الفصل الخامس والعشرون :
{اسيرة قلبي }
في فيلا احمد مهران،،،،،
ذهب فارس الي فيلا خاله احمد بعدما اوصل فرح الي منزلها وسط بكائها الذي لم ينتهي وعنجهيته وتحكماته بها ،سار فارس بخطوات واثقه نخو مدخل الفيلا حتي وصل امام الباب الرئيسي ،ثم ضغط علي الجرس ففتحت له العامله الذي رحبت به ثم دلف الي الداخل فرجد حسن ينزل من الدرج ،فنظر اليه فارس نظرات ثاقبه ،بينما بادله حسن بنظره بارده وهو يدرك ان الماكره الصغيره قصت لشقيقها كل شئ فعله معها ،فتقدم منه بخطوات واثقه ثم قال باستهزاء:
_اهلا اهلا بحضره الظابط ،ده البيت نور مش كنت تقول كنا استقبلناك باحسن من كده!!
رفع فارس حاجبه لنبرته المتغيره ،فرد عليه فارس ببرود :
_بقولك ايه حسن بلاش تريقه في الكلام واتكلم دوغري علي طول !!
قهقه حسن بدون مرح من حديثه ثم اختفت بسمته فجأه وهو يقول بحده :
_اذا كان كده يا فارس ،حاضر هكلمك دوغري يا صاحبي ،بقا تطلعني ندل وسافل قدام ابويا وامي وعيلتك كلها ،وانت عارف ان الهانم اختك بتكدب !!
وضع فارس يديه بجيب بنطاله ثم رد عليه ببرود :
_كان لازم اعمل كده عشان مفيش حد هيقدر عليها غيرك وخصوصا ان هي بتحبك وهتسمع كلامك .
اغتاظ حسن بشده من حديثه فهتف بعصبيه :
_اقدر علي مين يا بابا دي اختك العيله دي ترميني البحر وتجبني عطشان وتقولي اقدر عليها !
ضحك فارس بشده من حديثه ،بينما نظر اليه حسن بتعجب فهو لاول مره يري صديقه يضحك هكذا من سنين مضت ،فسأله حسن بتعجب:
_ يعني شايفك مبسوط وبتضحك اهو !
قطب فارس جبينه بعدم فهم ثم سريعا ما تدارك نفسه وعاد لجديته سريعا وهو يرد بجمود :
_عادي يعني ،وبعدين ما ان كلامك اللي يضحك ،بقا يا دكتور عيله زي رنيم تفقدك اعصابك وتخليك تضربها بالشكل ده!!
تنهد حسن بغضب وهو يرد عليه بضيق :
_اختك دي عاوزه علقه تفوقها مش بس قلم واحد ،انا مش عارف جابت المكر ده من فين!!!
هز فارس رأسه بنفاذ صبر ثم قال بجديه :
_انا هحاول قبل جوازك منها اني اعدلها شويه ،والباقي عليك انت ،بس ده اخر مره يا حسن تمد ايدك عليها ،رنيم مش متعوده علي كده ،لا انا ولا بابا استخدمنا اسلوب الضرب قبل كده معاها مهما عملت .
هز حسن كتفه بلا مبالاه وهو يقول ببرود:
_اسلوبك معاها حاجه ،واسلوبي انا حاجه تانيه والنتيجه اهو سايقه العوج ومفيش حد بتخاف منه !!
تنهد فارس مطولا ثم قال له بهدوء :
_هنفضل واقفين كده كتير والا ايه يا دكتور؟!!
انتبه حسن انهم لا زالوا يقفون فاخذه حسن وجلسوا علي مقعدين بالحديقه ،ثم سأله حسن بجديه :
_ما تعرفش اخبار عن موضوع حلا بنت عمك ؟!
نظر اليه فارس ثم اجاب بنفس النبره :
_اللواء سامي بيقول انها مخطوفه في تركيا بس لسه مش محددين فين بالظبط!!
أنت تقرأ
اسيرة قلبي (الجزء الثاني من عشقك اذاب قسوتي)
Storie d'amoreكل حقوق الملكية تخص الكاتبة المبدعة // ريهام حلمي هى انثى رقيقه وهادئه وبريئه لم تتلوث من شرور البشر والحياه ،فالتقى هو بها وعشقها واقسم ان يدخلها عرينه رغم عنها لتكون أسيرة لقلبه
