#حب جنوني
الجزءالتاسع
ل وردالعامري
رغد: جان. ب2007اكو. حضر تجول ساعه12دم ينزل من كصتي وجسمي كله يوجعني اتصلت امي بجارنه عنده تكسي كلهه ماكدر اطلع منع تجوال والامريكان سادين الطريق ماعرف شلون نكضه الوقت ماذكر غير جنت بحضن امي وانام واكعد الم جد قوي براسي وابطني اسمع امي تخابر بس ويامن اوشنو ممفتهه لموضوع كل الي اذكره سمعت اذان الفجر واني بسياره وبعدهه جنت بمستشفى وخالي فؤاد يصيح عله امي دخلوني غرفه عمليات صغرى حطو بنج موضعي احس بالالم خيطو كصتي والم بعيني من حاجبي لكصتي طلعوني ودخلت غرفه دكتوره فحصتني بس فحص لااول مره اخضع اله وتكتب بورقه ممستوعبه شي ولافاهمه شي بجي امي موترني اكثر جان راسهه مضروب من الخلف لكن جرح سطحي محتاجت خياط دخلوني بغرفه بمستشفى د…… ه الاهلي خالي يصيح عله امي يكولهه ماعليه اني عدهه عمام همه يبتلون بيهه هذا عار لاتحطوه براسنه صوت امي وهيه تصيح فاروق الحكلي وتبجي بتلفون خربطه غريبه وتوتر وخبصه زيدتني خوف وحيره اكثر رجعنه للبيت امي تحجس بتلفون تكول يادعوه شكول شعرف عنه كل الي اعرفه امير امير منو شنو وهذا اخوك. عافني يصيح. خل عمامهه يشيلون السالفه معليه اني تعال الحكلي شسوي فهمني
كل انسان من يشوف الحواليه خبصه عياط صياح بجي توتر لطم خوف يعيش حاله من الهستريه جانت حالته محصوره بين امي الي منضرهه ماكو اي وصف ممكن يوصفه وبين دخول امير والرعب الي حسيته وبين الالم الي احس بي نيمتني امي ورجعت خابرت تكول ها ركبت سياره يعني شوكت وصولك نمت او فقدت ماعرف بس جنت مغمضه عيوني لكن احس بكلشي حواليه وكل شويه افز اكو اصوات عاليه وصريخ قوي
وينهه نغسلن عارنه نذبحه انتن متفقات ونرفعت من شعري بقوه وعت قوي جان رجال يجر بيه من شعري يسحل بيه سحل وامي مجلبه بيده وتجرني منه خالي فؤاد الي خلصني من ايد لرجال ودفعه طلعه بره امي حضنتني وتبجي وتصيح حسبي الله ونعم الوكيل هوسه قويه اريد بس اركز بشي كلشي كدامي بلا ملامح ساعه كدامي جانت ب٧:٠٠ص
عيوني تنسد من كيفهه ثكل الم قوي فوكاهن سديت عيني ورحت ويه اخر نضره للساعه شفت روحي لابسه صدريتي وامشط مثل كل يوم اصوات اسمعهه لكن عيوني بمكان ثاني ماعرف هذا نوم او فصل عن التوتر الي محاوطني استسلام لتعب والم ماعرف حالتي شنو بضبط وره وقت زاد صوت امي جان قريب عليه كلش وره باب غرفتي صوتهه وصوت طكت قفل الباب اسمعهه تكول انت اخ حسبي الله عليك جيت اتحامه اني وليتيمه بيك تروح تسلمهه لعمامهه شنو ذنبهه هيه
صوت خالي يكول مااتحمل مسؤليتهه اني همه اهلهه راح عمهه ايبلغ اخوته وهمه يحلوها
صوت امي ترد هاي الباب واني كاعده كبالهه كتلوني خلاص يله اطبون الهه جثتي قبل جثتهه صوت تلفون ايدك دكه طويله وينسد اكثر من مره بعدهه رد بصوت خالي فؤاد يكول لتغلط منين جتي بتك ربيت انت وهيه راجعه لهلهه لتورطوني طبهه مرض عار هذي
امي تصيح فاروق الحكلي ،دخيلك
ساعه جانت ١٠:٠٠ص دخلت امي اسمعهه تصيح ولك فؤاد هذي نار مشتعله وخالي يرد طبهه مرض بلكن موت شي بارد انمسح بيه وجهي وايدي ورجلي جان اخرشي اسمعه هذا لحد مسمعت صوت زلم ولباب مال غرفتي تنضرب ضرب قوي واكو مدافع ناس تكول لناس وخرها وخرها وصوت امي تصيح روحي قبل روحهه كعدت عله جربايتي كلبي يدك بسرعه بردانه رغم اكو عرك وبلوزي مبلل جسمي يرجف خوف توتر حيره كلهن مجموعات صوت خالي فؤاد ايكولهم خل نتفاهم انجيب لولد وغصبا ماعليه ياخذهه
اي ولد امير لامستحيل مجرم ماازوجه اكو سؤال بداخلي ليش كل هل هوسه شنو صار لان ضربني امير زين اذا لان ضربني زين هوه ضربني اني ليش يصيحون نذبحهه صوت اذان رفعت عيني عله الساعه جانت ب٦:٤٥اذان لمغرب يعني هذا
#حب جنوني
