خطوات نحو الجحيم

بارت ال27

#خطوات_نحو_الجحيم

///// بقلم الكاتبه زينب ماجد/////

الحلقه_27

خليتله استكان الجاي ودرت وجهي.. جسمي كله يرجف..

-اكلج باكيت جگايري بالغرفه روحي جيبيهم..

-انداريتله يفرك براسه.. نفسي تصاعد.. جسمي وجهي سخن ما اكدر اقتله لا.. مستحيل.. حرام.. اني مو قاتله حتى اقتل

-شبيج صفنتي من الصبح دا اكلج روحي جيبي باكيت جگايري..

-لزمت الستكان..

-مو هذا يمعوده فتحي... الجكااااااير

-اوك هسه اجيبلكياهم.. بس خل اغيرلك الجاي لان مو حار....... وبداخلي احجي  الجاي كله مسممته... شسوي يربي شلون ورطه..

-ميحتاج روحي ..

-مد ايده على الاستكان..لزمته.. خل اغيره..

-انتي شبيج..كتلج ميحتاج..

-سحبت من عنده اريد اشمره.. لزمه بأيدي..

-شنو الموجود بالجاي لجين

-اريد احجي انطق.. بس عيوني غوركت بدموعها..

-اشربي..

-ما رديت .. بس دموعي جرت.. وشفايفي ترجف.. اريد انطق والساني انعقد من الخوف..

-كتلج اشربييييييي..

-سحبته من ايده جاي اشربه... جره من ايدي وشمر الاستكان كسره..

-تردين تسمميني لجييييين..

-لا بس.......... لزمني من حنجي..

-لج انتي تسمميييييييني.. تردين تخلصين منيييييييي

-ما كدرت.. ما كدرت اسممك.. لو اكدر جان ما سحبته منك.. بس ما كدرت.. تعبت مالك والله.. تأذيت منك هوااااااي..

حبيتك وصدكتك وخسرت كلشي حتى اعيش وياك... بليله ضلمه شردت من الموصل البغداد.. وتعنيتلك وطار كلبي من عرفت صاير بيك شي..

هسه تدمرني وتأذيني ليييش مو حبيتك والله حبيتك.. البطني ابنك والله ما جايبته من غريب.. حقي احبل واكون عائله.. حراااام عليك والله حرام..

والتجئت الحظنه حتى اهرب من غضبه.. بس دفعني.

-انتي تعرفين شنو اني... تعرفين شنو شغلي.. شتردين  اخلف ولد يطلع مثلي.. محد يرده.. لو بنيه انكسر بيها مثل ما كسرت بغيرها..

اني مو مال اطفال.. افتهميييييي اني انسان كلب وحقير ما ارييييد طفل.. تفتهمين شنو ما ارييييد طفل..

لو صار عندي طفل.. حيلزموني من ايدي التوجعني.. يعني اقل حاجه تصير ويانه اطفالي بوجه المدفع..

-شغلك.. عملك .. هذا.. اني مو زوجتك ليش مطلعني ليش متشاركني.. ليش مخليني مثل السبيه عندك..