لصمتي حكايه بقلم شيماء المشهداني

الجزءالتاسع

#لصمتي_حكايه
القصه حقيقيه ..
بقلم..الشيماء
الجزء التاسع ..
الناشربارق العراقي
....
سمع عمي اخو والدي بالمشكله واجا للبيت ..
كال سارة عمو شكو شصاير ..
  عمو اختك متبطل يوميه تاهمتني بمصيبه واني كمت اخاف لتبليني بسالفه مليت والله ياناس مليت ..
بهاي الاثناء اهلي ميعرفون شى عن اتهامات بيت عمتي ..
  بابا اجا و كال شكو شصاير ..
عمي حجاله لوالدي  كل شي ..
  هاي  لان احترمتها ونطيتها بنتي ورضينا بكل شي حتى غرفه ماسوولها هيج تسوي بيه أميرة وابنها ..
  عمي هداه وسكته.. وكاله ..
اني رايح الهم ..
وقبل لا يطلع سالني ..
عمو هسة شنو قرارج ..
اريد الطلاك ..
  عمو ترى موسهله مره ثانيه ..
لا سهله لان مازال يطعنون بالشرف يرحون يسوولي سالفه اني مااكدر أثق بيهم بعد  .. هانوني هواي كرامه ماضلت عندي .. 
وراح الهم وصارت مشكله جبيره هناك لكن رافد مامتوقع  اني راح اسوي هيج وانصدم مني ..
بعد فترة كام يتصل  ويتوسل بس ارجعي الي.. وكعد ينطي وعود ..
لكن  اني بعد ما عندي ثقة بيك صح اني احبك اي  وامووت عليك بس ما اكدر بعد تعبت سنه ضاعت من عمري واني اكول اتحمل لخاطرك وكل شي يهون وتالي كمت تخون وتصعد على السطوح  ..
  والله نزوة بعد مااكررها..
مو بيدي ما اكدر انسى شسويتوا بيه  وبقيت احجي على امه ..
شتكولين حقج تكولين  بس ارجعي الي..
ماا اكدر  اعذرني ..
وبقيت زعلانه اربعه اشهر طول هاي الفترة هو ما سكت هواي دز ناس حتى ارجع  اله بس لا اهلي ولا اخوتي ولا حتى اني افكر ارجع اله ..
جان يدز ناس لكن  هو ميجي ومره اجا هو وعمامي والدي  كال الهم ماكو نصيب طلكها..
  خالو بس اشوفها..
صاحني بابا ..
اجيت شفته كدامي ..
كال سارة تعوفيني..
  مو اني اهلك الي ظلموك وظلموني اتركني كافي مليت ..
طلع من البيت بس ضليت ابجي عليه لان احبه..
وبعد مدة طلبني بيت الطاعة..
اني انجنيت الشرطة بابنا ..
اتصلت بيه وكلت ..
اخاف جان الي نيه ارجع الك هسة خلص مابيها مجال..
وكلت لعمي كوللهم يطلك اني متنازله عن كلشي وفعلا رحت للمحكمه وتنازلت عن كل شى وانفصلت عن رافد بس جنت كلش مقهورة  منه بس ما بينت اله ..
مرت الايام و جنت حزينه عبالك اكو غصة بيه ..
ومن صار الطلاك و رجعت للبيت بيومها انهاريت بجي و زوجه عمر تحاول  تهديني بكد ما بجيت..
وصارت حفله اخويه احمد وخطب  ..
ومن انفصلت عن رافد جنت مقهورة بس حسيت اشتريت نفسي رغم اني  ابتعدت عن الي اخترت ان ابتعد عنه رغم حبي اله   بس كرامة الانسان فوك كلشي..
كمت الهي نفسي وصار موعد  زواج اخويه .. حضرت روحي وتذكرت زواج اخويه عمر لان مافرحتله بوقتها وجنت كانه من المعازيم بسبب قهر عمتي..
