# حب جنوني
البارت واحد وثلاثون
ل وردالعامري
امير: واكف وطفل فات من يمي مرتين ضحكت عليه يباوعلي عود من جوه ليجوه اخرشي كلي عمو ليش واكف ابابنه
وين بابكم ياحلو
هذا بابنه انت ويه ذوله الي حاطين دوائر سوده ع راسهم
ههههههه اي وياهم
عمو فوت عيب اضل بشارع واكف واهلك جوه
ههههههه شنو هل اللسان انت شصير من رغد
ديده تصير اختي وبنت عمتي وبنت خالتي
هههههه ديده وكلهن ذني انت ابن فاروق يعني
اي ابن فاروق ولتكولي ليش
هههههه مفهمت شنو ليش
اف كل واحد يشوفني يكول مااشبه ابويه لان اني احله منه
ههههه مغرور من هسه
شسمك
عمر وانت عمو
اني امير
ضليت اشاقه وياه سوالفه حلوه سمعت رغد تصيح عليه هوه يكولهه عيب ويعض بشفته لهدرجه كارهتني خايفه ع طفل مني حقج بس ياريت لو لصاير مصاير ياريت
طلع ابن عمي كال يله نمشي كتلهه ننتضر كالي لتصير كبال عمي احنه بنص لشارع وكدام بيت لعالم اطلع حجي ضياءكلي اخذه وروح انتضرونه بالفندق
ركبت سياره واني اصيح شكو ميجاوبني كل جوابه يجون وتفتهم اتلكتنه امي ضال بالهه رحنه لسويت الولد مالي حيل غفران وره شويه لحكتنه
روحي غفران
ليش عيني مومن حقي اسمع يعني اني هم اريد اعرف
ام امير: عوفهه يمه فدوه فهموني
سالم (ابن عم امير) حجيه عمي يجي ايفهمكم
امير: وره شويه طب ابويه لاف غترته وعكاله ماكو صرت بوجهه ومااشوف اله خدي انسطر براشدي فر وجهي فر وعدلني بثاني الكل واكفين عمي وحجي ضياءوولد عمي ومرتي وامي
ام امير: عيني حجي ع كيفك فدوه
امير: ضليت ع وكفتي حقهم شيصير حيقهم ابويه راد يتخربط جلب باايد امي ده اسنده مقبل لوجوه كلهه مكلوبه اريد بس احد ايفهمني كعد ابويه وجابوله مي عمي ميحجي حجي ضياءساكت ومالي عين اسئل بعد الصار
ام امير; :حجي حتظلون ساكتين فدوه واحد ايفهمنه
ابو امير: شفهمج افهمج شلون ناوين ع ذبحه لبنيه بسبب ابنج العاق لو افهمج شلون ضايكه المر لو افهمج ساكته ع امر من المر ولد ميعرف هيه امه ويكبر كدام عينهه
امير: ولد شنو
ام امير: ولديش حجي يعني البت مزوجه والله ساترهه
حجي ضياء: حجيه لبنيه بذيج الليله ناكله وصاير ولد عدهه من امير
امير: حسيت لدنيه فترت بيه ولساني نعكد فززني صوت غفران وهيه تصيح بت لشوارع لكت الي يشيل لعبهه
غفرررران
سالم: اهدء امير بصراحه اني هم ممصدك هل فلم
ابوامير: لرجال كال اكو هواي طرق اذا تحسون كلامي ممقنع وثانيا بعد لسواه ابن عمك الكم عين تطعنون بعرض العالم
امير: بس لحضه اريد افهم يعني اني اني ورغد يعني احنه ثنينه اني وياها عدنه طفل
غفران: لامو انت وياها هيه وابن…
ابوامير: غفران رجعي يم جهالج بويه
غفران: عمي حرام عليك تكسر بختي عندك بنات
ابوامير: اكسر بختج ليش بويه من اول مخطبناج ام امير جتي وكلتلج وكان ردج موافقه وطيش شباب اكسر بختج بشنو بعد
غفران :اي تكسر بختي من اتجيب بت شارع هيه وابنهه
امير: هواي تحملتج تره روحي منا
غفران: امير كدام الكل ده اكولك لواني لو هيه
ابوامير: بابا تجفي لشر لبنيه خالهه يكول حته اذا يزوجهه يطلكهه ايريد فقط تكون تسميه زواج حته تكدر تكمل حياتهه
امير: وهوه بكيفه ام ابني ومن ذاك لزمن اني رايدهه موهسه عندي طفل منهه اطلكهه
غفران: طفل انت مصدك يعني هل تمثيليه وداعت جهالي ياامير ده اكولك يااني ياهيه اني مويجن ع راسي بنات شوارع
امير: غفران روحي لان مسطور والف شغله ابالي طلعي خل افهم
غفران: يااني ياهيه وكتاب الله مااطلع اذا متختار
امير: اريد افهم ابني عايش ميت لو الف واحد يجي يكول مو ابنك اكول ابني حبي الهه يخليني اضحي بروحي واصدك واني مغمض
غفران لحت وحاول يسكتوهه وامي كالتلهه عوفيه هسه وهيه مستمره
بسسسس عوفوها شتردين غفران
غفران: يااني ياهيه صير رجال واختار
امير: رجال غصبا ما عله راسج واختار ونص هم
والله يارخص لبيج وغلات لبيهه اخذهه اخذهه لان ذنبهه بركبتي اني خليتهه تخسر اعز شي عدهه وتعرفين من لبدايه كلشي ورضيتي اذا ترضين وتسكتين موبعد ما بالف ياعلي لكيتهه اعوفهه
غفران: واني ميشرفني اصير ضره ل ك… ..ه واذا طالع من ضهر ابوك طلكني
امير: هديت ده اضربهه لان هواي اجاوزت واني لازم نفسي لزمني عمي كال عوفهه لو متربايه متحجي هل حجايه كدامنه واحنه اسمنه عمام رجلهه ردت ع عمي عفت لربايه الكم لو مربين ولدكم جان معتدو ع احد وطبو سجون
وهسه يله اذكرتي اني معتدي وطاب سجن غفران كدام كل لحاضرين وشهود ع كلامي انتي طالق طالق طالق
