قلبـاً و قالبـاً.

|4|

الرد الأوَّل:-

بصى يا بنتى ربنا خلق كل إنسان بجمال خاص بيه بصى لنفسك بتمعن هتلاقى عندك حاجة مش عند غيرك حاجة ربنا ميزك بيها عشان كدا لازم تتعلمى تحبى نفسك و تبصى لمميزاتك لو عايزة تغيرى فى شكلك غيرى عشانك عشان لما تبصى فى المراية تبقى مقتنعة بنفسك لكن متغيريش نفسك عشان حد ... الاول لازم تقربى من ربنا و تحكيله هو اول واحد عن مشاكلك و همومك و تدعى انها تتحل... ثانيا لو حابة تخسى روحى جيم مثلا و امشى على نظام غذائي معين و فى خلال شهر واحد هتلاقى فى نتايج لو مش هينفع جيم اعملى تمارين فى البيت كل يوم لمدة ساعة و نزلى ابليكيشنز تمارين رياضية.... تابعى كلاسات الزومبا على اليوتيوب بتبقى مفيدة و ممتعة ... اما عن نفسيا فا تقدرى تلمى اخواتك و تشغلوا اغانى و ترقصوا سوا حتى لو ولاد عادى الولاد زياطين و بيحبوا الزيطة 😂😂 روحى اعدى مع مامتك و باباكى ارغوا و قوليلهم انك حابة تتغيرى و تخرجى من عزلتك و احكيلهم على تفاصيل يومك قوليلهم يلا نخرج فى اى حتة حتى لو هتتمشوا.... شوفى جيرانك و قرايبك البنات إللى قريبيبن من سنك إللى انتى واثقة انهم بيحبوكى و اعملوا girls' night و هاتو فيلم حلو اتفرجوا عليه .... روحى الكوافير اعملى تسريحة حلوة كدا على سنك حتى لو محجبة بس دا هيكون تغيير ليكى انتى ... لو بتحطى مكياج انزلى اشترى و حطى .. كل فترة انزلى هاتيلك بلوزة او شوز.... شوفى صحابك اللى بيحبوكى كلميهم و اخرجوا اتفسحوا ... نامى بدرى و اصحى فى الشروق اعملى تمارين .. و افتكرى ان انتى لو بصيتى كويس هتلاقى عندك حاجة مش عند غيرك و ان انتى جميلة فى كل الاحوال و ان ربنا خلقك جميلة ..و ان مش عشان حد بيضايقك او بيتريق عليكى دا يبقى معناه انه صح ببساطة ممكن يكون غيران منك
-Celeste

الرد الثانـي:-

بصي يا حب انا واحده من الناس ال كنت بعاني من ده ومن اقرب الناس ليا وكنت بحبهم جدا وكان الكلام بيجرحني وعارفه شعورك بجد حاجه وحشه اوي.

احب اقولك أن الناس دول لازم تبعدي عنهم و تخلي عندك ثقه في نفسك أنتِ اكيد فيكي حاجه مميزه مافيش حد مش مميز خلي الميزه ال فيكي دي هي ال تكسبك صحاب جديده و اوعي تفكري تخسي عشان حد اوعي انا بحذرك! عايزه تخسي خسي عشان نفسك واوعي تكرهي جسمك لا حبيه وحبي نفسك عشان يحبك الناس.