  اخذت  فستان اسود و ذهبي قصير مدنفش وللعرس اشتريت فستان ماروني غامق طويل بس على الجسم وفتحت شعري ومكياج وميشت شعري الكل استغرب .. لان اني قبل كم يوم انفصلت
  مقهورة بس احس اريد اطير خلصت من اهله ومن عبوديتهم جانو مستعبديني خانكيني..
واتعمدوا يدزون ورقه الطلاق بيوم الحنه حتى يغثوني  لن ما استلمتها بالمحكمة  حاولت اكون طبيعيه من القهر الي بيه   عيوني فاضحتني صح جان ما عنده كلمه بس تمنيته ويايه ...
صار  العرس وخلص .مشت حياتي طبيعي يوم ابجي اشتاقله وبعدين احاجي روحي اكول ميستاهل دمعه مني بعدين ارجع اكول هو يحبني وبعدين ارجع اكول لا الي يحب يسوي كلشي للي يحبه وعلى هذا المنوال يوميه امسي واصبح..
مر سنتين على طلاكي واني ما ناسيته بس انسي نفسي كل فترة يجيني نصيب وارفض تعبت ما اريد اكرر هذا الصار بيه فكرت اشتغل مو لان محتاجه لكن اريد التهي بشي ..و اشتغلت ويه دكتوره سكرتيرة عبالك عشت غير حياة اطلع واطب ويجيني راتب راس الشهر ..
بيوم من الايام وحدة من المراجعات كالتلي..
حماها يريد يتزوج ..
لاارجوج  ما اقبل ..
ضلت تلح بس اني مااهتميت الها ..
وبعد كم يوم جانت الدكتورة بعدها مجاية واني جنت واصله قبلها اجت هاي المراجعه وياها واحد  اني مهتميت سلمت عليه ..
اتفضلي ...وكعدت..
الدكتورة بعدها ما جايه..
اني ما جايه على الدكتورة اني جايه على الموضوع الي كتلج عليه..
  بس اني رفضت وكتلج مموافقه ..
  كلي اسمعي مني اني مرتي مريضه ومقعدة واني احبها بس اني رجال واريد انسانه الي وعندي اولاد بس صغار ..
اعذرني اني ما افكر اتزوج وسدوا الموضوع رجاءا ..رجاءا اخذوا راحتكم ..
جان عندي تليفون العيادة ناطيته للناس بعدها بيومين اتصلت نفس المراجعه اسمها ام احمد كالتلي..
  حمايه يريدج  ويكول الا  اتزوجها ..
  اولا  هذا تليفون العياده و اني رفضت وبعد لاتفتحين هالموضوع ..
ضلت كل فترة تتصل هاي المراجعه واني ماارد عليها ومرات ارد واكوللها مموافقه انسي الموضوع ..
وبيوم اجه عمي وكال رافد يريد يرجعج  امي  رفضت بقوة ..
و بابا كال نسالها شتكولين بابا..
اقبل بس اريد  بيت وحدي..
عمو كالي ما عنده امكانيه..
  هذا الي عندي اني ما مستعدة اعيش نفس ذيج الايام واني اخاف لايسوولي شي عدهم اريد بيت وحدي ..
هذا اخر كلام الج عمو ..
  اي اخر كلام يطلعني بيت ارجعله واعيش وياه على الحلوة والمرة ..
راح عمي  بلغهم  مارجعوا خبر .
وبعد فترة جانت حفله الحنه لبنت عمتي الثانيه وعزمونا  جنت سمنانه وكبرانه جان عمري 20 سنه تقريبا .. كصيت  شعري كصه فرنسيه وصبغت احمر كرزي ولبست فستان وردي قصير ..
كبرت فجأة وصرت شابه وملامح جسمي استقرت ..
واكو ناس شايفيني قبل عبالهم اختي نورس  وسلموا عليه وسالوني ..
سارة شلونها ..
ضحكت كتلهم  اني سارة..
كالولي متغيره هواي وصايره حلوة ..
كتلهم طبعا مرتاحه ماكو احن من الأهل واهلي سندي بهاي الدنيا ..
