#حب جنوني
الجزءالخامس
ل وردالعامري
وره 10ايام اجتي امه وبلغتهه برد
غاده: واالله ام امير خالهه ميقبل هسه يزوجهه يكول صغيره
ام امير: والله احنه حبيناكم واني هوه. هل ولد عندي واريد افرح بي مصدكت كال اريد ازوج
غاده: كلشي قسمه ونصيب
رغد: راحت لمره وره كم يوم بدينه الدوام اول مطلعت من فرعنه شفته واكف صاح رغد مدرتله بال كملت طريقي برجعه مشفت سيارته قريب بيتنه شفته واكف يم لتيل لدنيه ضهرشارعنه فااارغ طير مابي وهوه وكف بوجهي منين ماروح يصير بوجهي
رغد اسمعيني اكو سؤء تفاهم لازم تفهمي
-واني ماريد اسمع شي ممكن تخليني اكمل طريقي
-صدكيني محتخسرين شي واني شاريج وضهرت نيتي وجيت تقدمت الج ع العموم ماريدج توكفين وياي بشارع واحد ايشوفج هاج هذا رقمي اتصلي بيه وحشرحلج كلشي
رغد: لاتشرحلي ولااشرحلك ابعد. عن طريقي ده اروح
امير: اذا متاخذين الرقم ماكو روحه متخسرين شي اذا سمعتي
رغد: اوك ماشي اخذته ومشيت وهوه يمشي ورايه لحد ماوصلت للبيت يله رجع
اول مفتت للبيت شككت لرقم عدن4ايام مشفته بيهن برجعه اني والبنات وسمعت صوت ورايه رغد رغد
انداريت شفته هوه مدرتله بال ولبنات ضلن ايصجمني منو هذا وماعرف شنو وكالعاده كل وحده راحت بدرب وفتت فرعنه وصار كدامي بسياره
امير: رغد مواحاجيج ليش مااتصلتي الووو يمعوده اوكفي شبيج مواحجي وياج
رغد: جرني من ايدي عطت بي
وخر ايدك لومتعلمين كلشي بالغصب لازم هم راح تحطني بجنطه سيارتك
امير: لتحجين بشي متفهمي
رغد: لي افهمه لاتوكف بدربي بعد
عفته ورجعت اعصابي نار
فات شهر من اخر مره شفته بعد مشفته نهائيا وبيوم جتي امه علينه بنفس لموضوع وكان رد امي نفسه
ام امير: عيني ام رغد اذا حسبت سنه سنتين ماعدنه مانع الولد يكول انتضر
غاده: والله ياامير موكتلج خالهه رافض فكره زواجهه وهوه رباهه والامر بيده
ام امير: حبيبه متخسرين كوليله الولد شاريهه ويكول اصبر اذا فدسنه سنتين واني امرلج بعديومين
راحت لمره وفاتن يومين اشوفه واكف بس لايحاجيني ولااحاجيه من جتي امه ردت امي ان
غاده: والله كتله يكول اني اذا متصير بيدهه شهاده كليه ماازوجهه
ام امير: لاعيني شنو السالفه هيه هسه يله ثاني متوسط يعني وراها حصبه وجدري واني اريد افرح بيه
غاده: عذرينه خيتي ام امير
ام امير: لاعيوني مصارشي كلشي قسمه ونصيب
راحت لمره وعدت فتره مشايفته لحد امتحانات اخرالسنه جان اول يوم امتحان
امير: رغد اريد احجي وياج اوكفي ده اكولج لتخبليني
رغد: وشتسوي يعني تحطني بجنطه مثلا
امير: خرب….. لج بابا بس اريد احجي وياج
رغد: واني ماريد وخر من طريقي
امير: انتي اشايفه نفسج
رغد: شايفه نفسي اني مااريد انزل لمستوه واحد مجرم
كز سنوه وقوه قبضه ايده وعاط
امير: ليش مجرم كاتل احد من اهلج لوبايك روحي رغد لوتصيرين بت…… مالي علاقه بيج
