اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
" ؟؟؟؟ "
____________________
صـاحبة الكـود رقـم 5tc7
1)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
2)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
3)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
" بسم الله، بصي يا حبيبتي، مبدأياً، كل عام وانتِ بخير و عيد مبارك عليكي و عالكل 🙏🏻♥️.
دلوقتي نبدأ بمشكلتك..
بصي، احنا متفهمين جداً الوضع اللي انتِ حالياً محطوطة فيه خصوصاً مع باباكي بس لازم نفهمك حاجة.
اللي حصل مع مامتك ده اكيد مش طبيعي خصوصاً لو ده تعامل مفاجىء منها و انتِ مش متعودة منها عالتعامل ده من قبل كدة، و احتمال يرجع سببه الى انها كانت مبدأياً زعلانة او متضايقة من موقف معين حصل فمن غير ما تاخد بالها طلعت زعلها و ضيقتها عليكي.
اللي حصل بينك و بين باباكي وانه ييجي و يضربك و هكذا عشان الصلاة ما هو الا بردو وقت عصبية او ضيق + فيه حاجة حابة اكلمك فيها شوية..
بصي انا معرفش انتِ تعرفي المعلومة دي ولا لا بس تعرفي ان باباكي و مامتك هيتحاسبوا علي كل فرض انتِ مبتصليهوش ؟ معنى كدة ان الصلاة مش حرية شخصية بالعكس، دي هتتحاسبي عليها انتِ و هم كمان و لو حصل و كبرتي انتِ كمان و اتجوزتي و جبتي اطفال و مكُنتيش بتصلي و هُم مبيصلوش باباكي و مامتك هيتحاسبوا وانتِ هتتحاسبي الضعف! يعني هتتحاسبي انك سيبتي الفرض و ان ابنائك مصلوش..
عشان كدة نتمنى انك متكُنيش من الناس اللي بتظن ان الصلاة حرية شخصية و ان حد زي باباكي او مامتك بالذات ملهومش دخل فيها بـالعكس دول كدة بيحاولوا ينقذوا نفسهم من الحساب و في نفس الوقت انتِ بنتهم يعني خايفين عليكي انتِ كمان!
و بعدين الصلاة هتساعدك كتير و الدعاء هيساعدك خصوصاً لما تحسي انك قريبة من ربنا و دعواتك مستجابة و يمكن لو بدأتي تصلي من انهاردة، علاقتك بالناس حواليكي و بعيلتك تتحسِّن و ييجي العيد اللي جاي وانتِ ليكي نفس تفرحي و تتبسطي كمان 💛.
المهم نرجع لموضوعنا، باباكي دلوقتي رجع و بيحاول يفتح معاكي كلام و يهزر وانتِ بنفسك قولتي انك حاسة انه ندمان على اللي عمله.. عشان كدة متزعليش منه وافهمي ان اللي حصل ده مجرد لحظة شيطان خوفاً عليكي و عليه و علي مامتك من الحساب خصوصاً في حاجة زي الصلاة.
بردو عايزة انبِّهك لحاجة كمان، حاولي متصرخيش او متزعقيش وانتِ بتدافعي عن نفسك قدامهم و قدام كلامهم عشان ده مش صح و ممكن يسيبوا الموضوع كله و يمسكه في إنك قليتي أدبك بـعُلُوّ صوتك قدامهم، قولي اللي انتِ عايزاه بهدوء تام و لو استمر الجدال من طرفهم، اسمعيهم للآخر و لو كان فيه فرصة قولي رأيك بأدب في الآخر او سيبي المكان وادخلي اوضتك واستني لما نار الشرارة دي تهدى شوية.
هتعملي ايه دلوقتي ؟ تحاولي تاخدي باباكي في طرفك و متتجاهليهوش و تفهمي منطلق انه حقيقي ندمان على اللي عمله ده و تفهمي انه مش عايز يخسر العلاقة اللي بينكم كأب بيخاف علي بنتـه، أما بالنسبة لمامتك فحاولي انتِ كمان تتقربي لها حتي لو انتِ شايفة إنها الغلطانة لكن مش يمكن تجاهلها ليكي المُستمر ده ما إلا محاولة انها تشوف هل هتيجي و تصالحيها و تعرفي اللي مزعلها منك و و كمان تفهميها بهدوء سبب زعلك منها و بكدة تتصافوا تاني؟ في كِلتا الحالتين حاولي دايماً تاخدي الخطوة الأولي حتي لو شايفة الطرق التاني هو اللي غلطان لكن تأكدي دايماً ان ربنا هيديكي ثواب علي كدة خصوصاً لما الوضع يكون مرتبط بـباباكي او ماماتك او حد من عيلتك.
إوعدينا إنك هتبدأي تصلِّي حتي لو ملتزمتيش اوي في الأول لكن متبطليش مُحـاولة و ربنـا يهدي الجميـع." 💛🌸
_______________
لـو حد من متـابعين الكِتاب حابب يزود نصيـحة أو يسـاعد هو كمان بكومنت، هيبقي مشـكور أكيد.
الكِتاب ده مش بـس معمول عشان إحنـا نساعدك ولكـن عشان انتم كمان يبقى ليكم يد في كدة سواء بكلمـة تشجيعية حلوة أو نصيحة كويسـة و تأكدوا إن ثوابـها عظيم عند ربنا. 💙🌸
دُمتم بخيـر.
DQueens are always here for you. تصبـحوا على خـير. 💙🌙
