك اشتري اشياء جديده ملابس عطور اي شي الج وانتو البنات اهم شي عدكم تشترون ...
بعد ماطلعت اليوم واشتريت كل شي بابا كلي امشي اوديج لبيت عمج جان عدنه بيت عمي حازم زوجته نوعا ما جانت قريبة النا واني جنت كلش ضايجة..
اي اروح عادي ..
رحت لبيت عمي بنت عمي هم جانت مخطوبه وعرسها قريب هالايام وهي ما عدها خوات بعمرها اخوانها كلهم صغار ..
بابا ابقي يم بيت عمج للعرس وارتاحي ..
بقيت بين تحضيراتها وتحضيراتي ..
جان ابن عمتي باقي يم بيت عمي
علمود يغير البيت و يصبغ الجدران يعني تحظيىات للعرس..
بس اني جنت اشوفه ماينهظم جان اسمه رافد ..
رافد كام يضوجني ويغثني ومن ارد عليه تنتهي المشكله انه يطلع من بيت عمي ويرجع بالليل راسا ينام..
وصارت الحنه مال بت عمي اسمها سراب .. ولبست فستان قصير لونه جويتي ومكياج وجنت شويه سمنانه لان جنت ضعيفه قبل جلد على عظم صحيح بهاي الفترة الي مرت جنت مكسورة بس وجودي بين اهلي خلة حتى شلكي يتغير لان مرتاحه يم اهلي.. طلعت حلوة بالحنه حتى عماتي كالولي مع العلم عماتي متطلع منهم كلمه حلوة وجانت حفله حلوة وساعدتها لمرت عمي بتنظيف وترتيب البيت ..
وبيوم العرس سراب العروس كالتلي اريدج ترحين للصالون وياي ..
صار ..
اخذت غراضي والملابس الي راح البسها وطلعنه رجعنة العصر من الصالون والكل فرحان وهلاهل واجتي الزفه وتزوجت سراب ..
تزوجت سراب ومرت عمي مثل أي ام بجت ورة بتها .. واني اتحضرت حتى ارجع وي اهلي ..
لكن عمي كال لبابا خلي تبقي سارة يمنا
كم يوم لان البيت وحشة وتعلمنا عليها .. وبيوم عزيمه سراب .. اجتي سراب فرحانه وكالتلي عندي موضوع وياج ..
كولي ..
صديق زوجي شافج بالعرس ويريد يتقدملج وزوجي كايله ترى مطلقة..
وكاله ميخالف ..
جانت مواصفاته قصير واسمر وسمين وحيد امه على 7 بنات بهاي اللظة دخل رافد ..
سارة راح تقبلين
شنو ..
خ سمعت كلشي راح تقبلين بي..
ما اعرف افكر..
جان رافد مهتم بس ما اهتميت اله..
وكلت لسراب .. سدي الموضوع وكوليهم متقبل ترتبط هسة..
جانت نفسيتي تعبانه مو مال زواج بهاالوقت ..
ورجعت لاهلي و مشت الحياة بحلوها وبمرها..
نورس عمتها هم مشاكل عدها و تسوي مشاكل وتكول لاختي سارة لا تجي علينا لان تعمل بالسحر وتريد هشام يرجع يحبها مثل قبل وتاخذه مثل ما انتي اخذتي مراد ..
نورس حملت وبعد فترة اجهظت بسبب مشاكل عمتها وتلح وياها بالشغل وهي تعبانه ..
ماما كالت الها اتحملي بنتي ذولي العيال ..
بعد سنه من زواج نورس توفت بيبي ام بابا طبعا هذا الشي ما اثر علية لان ما جنت اشوف منها الحنان والاهتمام .. رحت للفاتحة دخلت جنت لبلبسة فستان طويل اسود وحجاب اسود بس استغربت بفاتحتها كل البنات لابسين بناطير وبديات قصيرة وكحل ومكياج خفيف وذهب .. وهيه جان خيرها عليهم وفضلتهم علينا ..
بحيث من هي على فراش الموت طلبتنا وشافتنا حست بظلمها النا ولابويه ..
