الم بعده فرح

بارت 8

جا عندي قالي سلام واش راكي قتله الحمد لله و سارة مازال ماتخرج قالي نو انا جيت على خاطرك قتله انا ؟ قالي شوفي كوثر انا والله مانحب نكثر الكلام مالاخير عجبتيني و حاب نكونو كيف كيف و علابالي ماعندكش حبيب قتله انت زادم ديراكت قالي مانحبش نضيع الوقت قتله لا سمحلي بصح نحب نبقى وحدي و جيت رايحة لحقني قالي كوثر علابالي سارة حكاتلك اني نسونجي و ماشي جدي في امور البنات بصح والله عجبتيني وحاب نكون معاك قتله جواد الله يرضى عليك افهمني و ماتزيرش عليا ماشي بسيف هاذ الصوالح وانا حابة نقرا و ندير مستقبل اما الحب و التصوحيب اشياء تافهة جربت و مانجحتش قالي نجربو مع بعض و كل واحد فينا يبدا من جديد قتله لا جواد خطيني ربي يحفظك جيت رايحة حكمني من يدي قالي علاه راسك يابس قتله الله يخليك خليني ترونكيل والله ما انا نتاعك قالي انا حابك انتي تكوني معايا قتله مستحيل جواد ربي يهنيك خويا و رحت خليته واقف و تعدات الايام و كمل العام و الحمد لله نجحت انا كنت نقرا طب المهم واحد النهار كنا برا انا و سارة و هدى حتى قاتلي سارة انو جواد خوها عجبته و حاب يطلب رقمي قتلها لا قاتلي نعرف خويا طاير ونعرفك انتي عاقلة بصح هو راه مصر قتلها سارة انا مانصاحبش عطيت عهد لنفسي عمري مانكون مع اي واحد حتى الزواج ماشي من حقي قاتلي علاه ؟ نضت نبكي رحت و خليتهم هي و هدى هاذاك اليوم كلش عاود رجعلي مع اني عمري والى نسيت بصح كنت نحاول نتناسى رحت حدا البحر وبقيت نبكي حتى قلبي وجعني و اللي يفوت يقولي الله يفرج عليك المهم فرغت قلبي و رحت للدار لقيت سارة و هدى قالولي تحيرنا عليك وين كنتي قتلهم بغيت نبقى وحدي شوية سارة قاتلي اسمحيلي و جواد درك نحكي معاه مايزيدش يقربلك برك ماتزعفيش اختي عنقتني و قاتلي والله نحبك و مانحبش نشوفك هاك قتلها راني مليحة متقلقوش عليا و دخلت تكيت في بلاصتي و من بعد نضت غسلت وجهي و عيطت لخالتي طمنت عليها كنت كل مانحب نحكي مع امال ولا خالتي ندير بيس اخرى ماحبيتش يعرفو رقمي و خالتي كل مانكلمها تلومني و تقولي لوكان صح تحبيني تقوليلي بلاصتك بصح ماكنتش نقولها و قاتلي ماماك حابة تشوفك قتلها ماما ماتت و بسلامة خالتي كوبيت عليها و زدت بكيت حتى عييت و فالليل جات هدى جابتلي عشا قتلها مانتعشاش عيات تحاول فيا قتلها مانيش قادرة رحت رقدت و الصيف قررت نحوس على خدمة اخرى تكون مع الصباح نعاون روحي بيها الكراء قريب يكمل و محتاجة شوية دراهم و اب سارة بعد ماحكاتله سارة على وضعي اقترح عليا نخدم معاه فالشركة و قبلت كنت محتاجة الخدمة لانو فالصيف الحضانة ماتخدمش المهم دخلت نخدم و تفاهمنا حتى بعد مانرجع نقرا راح نكمل خدمة معاه و عجبتني الخدمة اب سارة انسان رائع حنين بزاف حتى مع الخدامة نتاعه والكل يحبوه و يحترموه و مالقيتش مشكل مع الخدامة رحبو بيا و كانت ايامي معاهم رائعة مشكلة وحدة هي جواد ماحبش يخليني كل يوم يجي و مع اني كل يوم نصده بصح يعاود يرجع و مرة عرض عليا نكونو اصدقاء و طبعا ماقبلتش نعرف قصده ماشي صداقة و بس و هو كان بزاف مصر قتله اوكي اصدقاء و بس ما تستنى مني والو قالي قابل و عطيته رقمي و عطاني رقمه كان كل يوم يجي للشركة بصح مانحبش نخرج نفطر معاه و حتى المكالمات بيناتنا كنت نديرلها حد مانحبش نريبوندي عليه مرات و مرة كنت فالبيرو جات عندي وفاء تخدم معايا قاتلي كوثر حبيت نسقسيك و اسمحيلي الى دخلت في امورك قتلها اتفضلي قاتلي راكي مع جواد قتلها لا انا و جواد بيناتنا صداقة برك قاتلي نحسه مهتهم بيك بزاف قتلها برك مين صاحبة اخته قاتلي انا وياه كنا اونكوبل و من بعد راح و خلاني بلا اي مبرر قتلها تحبيه قاتلي نكذب عليه لوكان نقول لا عييت نكرهه بصح مازاله ساكنلي قلبي قتلها من جيهتي طمني وفاء ماكاين والو من غير الصداقة قاتلي حتى والى كاين انتي ماشي ذنبك لوكان حبني مايخلينيش و راحت وانا شفتني و حكيت مع جواد عليها قالي عمري والى حبيتها كنت معاها هاك برك قتله وفاء مليحة بزاف و بنت فاميليا جرب معاها قالي كوثر انا صح كنت نتع بنات و مانطولش مع وحدة كثر من شهر بصح انتي وحدك دخلتيلي قلبي و سكنتي فيه نخمم فيك ليل مع النهار عندي 4اشهر وانا نتبع فيك و ما مليتش عطيني فرصة قتله نسا جواد ياك تفاهمنا صداقة و بس قالي ماقدرتش والله نحبك كوثر  .....خرجت و خليته كملت خدمتي رحت للدار جات عندي سارة و قاتلي ماما فرحانة بعلاقتك مع جواد لانه تبدل ماراهش كيما بكري السهرات و الدخلات و الخرجات قتلها سارة انا و خوك اصدقاء برك قاتلي ايه قالك نديرك آمي و منبعد اونسي جامي ضحكنا في زوج و فوتنا عشية شابة تعشينا كيف كيف و هي راحت و انا دخلت دوشت و حكمت بلاصتي كلمت امال و خالتي و تكيت حتى سمعت لاصونات فالبابا رحت نفتح بلا مانقول شكون حسبتها هدى لقيت