  واجتي يمي عمتي ام رافد  وكالتلي.. تدرين رافد زوجته احلى البنات ..
حسيت نار وشبت بضلوعي ..وكتلها ..
اي طبعا خل يشوف حياته واني هم اشوف حياتي قابل يبقى هو على ذكراي بالخير عليه .. 
  ومن رجعت من الحفله بجيت ونمت من التعب ..
وثاني يوم اجتي هاي المراجعه نفسها جان اسمها ام احمد كالتلي ها ما غيرتي رايج ..
كتلها ..
روحوا على اهلي وشوفوا شيكولون ..
وجنت محتصرة كلش وگلبي يوجعني مااعرف شنو الي خلاني اتصرف هالتصرف ..
  وبالليل اجوي ناس هواي وابوه وامه ..
اجاني بابا كال شتكولين ..
  اي  بابا اذا خوش ولد ليش لا اسال عنه وشوف ..
  جنت اريد احرك گلب رافد مثل ما حرك گلبي وانخطبت لجلال ..
جان اكبر مني بعشر سنوات..
وسالنا عليهم  كلش هواي ..
وكل الناس مدحت بيه وباهله ..
صارت الخطوبه ..
ورادوا عقد بالمحكمة ومن رحنا صارت تعقيدات لان زوجته مااجتي ...
ليش مااجتي انت تعرف إلا موافقتها ..
وين اجيبها وهي مقعدة وتكول شمهما يكون شلون اشوفك وين غيري تنقهر وهي مريضه ..
  جلال جان مهتم بيه كلش أو وفرلي كل الي اريده .. وشاطلب منه يجيبلي ويكولي بس اشري شتريدين ..بس طلب مني اترك الشغل والتفت لحياتنا ..وشفت من حقه وتركت الشغل .. طلبت اكعد بيت وحدي ..
وكال راح اجر الج او ابني مشتمل بالحديقة مال اهلي ..
والدي كال ابني مشتمل على الاقل من تطلع اهلك قريبين متبقى وحدها بالبيت ..
  وفعلا بنى البيت وكال انتي تختارين لون الجدران  واختاريي الارضيه ..وطبعا جاب نماذج الارضيه  للبيت  ..
وكال ..انتي  اختاري ..
وفعلا اختاريت وعجبني ذوقه جان حلو ..
و اتصل بيه ثاني يوم كال .. حظري نفسج اجيج حتى نطلع نشتري غراض للمطبخ و الكاونترات ..
أما غرفه النوم ظل يفتر بيه يومين علمود اخذ الغرفه الي اريدها ...
جنت مرات انهظم عليه اكول والله حرام هذا الانسان هيج يعاملني  واني اي مشاعر  ما عندي اتجاهه ..وجان مرات يجيب أولاده يمي حتى اتعلم عليهم  وابنه يكولي .. انادي عليج  باجي لو ماما  ..
عجبتني كلمه ماما حلوة ..
بس ماما عايشه لا تكول ماما لغير ماما ..
وطلبت منه مااسوي عرس..
براحتج ...
بس اشتريت فستان  ذهبي طويل على الجسم  وفتحت شعري ومكياج خفيف ..
واجا اخذني من اهلي وماما وبابا يبجون عليه .. وطلعنا سيارتين بهدوء ..
وصلنا للبيت دخلت اني لبيتي ..
راح اسلم على اهلي ..
اي روح ..
من دخلت للبيت قفلت الباب الجبيره وطبيت الغرفه باوعت على الغرفه وتذكرت رافد ..
كمت ابجي بحركه ..رافد هو الانسان الوحيد الي حبيته ليش حرمتني منه عمتي لو عايشين سوة وعلى حب الله ..بس شاسوي هذا نصيب ..
بقيت ابجي لحد ما سمعت الباب اندك مسحت وجهي ورحت فتحت الباب ..
هاي شكو ليش قافله الباب..
جنت ابدل..
  وليش ما قفلتي باب الغرفه..
نسيت ممتعلمه على المكان  وقفلت هذا الباب ..
وللحكايه بقيه