الم بعده فرح

شره

هذا لبارت ديديكاس لسيرين https://my.w.tt/qN1jfb3QdN
لي مخلات وماقالت فيا .ايا نبدا ونقول بسم الله :
بري يعطيك ساحق واللاحق والرصاص المتلاحق بري يعطيك لخلا ومعيشه بلا هنا بري يعطيك نهارين في لفراش وتالت في الانعاش .. نكمل ندعي  ولا فيها براكه راكي طحتي مع تبسيه ياختي 

******************************* علاه ربك عشقتك و تمنيتك فالحلال علاه ديريلي هاك شا حاسبة روحك انا جواد الف وحدة تتمناني ماشي قح... اللي تتقلش عليا ....بقيت نبكي قتله صح جواد انا قح.... غير خليني ترونكيل ياك ماطلبتش المحال طلبت نعيش هانية ....هو فاق بروحه كان واجعني في يدي طلقني و حط راسه قالي سمحيلي و ماتزيديش تشوفي وجهي هو راح و انا طلعت ماقدرتش نرقد حسيت بالذنب علاه خليته قرب مني و تعلق بيا لمت روحي الف مرة و بكيت على حياتي كيفاش دايرة اتفكرت امال  درت لابيس عيطلها نسقسي عليها قاتلي كوثر ماكنتش حابة نقلقك بصح لازم نقولك قتلها خير قاتلي واحد اسمه سليم هبلني راه غير يحوس عليك عندها 8اشهر و هو غادي جاي و قالي لازم نعطيه رقمك و قالي واش اسمك الحقيقي قتلها و قلتيله ؟قاتلي لا قتله نعرفها زوزو برك و مانعرفش وين راحت و هي ماشي صحبتي  قتلها ربي يعيشك امال صحيتي اختي و الى عاود رجع كملي قوليله مانعرف عليها والو قاتلي صحا كوبيت و كلمت خالتي بقات تبكي قاتلي يا بنتي يهديك ربي جدك حاب يشوفك قبل مايموت قتلها نهار نكون واجدة نجي قاتلي وين راكي و واش ديري علاه يا بنتي غبتي هاك باباك قلب عليك الارض قتلها بابا لوكان تهلا فيا مانوصلش هنا و سلام خالتي تهلاي في روحك رقدت والصباح كيما العادة لخدمتي و فاتت 3ايام و جواد كان قد كلمته ماعاودش ديرونجاني بصح سارة قاتلي جواد رجع للطريق العوجة شراب و نسا و سهرات قتلها ربي يعفو عليه و مرة نخدم حتى جات عندي طاطا ليلى ام سارة رحبت بيها قاتلي حابة نحكي معاك قتلها اتفضلي قاتلي يا بنتي جواد الف وحدة تتمناه علاه رفضتيه و قبل مانحكي قاتلي خليني نكمل قتلها تفضلي قاتلي الى صح عندك واحد تحبيه ربي يسهل عليك و يفرحك معاه و الى ماعندكش و خايفة من جواد انا نقولك كوني هانية قبلي برك و جواد بيك يرجع للطريق قاتلي خمي في كلامي مليح بنتي الى قبلتي بجواد رايحة تفرحيني و خرجت وانا ديت قرار لازم جواد يبعد من هاذ الطريق و يبعد عليا و باه يبعد عليا لازم يعرف حقيقتي رحت للدار عندهم و قتلها حابة نحكي مع جواد قاتلي طاطا طلعي لبيته طلعت لقيته راقد فتحت البالكون  ناض قتله صباح آه مساء النور قالي واش جابك هنا قتله جاية نشوف صديقي و نديه يخلص عليا بيتزا قالي روحي كوثر خطي ربي قتله نو تنوض معايا بقيت ندير فالفوضى و نحكي حتى ناض غسل وجهه و لبس و خرجنا قتله نروحو للبحر و رحنا جمعنا قتله جواد انا حبيتك تبعدني بالعقلية بصح انت مافهمتش و لازم نحكيلك كلش علابالي راح تكرهني بعد اللي تسمعه بصح لازم نقولهلك وحكيتله كلش من يوم طلقو ماما و بابا و وليت نسهر و نشرب حتا اليوم اللي اغتصبني سليم جواد انصدم و بقا يسقسي فيا كيفاه و علاه و انا نحكيله حسيت روحي رتحت بعد ما حكيتله و قتله درك راك علابالك بكلش ان شاء الله نبقو اصدقاء قالي كوثر انا مزال نحوس على اكثر مالصداقة نحوس عليك تكوني حلالي قتله جواد انت يا اما مهبول و لا حنين بزاف تحوس تسترني وانا مانحوسش على شفقة انا حكيتلك باه تبعد ماشي باه تزيد تقرب قالي ماشي شفقة حب قتله روح حب وحدة عذرا تفرحك و تفرحها و تعيش معاها ليلة العمر قالي الزواج حياة كاملة ماشي غير ليلة قتله جواد انا مانقدرش نقبل بيك قالي نخليلك كل الوقت و نبقى موراك حتى تقبلي قتله جواد نحبك تبقى صديقي برك مانحبش اكثر قالي وانا نخليك على راحتك ومانفرض عليك والو برك بقي معايا  و رحنا تعشينا و وصلني للدار و بقات علاقتنا هاك انا نحبه هو صديق وفي و نلقى راحتي معاه بصح هو كل مرة يلمحلي وانا نبدل الموضوع