اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الرد الأوَّل:-
بصي يا حبيبتي أنتِ الحمدلله ربنا كرمك وباباكي ما شاء الله بيعملك ال انت عايزاه و ال يفرحك وبيفسحك ليه تبصي لغيرك ؟ كل ما تيجي ده في بالك افتكري أن في ناس معندهاش نص ال عندك أن في ناس بتحلم بنص ال أنت فيه وانت مش عاجبك؟ انا مش بعاتبك بس لازم تحمدي ربنا علي ال انت فيه وأنك احسن من غيرك بكتير. كل ما تفكري كده انسي كل حاجه وعيشي اللحظه ال انت فيها واتبسطي بكل ثانية في حياتك.
_Darkangel. ______________ الرد الثاني :-
السلام عليكم حبيبتي.❤ ا
نا هحش في الموضوع علي طول، و بتمني تفهميني و مكونش ضايقتك في حاجة.✨ دلوقتي اللي انا فهمته انك حياتك جميلة و ربنا يخليها اجمل ان شاء الله. دلوقتي مفكرتيش مثلًا و انتِ بتبصي للشخص اللي انتِ شايفاه عنده حاجة ده ممكن يكون ناقصه ايه؟ يعني، دلوقتي انتِ عمدك باباكِ سافرك و بيعملك اللي بتحبيه ربنا يخليهولك❤ ممكن الشخص ده بيسافر اكتر او كدا بس ابوه متوفي. الشخص اللي مايك احسن موبايل ممكن يمر بازمة مالية. و هكذا. انتِ متعرفيش الانسان عنده مشاكل ايه، زي ما ممكن يكون عندك. المهم ان كل ما تحسي كدا بصي لاهلك، لبيتك، للبس و الاكل و احمدي ربنا في ناس معندهاش اكل تاكله. في اللي احب اوصلهولك ان اكيد ان ربنا بيدي كل حد حقه، و لازم تحمدي ربنا. و اتمني الموضوع ده تبقي خلصتي منه خالص، و بالنسبة لموضوع العياط، متعيطيش و استمتعي باي حاجة في حياتك، سواء مغامرة خروجة او سفر و هكذا. اتمني اكون افدتك. _perla. _____________ الرد الثالث:-
بصي يا حبيبتي، طبعا اول حاجه انتِ لازم تعمليها انك تشكري ربنا على نعمه وجود باباكي في حياتك وأنه قادر يقدملك كل الي انتِ عاوزاه وبتتمنيه. اما بقى في موضوع ان أنتِ مش راضيه بالحياه بتاعتك وبتبصي للناس الي حواليكي، ده نوعاً ما غلط ومش صح، يعني احنا ربنا بيرزقنا بحاجات احنا لازم نشكره عليها ونحمده مش نبص لحاجه الناس الي حوالينا، اول ما تحسي انك حاسه الاحساس ده استعيذي بالله من الشيطان الرجيم، وصلى ركعتين لله صدقيني ده هيفيدك اوي. وبعدين حاولي لو عندك مشاكل تحليها متخليهاش تأثر عليكي بالشكل المحبط ده وتفكري بالطريقه السلبيه دي. لازم تفتكري أن ربنا بيدي كل إنسان وهو عارف ايه الي هيخليه سعيد في حياته ومرتاح، اتمنى انك تطمنينا عليكي وتتواصل معانا اي وقت انتِ حباه.
_Valkyrie. _____________ Dqueens are always here for you ♥️ ✨
