الم بعده فرح

بارت 3

3

خالتي : ياكوثر بنتي ماماك ليلى راها والله تحبك و
انا : تحبني ؟ ههههه لا هي تحب روحها و انا مانحوسش نسمع اسمها انتي خالتي مرحبا بيك الوقت اللي تحبي تزوريني مرحبا بصح اختك مانحبش نسمع اسمها
خالتي: يا بنتي تبقى ماماك هي
انا : خالتي كيفاش عرفتي وين نسكنو؟
خالتي : إكرام بنتي حوست على اسم باباك فالنت و جبدنا العنوان نتع خدمته و جينا و سقسينا
انا : مرحبا بيك في اي وقت خالتي
خالتي : الله يعزك بنيتي و انا عندي ولدي ساكن هنا هو جوندام وعنده سكنة اهنا لكان تحتاجي حاجة نعطيك رقمه
انا :لا خالتي مايحتاش رقمه عطيني رقمك و خلاص ....وجبت بورتابل نتاعي و كتبت رقمها و رقم اكرام حتى جا بابا شاف خالتي ماعجبهش الحال و خالتي حست عليه قاتله واش راك قالها بابا نحمدو ربي قاتله ماتقلقش جيت برك نشوف بنت اختي والله توحشتها و جدها قلبه ملهوف عليها عيينا نحوسو عليكم و ماقدرناش نوصلوكم قالها بابا الى جاية تحوسو تدو بنتي غير انسو قاتله خالتي لا يا مصطفى جيت برك نشوفها و نطمن عليها و درك نروح سمحولي ......بابا حسيته حشم قالها اسمحيلي خديجة اختي ماقصدتش قاتله السماح و ربي يخليك لكوثر و يديمك فوق راسها ....قتلها ابقو عندنا خالتي تعشاو و الغدوة روحو قاتلي لا غدوة نرجعو لسطيف قتلها طريق السلامة خالتي ...باستني و شافت في بابا قاتله نتمنى في يوم تخلي جدها يشوفها قالها بابا ان شاء الله و راحو انا حطيت لبابا فطر و انا رحت لبيتي نبكي و فاتت الايام  و خالتي و اكرام كل يوم يكلموني و يقولولي رواحي لسطيف وانا نأجل الموضوع .......انا تبدلت بزاف رجعت كوثر اخرى فالجامعة سهرات و خرجات كنت حابة ننتقم من ماما اللي خلاتني و بابا اللي بعد عليا تعرفت على بنات مايصلحوش كنت نفرح مين نشرب و نسهر و نرقص مالداخل نكون بزاف مقهورة على حالتي بصح من برا نبان فرحانة تراجعت في قرايتي و بعد ماكنت الويكاند نروح لدارنا رجعت مانروحش و نبقى فالجامعة و مرة كنت فالسيبيرات قضيت اللي لازمني رحت عند لاكاس نخلص مين وقفت جا واحد قبلي وقف حاب يخلص قتله يا بنادم انا ماشي ترونصباغون قدامك ايا طير هاذي بلاصتي شاف فيا و قالي بسخرية بلاصتنا كلنا ماشي هنا رانا غير ضياف قتله زعما تعرف تحكي ايا بعد من قدامي انا كنت واقفة قبلك قالي راني مقلق نخلص و نروح قتله لا انا الاولى انا نخلص بعد من قدامي ....شاف فيا و جبد دراهم و خلص و غمزلي قالي المرة الجاية آكتيفي تربحي ضحك و خرج و انا تاني خلصت و خرجت رحت للاقامة طيبت فطور و فطرنا انا و امال اللي معايا فلاشومبغ و رقدت شوية و الليل وجدت روحي للسهرة لبست كيما العادة غوب قصيرة و طلقت شعري و ماكياج قاوي حكات معايا امال كيما كل مرة تحاول تقنعني نحبس سهرات و نتلفت لقرايتي و لمستقبلي بصح كيما كل مرة نخليها تهدر و نخرج جاو عندي زينب و مروى تلاقينا مع صحابهم و رحنا نسهرو انا مكانش عندي صاحبي ماكنتش نحملهم و مانقيم حتى واحد كانو بزاف يحبو يفوتو معايا وقت بصح انا مانحبش كنت نحب نسهر و نرقص و نفوت و ننسى المهم كنا ساهرانين حتى واحد حكمني من كتفي قالي الزين واش احوالك شفت فيه لقيته هو نتع الصباح قتله انت؟ قالي لا خيالي هههه قتله واش جايبك هنا ؟ قالي هاذي بلاصتي نسهر فيها قتله بلاصتنا كلنا ماشي هنا رانا غير ضياف قالي و تعرفي تتمسخري قتله طير خليني ترونكيل قالي نونسو بعضانا قتله عندي شكون يونسني و نضت من حداه بعدت و بقيت نشرب كيما العادة و من بعد رحت و بقيت على هاذ الحال 3 ايام