الجزءالعاشر
ل وردالعامري
رغد: كل شويه تصير هوسه وسنطه بس بعيده اكو صوت مناشغ يم باب غرفتي وتلفون كل شويه ايدك اسمع امي تكوله وينك والله بعد مالي قوه ادافعهم
شكولك فاروق موبدنيه كالو انهيارجزئي تعال فدوه حتروح من ايدي
اسمع الحجي كله بس مده يترتب بدماغي جسمي احسه مكسر كلشي يوجعني واكوشي يتغلب عليه مثل النعاس بس مونوم الي اني بي حاسه بكلشي حواليه واسمعه زين بس عيوني مغمضه واني بدنيه ثانيه معقوله احلام بس هاي الاحلام اني احددهه يعني اكول هسه اروح للمدرسه واشوف الشارع الي امشي بيه واشوف امير اكول لالا مااشوفه ايروح امير ويفرغ الشارع شي غريب حته حلمي غريب صار صوت ركض يم باب غرفتي صوت امي تصيح الحكلي ركعت باب قويه وجرت اقسام سلاح وصوت خالي فاروق يصيح ارميكم والله بنتي هاي موبت احد بيكم هسه صرتو اهل وين جنتو من جانت لحمه حمره اني ربيت واني تعبت واني نكسر ضهري والي ايعدي عتبت بابهه ارميه عياط ناس ترد عله ناس صوت يكولهه اللحم الكم ولعضم النه عارهه يلزك بينه وامي تصيح غصب والله غصب فات علينه وخالي فاروق يصيح طلعو بره صوت تكسر وتردم كل شويه ايزيد شي بداخلي يكبر شويه شويه رعب خوف يكبر احسه اتملك اطرافي نملن جسمي يرجف وسبات فصلني عن كل هذا حسيت امي تمسد عله خدي تكوله نار مشتعله فتحت عيني بتثاقل اكو بشر شكد عندك ضعف خوف دمار داخلي من تشوفه اول دمعه تنزل يمه واول كلمه تنطق يمه شفت خالي فاروق نزلن دموعي صحت بابا خايفه ركض حضني ويحلف ان ميعوفني وميعوف حقي والي سوه بيه هيج اله ايزوعه دم بحضنه اكو تكسر لجدار مرعب ينزال شويه شويه راحه عجيبه اجتاحت داخلي من البارحه اسمع هل صريخ بس حته لساني ثكيل ماكدر احجي من شفت خالي الي هوه ابويه حسيت بخفيه الكلمات الي جانت ثكيله ومتطلع وبحضنه حنان امان موطبيعي دموعه الي تنزل وهوه حاضني تحركني لكن رغم هذا حسيت بالراحه الي فاقدتهه من البارحه دخل خالي فؤاد
فؤاد :انت مخبل مالك حق عمامهه ذوله همه يغسلون عارهم شعليك انت
فاروق: لك ياعارهذا منهزمه وياه لو مواعدته
فؤاد: والله شمدرينه شعلينه احنه علينه بااختنه اني تعاركت وياهم يكولولي موبعيد اختك وبتهه متفقين وياه ومن مهزوم سون هل تمثيليه كتلهم اختي معليهه هوه ضاربهه براسهه يجوز بتكم متفقه وياه
غاده: حسبي الله ونعم لوكيل ولكم متخافون الله
فاروق: لك اطلع بره كلب من يومك جبان ونذل لك بت اختك هاي لك موبت اختك هاي لك بتي اني هاي استلمتهه عمرهه4سنين ربيتهه عله ايدي والله الي يجيب طاريهه منكم لااذبحه وذاك النذل اله اجيبه جوه القندره
رغد: تلازمو خالي فؤاد وبابا ارعبت من منظرهم بله شعور كمت اصرخ بكل صوتي امي ركضت عليه وبابا حاوطني بيده بس موكادره اسكت اكو شي بداخلي يدفعني اعيط لحد منكطع نفسي حسيت بروحي تعبت نزلني بابا عله مخدتي ويكولي اني يمج لتخافين نمت نوم عميق وكاأني معشت كل هذا
حسيت امي تكعدني كومتني غيرتلي هدومي ولبستني حذائي دخل بابا كلهه كملتو
غاده: اي اي كملنه
رغد: امي كايدتني طلعتني لحد باب الشارع الدنيه فجر هستوه يطلع ضوه الشمس سياره بالباب صعدنه راسي عله جتف امي ايدهه اطبطب عله جتفي وصلنه لشارع هوسه كادتني امي وخالي كدامنه عبرنه شارع شفت سيارات كبار هاا هذا لمكتب الي نسافر منه صعدنه اني وامي خالي صعد لزم وجهي باسني من راسي
فاروق: باباتي اصحي هذا التوهان الي انتي بي ايأذيني اصحي واوعدج اجيبه للكلب جوه رجلج لوصار بسابع سمه غاده عينج عليهه اول متوصلون خابروني
رغد: اي كلب هاا امير اي حقير راسي يوجعني وهاي الي شاديهه عله راسي اضوج عاصره راسي تحركت السياره ومتروسه عالم امي محاوتني بيدهه وانام واكعد اشوفهه تبجي