رغد: صدك خفت منه مشيت وسمعت صوت شحطه السياره وبس التراب وراه طبيت للبيت ميته بدمي
هدى; شبيج ولج طابه تركضين
رغد: ماما هذا كل يوم واكفلي بشارع
هدى: منو ولج
رغد: امير
هدى: ياااا خوما سوالج شي
رغد: لابس يذب حجي ومره راد يطيني رقمه مقبلت
هدى: اي يمه ديري بالج واحد مجرم هذا وبعد ماخليج ترحين وحدج اني اوديج واجيبج لتكولين لتحجين لااحد لايسمع ابوج يمعوده ذوله مجرمين مريد نحتك بيهم
رغد: امي هدى كامت توديني واجيبني بس مشفته بعد خلصت امتحانات وطلعنه لسوريا بالعطله نجحت للثالث قبل العطله بااسبوع جينه اول يوم الي دوام الدنيه صبح بارده ثلج اني لابسه قمصله بيهه كلاو فرو مصعدته عله راسي ولافه لفاف عله ركبتي ومثلج شفته جان واكف بركن منتجي عله السيارته كدام لمدرسه لابس تشيرت نص ردن وفوكاه قمصله نفخ بلاردن فتت من يمه
امير; ههههه حيل نزلتي الثلج يمعوده وين البرد
رغد: عفته وكملت طريقي من رجعت كلت ال امي هدى وكامت توديني واجيبني نشوفه واكف بس بعيد بسياره لحد امتحانات نص السنه بااخر يوم ودتني امي هدى سمعته سلم عله امي هدى وردت السلام كلهه ممكن كلمه اذا مابيهه زحمه
هدى: رغوده ماما روحي لمدرسته
رغد: طبيت للمدرسه بس ممطمنه اريد الدوام يخلص ده افتهم شكو مصدكت طلعت وشفت امي هدى اباب لمدرسه
ماما شراد منج هذا
هدى: مراد ماما يكول شنو سبب رفضكم واكو امور لازم تتوضح يله تقررون كتله احنه مرافضيك بس خالهه يكول صغيره بعدهه وكلشي قسمه ونصيب
رغد: لاليش مكتيله رافضيك لان مجرم
هدى: يمه وليش اورط روحي وياه سديتهه وياه وهذا هوه
رغد: دوام عادي اروج واجي مشفته بعد امتحنت نص سنه وكعدت عطله وهوه مشايفته نسيت لموضوع وره نص السنه بشهر تعرفت عله اخو صديقتي شهد بس مابينه شي مجرد اعجاب وشهد كالتلي ان هوه معجب بيه وصارت هيه لمرسال بينه دزلي رقمه بس اني ماعندي موبايل تصدف مرات اخابره من تلفون ماما وع السريع وبالختله
بيوم استلام شهايد شفت امير هوه وولد بسيارته عده من كدام لمدرسه جنت كلش فرحانه داخله بكلوريه ودرجاتي زينه اتفقنه نسوي حفله تخرج وكل وحده تسوي شي جان عليه الدولمه
امي هدى شسورت شعري ورفعت نصه سوته كبايه عاليه والباقي عافته مفتوح لبست بيومهه جينز اسود وقميص قصير وردي وبليره ربع سوده اتفقنه يبقون شهد وخالد بركن ينتضروني مثلي مثل اي بنيه فرحانه ده احب وعندي حبيب وكذا هاي الضحكه الي احاول اكتمهه وهيه ترسم عله وجهي غصبا عني اخذ الجدر مني وتمشينه للمدرسه سوالف عاديه سوالف مراهقين وغزل وصلنه لباب لمدرسه اطاني الجدر مديت ايدي ده اخذه لمس ايدي ضحكت كالي فدوه لهل ضحكه حب اخذته درت عيني شفت امير واكف هوه وولد ومخنزر اخذت الجدر وطبيت نضرته خوفتني التهيت ويه البنات جبنه سماعات وركص وحفله حلوه متفقين بطلعه هم خالد يجينه
