الم بعده فرح

بارت 12

المهم بقيت نوجد معاها و قرب العرس بقاو يومين و عطاني جدي دراهم قالي شري اللي تحبي رحنا اتسوقنا و مين جينا كانت المفاجئة لقينا الكل ملموم في دار جدي دخلنا قالنا ولد خالتي الصغير راه سليم ولد خالتي جا من بلعباس دخلنا و ياريت مادخلش ايه سليم اللي دمرني هو نفسو سليم ولد خالتي سليم اللي غتصبني هو ولد خالتي طاحو الصاشيات من يدي جمدت حسيت الارض دور بيا  قلبي يخبط و رجليا فشلو هو انخلع بقا يشوف فيا و الفرحة في عينيه اتمالكت روحي اخر لحظة حسيتهم فاقو بيا قتلهم سلام عليكم قالي جدي هذا سليم ولد خالتك جوندام و يخدم في بلعباس قتله متشرفين راني عيانة نطلع نريح طلعت للبيت و بقيت نستوعب فاللي صار معقول الدنيا هاذي صغيرة هاك تكيت في بلاصتي تفكرت اللي صرا بكيت حتى تنفخو عينيا علاه فرحت كي شفته و في نفس الوقت حزنت واش اللي نحس بيه ياك هذا دمرلي حياتي كلمت جواد خبرته انخلع قتله سليم اللي غتصبني هو ولد خالتي واليوم شفته جواد قالي تجاهليه ماتحكيش معاه والى عاود قربلك كلميني نجي نديك قتله صحا و كوبيت و بقيت متكية حتى جات مرت جدي قاتلي رواحي نشربو قهوة نزلت لقيته حدى جدي حطيت راسي و رحت قعدت بعيد قالي جدي لا رواحي حدايا بنتي رحت جمعت حدا جدي و ماحبيتش نشوف فيه كنت نتجاهله قدر المستطاع شربنا قهوة و كل واحد يحكي في حاجة و انا ساكتة ناض سليم خرج مالصالون وانا بغيت نخرج قبل مايرجع طلعت للبيت حكيت مع هدى قتلها راه هنا هو ولد خالتي قاتلي هدى شكون بقيت نحكيلها قتلها سليم اللي دمرني و حطمني هو ولد خالتي انا و هو رانا تحت سقف واحد علاه هاك كل مانقول ريحت نعاود نتعذب قاتلي حاولي تتجنبيه حتى ترجعي و ماتحكيش معاه قتلها اوكي و بقيت نبكي حتى نفتح باب نتع الصالدوبان اللي في بيتي خرج سليم بقيت نعيط واش دير هنا واش تحوس تاني غلقلي فمي بيده قالي اتهدني زوزو وين كنتي عييت نحوس عليك علاه غبتي هاك عامين وانا نحوس ماخليت حتى بلاصة علاه درتي هاك ...عضيته من يده قتله علاه تحوس عليا واش دير بيا ياك انا قحبة انا مخيطة علاه تحوس على جدي خطيني ماكفاكش اللي درته فيا ارحمني صايي تعذبت بزاف ومازالني نتعذب قالي اسمحيلي مهما نطلب السماح قليل في حقك قتله نسمحلك ؟ مسموحلك يا خي انت مادرت والو عندك حق لقيت وحدة مطيشينها والديها تشرب و تسهر درت فيها رايك عادي علاش تطلب فالسماح قالي اسمحيلي انا كان لازم نحميك ماشي انا اللي ننهش فيك قتله عادي ياك انا قحبة نورمال قالي سكتي انتي ماشي هاك و عمرك ماكنتي هاك قتله لا انا هاك و درك خرج منا و انسى انك عرفتني في يوم مالايام انا جيت نفوت ايام ورايحة و بعدها مانزيدش نشوف وجهك لانه يفكرني اني قحبة قالي سكتي صايي ماتقوليش هاك عمرك ماكنتي هاك انا اللي كلب و رخيس و علابالي انك كنتي عذراء انا نفرق بين العذراء وبين المخيطة بصح ديك الدقيقة بغيت نكذب على روحي بغيت نهرب مالصح بصح والله مانسيتك كل بلاصة تفكرني بيك قتله خرج عليا و ماتزيدش تحكي معايا و اياك تقول لخالتي ولا لاي واحد انو انت هو ..........سليم :سمعيني زوزو انا اغلطت و نصحح غلطتي
انا: مادرتش غلطة باه تصححها هاذيك غلطتي انا و راني نخلص فيها وحدي انت كمل مع خطيبتك دير دار و جيب ولاد وانا ماكان مادخلك فيا
سليم: زوزو اسمعيني الله يخليك
انا : اخرج و كيما قتلك ماتعرفني مانعرفك و عمرنا والى تلاقينا من قبل و الى كان على هاذيك الليلة انساها و كيما قتلي انت الشرف ماشي غير ديك البلاصة انا نهار اسمحت لروحي نشرب و نسهر تما فقدت شرفي اما اللي ديته انت حياتي و مستقبلي و درك روح منا و ماتزيدش تحكي معايا
سليم: مانخرجش حتى نتفاهمو علابالي غلطتي كبيرة بصح مازال الحال و نصلحها
انا : اخرررررررررررررررررررررررررج مانسحق والو من عندك برا
سليم : قتلك مانخرجش
انا : نخرج انا و كولها البيت اصلا اني نبقى معاك في بلاصة وحدة حاجة تقزز
خرجت و خليته لقيت اكرام قاتلي واش بيك اختي نحسك ماراكيش غاية من وقت جينا قتلها عيانة برك نزلت لقيت جدي قتله بعد 3 ايام نروح يعني كي يخلاص العرس نتع اكرام نمشي قالي علاه يا بنتي مازال ماشبعت منك قتله لازم نروح خليت خدمتي مورايا قالي وعلاه عليك الخدمة ابقاي هنا معانا اقري و الدراهم ماتحتاجيش تخدمي عندي يا بنتي تصرفي كل يوم و مايكملوش قتله ماجاتش فالدراهم جدي بصح انا حابة نبني روحي بروحي حابة نخدم و نقرا و ندير مستقبل وحدي و كيما ماعتمدت لا ام ولا اب مانقدرش نعتمد عليك جدي قالي تسما مازال حاقدة على جدك و ماتحبيهش قتله لالا جدو نحبك بزاف بصح خليني على راحتي قالي ماتروحيش منا حتى تقوليلي على بلاصتك و نجي عندك نزورك قتله ان شاء الله المهم تعشينا و بقينا سهرانين كيما العادة و بقاو يشكرو في سليم