Mga Tula Na Para Sa Iyo

#13 Limang Araw Ng Pagmamahal 17

Akala ko , ika'y isang tao na nanggaling sa langit
Pero , isa ka rin pala sa mga taong nagbigay sakit
Pinilit kong makalimutan ang aking mga nakaraan
Pero ang pag-ibig na pinangako mo dati'y nasaan

Nasaan ka sa mga panahon na kinakailangan kita
Ang tsismis ay kumalat pati ang masamang mga balita
Madami sa mga tanong ko'y di nabigyan ng kasagutan
Dahil ika'y kanilang tinago't ika'y biglang lumisan

Dati ay wala akong maisip na tula para sa'yo
Dahil kahit ikaw ay malapit , sadyang ika'y malayo
Kahit anong aking gawin ay tuluyan kang lumalayo
Ngayon ako ay sobrang namamanhid ng dahil sa iyo

Una , sinabi mo na ako ay tunay mong mamahalin
Na kahit ako'y sobra ng layo , ay iyong tatakbuhin
Pero ako'y nabigo sa lahat ng iyong pinangako
Ngayon ay handa na akong ibaon sa lupa ang pako

Salamat sa limang araw na pinuno ng kasiyahan
Ang mga dating kalungkutan ay napunta na sa hangganan
Sana ika'y makatagpo ng taong ika'y mamahalin din
Upang lahat ng mga tao sa mundo ay maging masiyahin

Written & Edited by : Edrelle P Caparas
Inspired by : MyOldBaby
Date : June 11 2018