الم بعده فرح

بارت 10

و كمل الصيف و جا وقت الدراسة و كنت نفوت وقتي كله مع سارة و هدى و فالعشية مع جواد  والفته بزاف و رجع حاجة مهمة في حياتي بصح ماقدرتش نحبه رغم اللي هو فيه كل صفات فارس الاحلام بصح القلب و مايريد فاتت 4اشهر تعرفنا على بنت اسمها ياسمين و مع الوقت عرفتها معجبة بجواد و دخلت بيناتهم و اقنعت جواد يجرب معاها لانها شابة بزاف الصراحة تنسي اي راجل فالمراة اللي يبغيها جواد قالي لا راني مليح هاك بصح بعد اصراري قالي نجرب و نشوف و ولاو اونكوبل و انا بقيت نحاول نبعد على جواد بالعقل مابغيتش يبقى متعلق بيا و مع الوقت تحسنت علاقة جواد و ياسمين و انا كان كل همي قرايتي و كمل العام و الحمد لله نجحت فيه و فالعطلة طلبت كونجي اكرام بنت خالتي قاتلي لازم تحضري لعرسي ولا مانحكيش معاك و انا تاني حبيت نشوف هذا جدي اللي راه غير يعيط عليا و عمي عمر قبل و عطاني دراهم زيادة فوق الشهرية قالي مكافئة ليك على جهدك و نجاحك فالخدمة المهم  قلت لخالتي جاية و فرحت و قاتلي مين توصلي لسطيف بقاي فالمحطة نجي نديك و راحو معايا للمحطة هدى و سارة و ياسمين و جواد قدامهم قالي نقدر نعنقك قتله اكيد انت خويا عنقني قالي انا ماشي خوك انا حبيتك و تمنتيتك و مازال نستنى فيك ان شاء الله ترجيعيلي بخير ...خفت الى تسمعنا ياسمين ودعتهم و رحت وصلت لسطيف عيطت لخالتي ربع ساعة و جات خالتي و اكرام و ولد خالتي محمد امين خالتي تعنق و تبوس و تبكي و عاتبتني مين رحت و ماقلتش بلاصتي من بعد سامحتني سلمت على اكرام و جيت نخمس مع محمد امين قدم عنقني و باسني قالي واش بنت خالتو انا خوك ماتخمسيش معايا