الم بعده فرح

بارت 12

عنقت ولد خالتي حسيته ناس ملاح ملاح بزاف كان عمره 29سنة شرطي و متزوج و عنده ولد و بنت عمرها شهرين المهم رحت معاهم للدار و دار خالتي كانت جنب دار جدي لقيت جدي مجمع برا يستنا فيا كي شافني جا بكروصته هو مايمشيش مشلول عنقني و يبكي ماحبسش بكا و هو يعنق و يبوس فيا و قالي لوكان ماشي هاذو نحوس على بنتي وين ماكانت و نشوفها و ضرب رجليه غاضني بزاف و شفني طرطقت بالبكاء انقمت على روحي قداش قلبي اكحل و خليت جدي يتوحشني هاك المهم بقا ساعة و هو محضني و يبوس فيا و يبكي من بعد بدا يعرف فيا بالعايلة اول وحدة كانت مرته ماشي ام ماما لانو ام ماما ماتت المهم اسمها حكيمة عنقتني سلمت عليا و رحبت بيا و حداها بناتها زوج اللي هوما خالاتي سلمو عليا و سلمت على ولادهم الصغار و بعدهم خالي الكبير عنقني و قالي اهلا بالغالية و بعد خالي مرته و ولاده و بناته و خالتي و مرت محمد امين ولد خالتي  و ولاد خالي المهم اتعرفت بالعايلة كلها و رحبو بيا كلهم قاتلي خالتي باقي ولدي راه خدام باقيله اسبوع و يجي تتعرفي عليه و باقي بنت خالك ايمان متزوجة في بلجيكا تاني الاسبوع الجاي تجي تتعرفي عليها و صفاء بنت خالك تاني راها عند جداتها غدوة ان شاء الله تجي المهم فاتت عشية شابة مع الجو العائلي تعشينا و ورالي جدي بيتي قالي خوذي راحتك بنتي هاذي راح تكون بيتك دخلت كانت غرفة كبيرة بزاف فيها كلش حتى الميكرو و فيها صالدوبان دخلت دوشت و رقدت و الصباح فقت على اصواتهم فالدار غسلت وجهي لبست جبة طويلة و نزلت سلمت على جدي و بقيت مجمعة معاه و اللي عرفته انو جدي عايش في الفيلا غير هو و مرته و عايش معاهم ولد خالي الكبير نور الدين مونسهم المهم بقيت  بالحجاب لانو ولد خالي معانا و زيد حسيته ماللي وصلت مابعدش عينيه عليا و جات بنت خالي صفاء و تعرفت عليها كانت اكبر مني بعام عندها 21سنة و حكاتلي اكرام انو صفاء تحب اخ اكرام اللي يخدم في بلعباس
... بصح هو يحبها كي اخته و قاتلي خوها بعد مانشف ريق امه و اخيرا قبل و خطبوله بصح مايحبش خطيبته و مايحكيش معاها  المهم فاتت الايام بقيت نوجد مع اكرام و نشري معاها و جات ايمان من بلجيكا عندها بنتين توام الحق رحبت بيا قاتلي كنت متمنية نعرفك من قبل المهم ولينا صحابات و مانسيتش هدى و سارة و جواد كل يوم نحكي معاهم و جواد كل وقت يعيطلي و كنت نسمعهم يحكو على ولد خالتي خديجة عرفت اسمه سليم قلت لاكرام ياااه شعال نكره هاذ الاسم قاتلي علاه قتلها هاذ الاسم هو اللي دمرلي حياتي قاتلي حكيلي و حكيتلها مالاول و بقات تسب فيه قاتلي اشكي قتلها لا لانها غلطتي قاتلي خلاص امالا نسي اللي فات و فتحي صفحة جديدة قتلها نسيت و فتحت صفحة جديدة راني نقرا و نخدم والحمد لله قاتلي بصح حزن كبير في عينيك و الكل لاحظو حتى انك ماتضحكيش الى فرحتي تتبسمي قتلها يااااه يا اكرام اللي فات عليا ربي  بخبره

*****راح نعتذر من سيرين عمبالي بلي لكلام لي قلتو جرحك برشا اما انا نفدلك ديزولي بب سامحيني