اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الرد الأوَّل:-
بصى يا بنتى مشكلة الثقة دى عند ناس كتير بس مش معنى ان صحابك بيشجعوها و انتى لا دا معناه ان موهبتك مش حلوة بالعكس ممكن تكونى موهوبة جدا بش انتى مش قادرة تركزى عشان تبدعى بالموهبة دى ... حاولى تفصلى شوفى موهبتك ايه و ركزى مع كل حاجة حواليكى الشمس القمر الهواء البحر السماء الزرع استلهمى افكارك منهم و استمتعى بالحاجة إللى بتعمليها ركزى انك تبقى كويسة عشان نفسك مش عشان تبقى احسن من غيرك ... و كمان تقدرى تطلبى من صحابك الدعم بطريقة فكاهية يعنى مثلا يا عيال انا نزلت كذا يلا روحوا شجعونى و ظبطونى كدا يعنى مش عيب ولا حاجة و اهم حاجة ركزى و حبى إللى بتعمليه و ربنا معاكى يا رب ❤❤ _Celeste. _____________
الرد الثاني:-
اول حاجة موضوع عدم الثقة ده مش حلو خلاص يا حبيبتي. بس انا حبيت اقولك ان ده هيتعير من جواكِ انتِ، يعني انا مش هقدر اعمل غير اني اديكِ نصيحة المهم تحبي تتغيري من جواكِ. تاني حاجة عايزاكِ لما تشوفي حد ناجح اتمانيله الخير و ان حياته تبقي كويسة و ان شاء حياتك كمان. + لو حد مثلًا الناس بتشجعوه اكتر شوفي هو مثلًا لو بيرسم بيرسم نوع ايه بظبط و حاولي ترسمي نفس المجال بس بطريقتك، و الاغاني،.. مش عيب ناخد فكرة امال هنتعلم ازاي بس الاهم انها تبقي فكرة و احنا غيرناها، يارب تفهاميني. تالت حاجة، ممكن لو حد ناجح دلوقتي،.. يكرن حياته مش مظبوطة في حاجة تانية و العكس، فاشكري ربنا علي كل حاجة حتي لو قليلة. رابع حاجة، انا واثقة انك بتعملي حاجة حلوة بس اشتغلي علي نفسك، يعني لو بتكتبي حسني اسلوبك و شوفي نقاط ضعفك و اشتغلي عليها و هكذا بباقي المجلات. خامسًا و الاخير، الثقة هي هتبقي سبب نجاحك صدقيني، يعنيي كل ما تبقي واثقة انك ناجحة او شغلك حلو الحاجة هتبقي حلوة انتِ ذات نفسك هتحلوي. يارب اكون افدتك. _ perla. _____________
الرد الثالث:-
هاي يقمر، بصي بقى يا ستي عارفه؟ أنا كنت زيك كده معنديش ثقه في نفسي ودايمًا كنت بقول أني فاشله ومش هنفع في حاجه ابدًا وأني مليش لازمه، كان اه ممكن يكون مفيش حد ساعتها يشجعني بس بقيت اطور من نفسي وحبه بـ حبه حاولت أقنع نفسي، طب ما أنا طلع في حاجه بعرف فيها أهو، وحاولت ميأسش وأكمل اللي بعمله حتى لو ملقتيش اللي يشجعك شجعي نفسك انتِ، بس الأهم أنك تكوني مقتنعه من جواكِ إنك عاوزه التغيير ده، أتمنيلها كل خير عشان يتردلك💜، كل واحد بيتولد بيبقى بارع في حاجه معينه، مش لازم تبقي بارعه في نفس مجال صاحبتك ممكن حاجه تانيه بس المهم إنك تطوريها لـ الأفضل، بتمنى أكون افدتك ياحب وكلنا جنبك وبنشجعك، متيأسيش.
You Matter, Don't Give Up.
_Alohmora. ___________________
آسفين لو كُنا اتأخرنا عليكِ، اتمنى تكونِ استفدتي منا حاجه ♥️، وياريت يا حبيبتي تبقى تطمنينا عليكِ.
Just for a remind.. Dqueens are always here for you🖤
