ارملة ابليس

البارت الاول

...
ثلاث سنوات مرت على اخر قطرة مطر سقطت فوق اكتافها الجميله...اين انتي مني يارهف ...اشتقت لك بحجم عشقنا للمطر سوية....
...
...
...هههههه عجبتني هاي الومضه الكاتبها نبيل...
اي رهف كتبتها قبل مانلتقي مرة ثانية لان من شلتوا  بعد ماسمعت اخبار عنج بس الحمد لله شاءت الاقدار ان ترجعون....
اوك نبيل بس شوكت نتزوج...
رهف هسه احنه مخطوبين وحته عقد شيخ ومحكمه بيناتنه بعد شنو اليمنع انتي زوجتي وحلالي....
نبيل ذني السوالف قنع بيهن روحك العالم اذا مو زفه وهوسه وجادر وعزيمه متصدك لو مو شيخ عاقدنه لو نبي ....
والله صدك كلامج يابه العالم عوزها تاخذ غيبة نفسها اعوذ بالله.....
....
...
...
تماره اخت نبيل هي الوحيد المعارض على الزواج من رهف وتشوف انو نبيل استعجل بهاي الزواجه وخصوصا انو رهف ماترتاحلها ابدا بس ماتحب تبين هالشي تخاف يزعل نبيل....
تماره عمرها تجاوز ال٣٥ سنه ارملة توفه زوجها برصاص مجهول يوم طبوا الامريكان لمدينتهم وطلبوا من الكل يدخل لبيته بس زوجها حسن مادخل وتعمدوه وكتلوا وبقت تماره ارملة لسنوات وحته تعويض ماحصلت ولا راتب تمشي بيه امرها....
وجان نبيل يحبها رغم انها تعارضه بهواي امور بس هو يشوفها امه الثانية لان امهم ماتت يوم جان عمر نبيل اشهر....
......
....

..
يابه والله العظيم تره ملينه ميصير هيج لا تعيين لاخدمات لا واحد يعرف راسه من رجليه مو معقول هاليصير بهذا البلد كلها حراميه وكلها سفله وكلها تبوك....
هاي جانت كلمات المتظاهرين اللي يقودهم استاذ فؤاد واللي دائما يطلع ويطالب ويتظاهر وكل مره يلزموه ويحققون وياه...
بالتحقيق سالوه..
انت ماتريد تبطل ذني سوالفك...
ذني مو سوالفي هاي حقوق هالشعب المظلوم واني ماحجي عن نفسي اني صوت للجميع...
كاله اللي يحقق وياه ...
انت راح تبقه مسجون هنا وراح نشوف شلون تاليها وياك....
...
...
...
الحكني نبيل ...
شكو رهف..
الشرطه لزمت فؤاد اخوية....عفيه الحكلي تره بس هوه بهالدنيه عندي وامي راح تموت من البجي...
...رهف احجوا وياه قنعوه تره مايصير كل مره مسوي تظاهره وخابصه الوضعيه وهو يعرف ماراح يتغيير شي ...
اني هسه اروح لسيد باسل هوه يعرف الللي بمركز الشرطه بس مادري شكله وهو ذيج المره كتبنه تعهد....
هنا كالتله تمارة خوية انت ليش تدخل نفسك بهيج امور والله اخاف عليك انت تطيح بدين الحكومه وماراح ترحمك يعني شحصل انه من يسجنوك ويضيعون سريطك..(عبارة يضيعون سريطك تقال حين اختفاء الشي تماما)..
رد عليها لاتخافين يعني اخو زوجتي مسجون شلون تريديني اعوفه...
والله راح تضيعك هاي رهف هيه واخوها وانا راح اسوي المستحيل حته ماخلي هالزواج يصير لان هاذا اخوها مايتوب وانته راح اكيد لخاطر عيون رهف تظل تروكض وراه لحد ماتطيحلك بهبية .....
...
...
بالطريق من رجع سيد باسل وفؤاد ونبيل بعد ماتكفل سيد باسل بالموضوع ووعدهم انو فؤاد ماراح يكرر الشغب هذا...
اسمعني فؤاد ...
كول سيد اسمعك...
انت اللي تسويه صح وكلنه نعرف انو صحيح بس الوقت غلط لانه لو كلنه نصيح محد راح يسمعنه وهذي العالم نست الله وعباد الله وغطت بالفلوس والاريده منك تهدي نفسك وتخلي اتكالك عله الله لان ذولة يكدرون بأي لحظه يخلصون عليك ومحد يكدر يكلهم ليش وشنو السبب ...
كلامك صحيح كال نبيل واني دوم اكله انته مثل الينطحله بحديدة ....ذولة حديدة وداعتك....
....
....
....
بيداء صديقة تمارا من الطفولة ولحد ماكبرت وتزوجت وهيه باقيه وياها وطبعا هي اكبر من تمارا ب٥ سنوات بس المشكلة انو نبيل مايرتاح الها ابدا لانها من النوع الوكح والماتهتم وحته بالشارع من تطلع بيداء تضحك بوجه الرايح والجاي...ومره من المرات تعاركوا نبيل وتمارة بيناتهم لان كالها هاي ادبسز وما اسمح تجي هنا واني اعرف علاقاتها هواي...
ردت عليه تمارا ...اني ربيتك من عمرك شهور ولحد هسه معتنيه بيك تجي تعلمني شلون اختار  صديقاتي وانت تعرف بيها من الصغر صديقتي.....
المهم الاحداث اللي صارت بين تماره ونبيل ماجنت تعرف بيها بيداء وبالعكس بقت تمارا تحبها وقررت ان تستعين بيها من سمعت انو الشرطه اجت اخذت فؤاد...
الو بوده حبي شلونج...
هلو حبيبتي تمتم شخبارج....
عوفي اخباري مشتعل ابو تماره اليوم تجيني ضروري ...
تدللين تمتم ...
...
...
...
بالتحقيق...
انت قبل ايام اعتقلناك لان سببت ازعاج للسلطة المحلية وتقود تظاهرة وتحرض الناس عالتخريب واجه من اجه وتكفاك....ترجع تنزل منشور تسب وتشتم وتطالب بتظاهرة وتريد تسقط مجلس محافظه .....والله عال صايرين ثوار براسنه...
له تابع لطفا...