اجتي عليه بت عمي ...
ساره .. حطي كحل شى على وجهج اصفر ..
يعني ماكو احترام للميت ..
هزت أيدها وراحت ماعجبها كلامي ..
انتهت الفاتحة ..
عمو الجبير كال ..
سارة ابقي يمنا لان اكو ناس راح يجون يعزون والبنات ميكدرون وحدهم ..
بابا كال ميخالف ابقي يم بيت عمج..
اني جنت معزولة عنهم مالي شغله على كد اساعدهم واكعد ..
واني كاعدة وحدي اجا رافد ..
شلونج ..
باوعتلة بصراحة استغربت بس ما بينت اله شي ..
زينه الحمدلله ..
ممكن احجي وياج..
ضحكت كتله شبيك رافد اليوم ..
سارة بلا تصنيف ممكن لو لا ..
احجي الي عندك ..
شوفي راح احجي لكن وما اريدج تقاطعيني وحتى لو ماعجبج كلامي خليني اكمل وبعدين كولي رايج..
شنو قلقتني احجي عاد ..
سكتي كتلج..
سكتت بس كول..
سارة اني احبج..
هااااا ..
اني شكتلج مو كلت خلي اكمل..
سكتت.. اي كمل ..
من زمان واني احبج وجنت من اختلف وياج علمود بس احجي وياج بس احس اكو شى يجمعنا ..
المشكله تجمعنا ..
خليني اكمل جان ماكو بيني وبيج اي موضوع وانتي من انفصلتي حسيتج تغيرتي تغير جذري كئيبه ومتحبين تحجين ويه احد ..
وهذا الي خلاك تحبني شوف رافد مال اظل ساكته اكذب عليك لان كل كلمه اريد الها جواب اني اعرف انته تحب بنية اسمها ازل ومستقتل عليها ..و اني وياك يوميه بيت عمي جنا مشاكل واحد ما يطيق الثاني شلون تحبني..
ازل مجرد صديقة مو حبيبة واني من جنت اختلف وياج واطلع لان جنت انقهر لان ما اكدر اكولج احبج ..
انت تدري ا شصار بيه وانفصالي مو سهل فا لا تظغط علية اني تعبانه رافد ..
ما اظغط عليج بس لا ترفضيني سارة احبج ..
ما اوعدك بس افكر ..
تركته وكمت من مكاني ..
رافد ابن عمتي جان ناعم كلش واسمراني وكلشي بي ناعم ونازك ..
مرت فترة ورافد بكل لحظة يحاول يحسسني بحبه الي جان على طول يجي النه وانتبه عليه شلون جانت نظراته عليه..
..جان بوقتها ازمه مال بانزين والا سرة وجان رافد يروح يلزم سره علمود يجيب بانزين النه للمولدة ..وشكو شغلة اخواني يحتاجوها هو يسويها الهم عبالك اخوهم الرابع واجتي فترة رافد اختفى كام ميجي استغرب بابا رافد ليش ماكو ..
اتصل والدي عليه وطلع مريض ..
شلون صرت اليوم ..
لا احسن اليوم عمو ..
ياله لعد معزوم يمنه اليوم على العشة.. اجا رافد حسيت جنت مفتقدته و نظرته الي رجعت..
كملو العشه واجا يغسل ايدة اني جنت اغسل المواعين فا المغسلة قريبه على المطبخ مد راسه على المطبخ ..
اجا يمي وكال ..
شلونج سارة ..
زينه انت اشلون صرت ..
زين الحمدلله ..
بشري اكو امل لو لا.. اريد افاتح
اهلي على ارتباطنا..
ابتسمت اله .. وفرح كلش ..
ايييي هسة ارتاح كلبي..
للحكايه بقيه ..
أنت تقرأ
لصمتي حكايه بقلم شيماء المشهداني
ChickLitمعاناة فتاة تتزوج بعمر صغير وتمر بمراحل من المعاناة تتزوج اكثر من مره وكل زواجه تتواجد هناك مشاكل ومعاناة مختلفه استمعوا لها ولمعاناتها المره
