Lawa Ng Salita

Sa bawat hakbang sa gabing malamig,

sa bawat halaklak na kaysarap marinig,

may mga salitang nais mamutawi sa mga bibig.

Sa mga umagang sumisilip ang araw sa silangan

Sa mga patak ng ulang kaysarap pakinggan

Mga saya at lungkot na nadarama, tula ang kinalabasan

Sa karagatan ng sakit na nadarama

Na sumasabay sa agos ng luha,

May nakakubling lawa ng salita.

***

Posted: 5/30/18

--Notfactorable