بالمكتب الخاص بالحركه التابعه الها ام نزار جان هناك اجتماع وجانت ام نزار من ضمن المجتمعين وهي المريه الوحيدة اللي تتوسط خمس زلم وجانت شخصيتها قوية وتاخذ وتنطي بالحجي...
سالها ابو يحيى....
ام نزار اقاربج اللي جان بالسجن شنو اخباره...
لا الحمد الله صار زين وعقل وبطل هالسوالف...
ها خوش حجي زين ليش ماتقنعينه يجي هنا ويانه احنه نحب المثقفين والثوار واصحاب الحس الوطني والثور...
عله بختك ابو يحيى وين اجيبه هم اصلا ميعرفون اني بالمكتب اداوم صح حاسين بس محد يعرف وين اشتغل ....
ام نزار انتي تعرفين ان التظاهرات والاضطرابات من صالحنه واحنه مستعدين ننطيه دعم مادي ونطلعه مظاهرات ونحميه واختاريناه لان وراه مسانده جماهيرية...
اوك ابو يحيى اني احجي وي امه واحجي وياه واشوف الرد شنو....
٠...
....
قرر فؤاد بنفسه يروح لتمارا ويحاول يفهم منها القصة الحقيقيه لمرض نبيل. .
....
....
وبالفعل راح والتقه بتمارا وكالتله انو هو مريض وكل فترة اخذه للدكتور مالته باربيل من غير ما احد يعرف وهاي المره كلما اكوله يعاندني ...
زين اني احجي وياه شاب ويه شاب يمكن يسمع مني ...
هنا ارتعدت تمارا وكالتله لالالالالالالا اني اوعدك راح اقنعه اقرب وقت وارجوك ماريد احد يفتح وياه هالموضوع لان اخاف عله صحته ...
بس ليش ماكلتوا من البداية ليش ماخليتونه نتصرف ونشوف دكتور بالخارج ....ليش هيج ضميتوها السالفه...
الله كريم لاتفكر يحلها ربك...
انت احجيلي عنك شنو ماناوي تتزوج لو تريد تخلصها طلايب ومظاهرات...
لا والله تمارا بس بعدني مالكيت التناسبني...
ردت عليه تمارا التناسبك موجوده بس عيونك وكلبك مغمضين وضحكت ....وراها مشه فؤاد وبقه اثر الكلام يدور براسه ...
معقولة تمارا الارمله تفكر بيه اني اللي اصغر منها...
وليش وشنو المو معقول بالموضوع وليش اني بالذات وهاي التساؤلات ضلت تاكل براس فؤاد....
...
...
صارت تمارا مجبره ان تتنازل وتراضي نبيل وقررت تسوي المستحيل حته يطلعون سفره ...
وهنا اجه نبيل وكالتله...
زعلك نبولتي اثكل من الجبل عله كلبي وروح امي صار ايام وانه مهمومه لان مضوجتك..
كالها بس انتي تعرفين.....وقبل لايكمل كلامه نزلت عله رجله وضلت تبجي وتكله انت روحي من الدنيه .انه لان زاعلتك حضرتلك مفاجاه...ولازم تقبل...
كالتله تمارا..اسمع نبولتي....
نروح سفرة اني وياك لاربيل اسبوع وعله حسابي ودينار متصرف ...
صرخ وااااو اربيل اكيد ماينرفض هالعرض بس اطلب منج تروح رهف ويانا...
تمارا كالتله اوك خابرها وكلها وهي تعرف انو رهف ماراح تروح لان السفره مثل ماكالت لفؤاد هي للعلاج...
وبالفعل اعتذرت رهف من نبيل وكالتله والله ماكدر اعوف اني بوحدها تروح وترجع بالسلامه يغالي ...
...
...
ماصبر فؤاد وقرر يخابر تمارا اللي هي اصلا تريد توكعه بخطتها...
هلو تمارا شلونج..
هلو فؤاد شلونك يعيني...
والله زين بس كلماتج اليوم هواي خلتني افكر وماعرف شكلج..
ياكلمات ههههه وضحكت تره حجي عادي الحجيته ...
ادري عادي بس انتي جنتي تلمحين لفد شي ...
لا مو تلميح وانما امنية والامنيات ماتتحقق وصعب تتقارب شخصيات بيناتها وهي مو من نفس المستوى ...
هنا عرف فؤاد ان تمارا تريد يكون بينهم علاقه وحب وهو بداخله مارافض هالشي...
شنو يامستويات تحجين عليها....
لا فؤاد بس يعني مثلا انت شخص واعي وفاهم ومثقف وهواي بنات بطريقك وتكدر تختار اكيد انت ماراح تفكر بوحده ارمله مثلي...
كالها تمارا وشنو خلاج تتاكدين هههههه
قبل لاتجاوبه تمارا رد عليها هاي عمتي ام نزار ارد عليها وارجع نتراسل....
....
...
هنا مباشرة اتصلت تمارا ببيداء...
الو ها عوبه ولج بيداء ارتخه الحبل....
ههههه شنو تقصدين مو هنه الف حبل ورطتيني بيهن...
وج حبل المثقف وكع بالحفرة.
...
ههههه كتلج خليها وره بوده وشوفي وهاي بسببج رجعتيني لسوالف المكسرة مالت الكشافات وامهات شعيرة(الكشافه+ام شعيرة مهنه تمتهنها بعض النسوة وهي رؤية المستقبل والكشف عنه وهذا باب من ابواب الدجل ولهن تسميه اخرى وهي الطريحه)...
زين انتي بيداء مادامج هيج ماتسوين لرجلج وتلصمينه سويله يمهن سدة حلك...
يمعوده ماريده ماطيقه اريد اتحرر منه ...
...
...
هلا عمه ام نزار شلونج...
هلا فؤاد شلونك شخبارك ...
ماريد اطول عليك بالحجي واريدك تسمعني وهاي امك هم تسمع انتم متدرون انه اشتغل بمنظمات مجتمع مدني وعندي علاقاتي بالاحزاب وابو يحيى الطلعك يريدك تستغل وياه وتنظم وياهم لحزبهم وحركتهم ووعدني انو هوه راح يدير باله عليكويشدلك راتب وانته ياعمه لازم تحصلك رويتب وتفكر تتزوج وتكون عايله....
بدون اي مقدمات وبدون اي كلام كال فؤاد اي والله عمه لازم الواحد يفكر يبني بيت وزوجه وعائله...هنا صفنت امه وكالت سبحان مغير الاحوال فؤاد ظل يفكر ببيت وعائله عمي يرادلها شكران وحمد يارب العالمين
أنت تقرأ
ارملة ابليس
Misteri / Thrillerاحداث القصة تدور حول السحر والدجل وايمان بعض النفوس بهما ...وكيف يكون مصير من يتعامل بهما بالاخير
